ಕಳವು ತಡೆಯಲು ಕೃತಿಸ್ವಾಮ್ಯ

 ದಿನಾಂಕ  11-09-2019ರ ವಿಜಯವಾಣಿಯಲ್ಲಿ ಪ್ರಕಟವಾದ ನನ್ನ ಬರಹ. 

ಕಳವು ತಡೆಯಲು ಕೃತಿಸ್ವಾಮ್ಯ

ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್‌ಗೇಟ್ಸ್ ಎಲ್ಲರಿಗೂ ಗೊತ್ತು. ಬಿಲ್‌ಗೇಟ್ಸ್ 1975ರಲ್ಲಿ ನ್ಯೂಮೆಕ್ಸಿಕೋ ಪ್ರಾಂತದ ಅಲ್ಬುಕರಕ್ ನಗರದ ಒಂದು ಚಿಕ್ಕ ಕೋಣೆಯಲ್ಲಿ ಮೈಕ್ರೋಸಾಫ್ಟ್ ಕಂಪನಿಯನ್ನು ಪ್ರಾರಂಭ ಮಾಡಿದನು. ಒಂದು ವರ್ಷದ ಅವಿರತ ಶ್ರಮದ ಫಲವಾಗಿ ಬಿಲ್‌ಗೇಟ್ಸ್ ಮೈಕ್ರೋಸಾಫ್ಟ್ 1.0 ಮೂಲ ತತ್ರಾಂಶವನ್ನು ಅಭಿವೃದ್ದಿಪಡಿಸಿದ. ಸ್ವಲ್ಪದಿನಗಳ ನಂತರ ತಾನು ಅಭಿವೃದ್ದಿ ಪಡಿಸಿದ ಸಾಫ್ಟ್ವೇರನ್ನು ಬೇರೆಯವರು ಅವರ ಹೆಸರಿನಲ್ಲಿ ಬಳಸುತ್ತಿರುವುದ ಗಮನಕ್ಕೆ ಬಂದಿತು. ಆ ಕಂಪನಿ ವಿರುದ್ದ ಕೋರ್ಟ್ನಲ್ಲಿ ದಾವೆ ಹೂಡಿದ. ಆದರೆ ಕೋರ್ಟ್ ಕೇಳಿದ ಪ್ರಶ್ನೆಗೆ ಬಿಲ್‌ಗೇಟ್ಸ್ನ ಬಳಿ ಉತ್ತರ ಇರಲಿಲ್ಲ. ತಾವು ಅಭಿವೃದ್ದಿ ಪಡಿಸಿದ ಕಾರ್ಯಕ್ಕೆ ಕಾಪಿರೈಟ್ ಮಾಡಿಸಿರಲಿಲ್ಲ. ಆದರೆ ತನ್ನಿಂದ ಆದ ತಪ್ಪನ್ನು ಕೋರ್ಟ್ಗೆ ತಿಳಿಸಿ, ತಾನು ಒಂದು ವರ್ಷಗಳ ಕಾಲ ಮಾಡಿದ ಎಲ್ಲಾ ದಾಖಲೆಗಳ ವಿವರವನ್ನು ಕೋರ್ಟ್ಗೆ ನೀಡಿದ. ಆ ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿದ ಕೋರ್ಟ್ ಬಿಲ್‌ಗೇಟ್ಸ ಪರವಾದ ತೀರ್ಪನ್ನು ನೀಡಿತು. ನಂತರ ತನ್ನೆಲ್ಲಾ ಕಾರ್ಯವನ್ನು ಕಾಪಿರೈಟ್ ಮಾಡಿಸಿದ.

ರಾಮು ನಿರ್ದಿಷ್ಟ ಉದ್ದೇಶವನ್ನಾಧರಿಸಿದ ತನ್ನದೇ ಆದ ಒಂದು ಕಂಪನಿಯನ್ನು ಕಟ್ಟಿ ಬೆಳೆಸಿದ್ದಾನೆ. ಕಂಪನಿಯ ಮಾಹಿತಿ ಮತ್ತು ಪ್ರಕ್ರಿಯೆ ಕುರಿತ ಮಾರ್ಗದರ್ಶಿ ಪುಸ್ತಕಕ್ಕೆ ಕಾಪಿರೈಟ್ ಪಡೆಯಲು ನಿರ್ಧರಿಸಿದ. ಅದಕ್ಕಾಗಿ ಏಜೆನ್ಸಿಗಳ ಮೊರೆಹೋದ. ಸುಮಾರು ಎರಡು ವರ್ಷಗಳಿಂದ ಒಂದು ಏಜೆನ್ಸಿಯ ಕಛೇರಿ ಅಲೆದು ಅಲೆದು ಸುಸ್ತಾದ. ಕೊನೆಗೆ ಇನ್ನೊಂದು ಏಜೆನ್ಸಿಯ ಬಾಗಿಲು ಬಡಿದ. ಕೇವಲ ಎಂಟು ತಿಂಗಳಲ್ಲಿ ತನ್ನ ಕಂಪನಿಗೆ ಕೃತಿಸ್ವಾಮ್ಯ ದೊರೆಯಿತು.

 ಸಾಮಾನ್ಯವಾಗಿ ನಾವು ಯಾವುದೇ ಪುಸ್ತಕದ ತಾಂತ್ರಿಕ ಪುಟವನ್ನು ತೆರೆದರೆ ಅಲ್ಲಿ ಹಕ್ಕುಗಳು ಅಥವಾ ಬಿ ಎಂಬ ಚಿಹ್ನೆಯನ್ನು ಕಾಣುತ್ತೇವೆ. ಜೊತೆಗೆ ಕೆಲವು ಆಡಿಯೋ, ವೀಡಿಯೋ ಸಿ.ಡಿ.ಗಳ ಮೇಲೂ ಈ ಚಿಹ್ನೆಯನ್ನು ಕಾಣುತ್ತೇವೆ. ಹಾಗಾದರೆ ಈ ಚಿಹ್ನೆಯ ಅರ್ಥ ಏನು? ಇದನ್ನು ಏತಕ್ಕಾಗಿ ಬಳಸುತ್ತಾರೆ? ಇದರ ಹಿಂದಿನ ತಾತ್ವಿಕತೆ ಏನು? ಇತ್ಯಾದಿ ಪ್ರಶ್ನೆಗಳ ಕುರಿತ ಮಾಹಿತಿಯೇ ಈ ಬರಹ.

ಕೃತಿಸ್ವಾಮ್ಯ ಎಂದರೆ,,,

ಕಾಪಿರೈಟ್ ಅಥವಾ ಕೃತಿಸ್ವಾಮ್ಯ ಎಂಬುದು ಕಾನೂನುಬದ್ದ ಹಕ್ಕು ಆಗಿದ್ದು, ಅದು  ಅದರ ಸೃಷ್ಟಿಕರ್ತನ ಕೆಲಸಕ್ಕೆ ಸಲ್ಲುವ ವಿಶೇಷ ಹಕ್ಕು ಆಗಿದೆ. ಜೊತೆಗೆ ಇದು ಈ ಮೂಲಕೃತಿಯ ಮಾಹಿತಿಯನ್ನು ಇತರರು ಬಳಸಬೇಕೇ? ಬೇಡವೇ? ಎಂಬುದನ್ನು ನಿರ್ಧರಿಸಲು ಅನುವು ಮಾಡಿಕೊಡುತ್ತದೆ. ಇದು ಸಾಮಾನ್ಯವಾಗಿ ಸೀಮಿತ ಅವಧಿಗೆ ನೀಡುವ ಹಕ್ಕಾಗಿದೆ. ಇದು ಕೃತಿಕಾರ ಅಥವಾ ಸೃಷ್ಟಿಕರ್ತನ ಆಲೋಚನಾ ಹಾಗೂ ಅಭಿವ್ಯಕ್ತಿ ಸ್ವಾತಂತ್ರದ ರಕ್ಷಕವಾಗಿದೆ.

ಕೃತಿಸ್ವಾಮ್ಯವು ಸೃಜನಶೀಲ ಕೃತಿಗಳಿಗೆ ನೀಡುವ ದೇಶವ್ಯಾಪಿ ಅಥವಾ ಅಂತರಾಷ್ಟಿçÃಯ ಮಟ್ಟದ ಹಕ್ಕಾಗಿದೆ. ಅಂತೆಯೇ ಕೆಲವು ಖಾಸಗೀ ಕಂಪನಿಗಳ ಕಾರ್ಯಸೂಚಿ ಪುಸ್ತಿಕೆಯ ನ್ಯಾಯವ್ಯಾಪ್ತಿ ಹಕ್ಕಾಗಿದೆ. ಕೃತಿಯಲ್ಲಿ ಉಲ್ಲೇಖಿಸಿದ ಹಕ್ಕುದಾರರಿಗೆ ಅದರ ಲಾಭಗಳು ಅನ್ವಯಿಸುತ್ತವೆ. ಈ ಹಕ್ಕುಗಳು ಮರು ಉತ್ಪಾದನೆ, ವಿತರಣೆ, ಸಾರ್ವಜನಿಕ ಕಾರ್ಯಕ್ಷಮತೆ, ನೈತಿಕ ಹಕ್ಕುಗಳನ್ನು ಒಳಗೊಂಡಿದೆ.

ಕೃತಿಸ್ವಾಮ್ಯವು ಸಾಹಿತ್ಯ, ನಾಟಕ, ಸಂಗೀತ, ಸಿನಿಮಾ, ಧ್ವನಿ ರೆರ್ಕಾಡಿಂಗ್, ಕಲಾಕೃತಿಗಳು ಹೀಗೆ ವಿವಿಧ ಪ್ರಕಾರದ ಸೃಜನಾತ್ಮಕ ಕೃತಿ/ಡಾಕ್ಯುಮೆಂಟರಿ ಕೆಲಸಗಳಿಗೆ ನೀಡುವ ಅಧಿಕೃತತೆಯ ಹಕ್ಕಾಗಿದೆ. ವಾಸ್ತವವಾಗಿ ಇದೊಂದು ಹಕ್ಕುಗಳ ಗುಚ್ಛವಾಗಿದ್ದು, ತನ್ನ/ತಮ್ಮ ಕೆಲಸಗಳಿಗೆ ಪಡೆಯುವ ಅಧಿಕೃತ ಹಕ್ಕಾಗಿದೆ. ಅದು ಸಂಪಾದನೆ, ಸಂವಹನ, ಮರುಸೃಷ್ಟಿ, ಅನುವಾದ ಇತ್ಯಾದಿ ಕಾರ್ಯಗಳಿಗೆ ಪಡೆಯುವ ರಾಷ್ಟç/ಅಂತರರಾಷ್ಟಿçÃಯ ಮಟ್ಟದ ಹಕ್ಕಾಗಿದೆ. 

ಕೃತಿಸ್ವಾಮ್ಯವು ಸೃಷ್ಟಿಕರ್ತರಿಗೆ ತಮ್ಮ ಉತ್ಪನ್ನವನ್ನು ರಕ್ಷಿಸಿಕೊಳ್ಳುವ ಅಧಿಕೃತ ಹಕ್ಕಾಗಿದೆ.  ಆ ಉತ್ಪನ್ನದ ಲಾಭ ಮತ್ತು ಇನ್ನಿತರೇ ಪ್ರಯೋಜನಗಳು ಸಂಪೂರ್ಣವಾಗಿ ನೊಂದಾಯಿತ ವಾರಸುದಾರರಿಗೆ ಸಲ್ಲುತ್ತದೆ. ಬರಹಗಾರರು, ಕಲಾವಿದರು, ವಿನ್ಯಾಸಕಾರರು, ನಾಟಕಕಾರರು, ಸಂಗೀತಗಾರರು, ವಾಸ್ತುಶಿಲ್ಪಿಗಳು, ಧ್ವನಿ ರೆಕಾರ್ಡರ್, ಛಾಯಾಚಿತ್ರಗಾರರು, ಸಿನಿಮಾಟೋಗ್ರಾಫರ್, ಕಂಪ್ಯೂಟರ್ ಸಾಫ್ಟ್ವೇರರ್ ಮುಂತಾದವರು ತಮ್ಮ ಸೃಜನಶೀಲ ಉತ್ಪನ್ನಕ್ಕೆ ಕಾನೂನಾತ್ಮಕ ರಕ್ಷಣೆ ಒದಗಿಸಿಕೊಳ್ಳಲು ಕೃತಿಸ್ವಾಮ್ಯವು ಪ್ರಬಲ ಅಸ್ತçವಾಗಿದೆ. 

ವ್ಯಾಪ್ತಿ :

1957ರ ಕೃತಿಸ್ವಾಮ್ಯ ಕಾಯಿದೆ ಪ್ರಕಾರ ಮೂಲ ಸಾಹಿತ್ಯ, ನಾಟಕ, ಸಂಗೀತ, ಸಿನಿಮಾಟೋಗ್ರಾಫಿ, ಚಲನಚಿತ್ರ, ಧ್ವನಿ ರೆಕಾರ್ಡಿಂಗ್‌ಗಳೂ ಮತ್ತು ಕಲಾಕೃತಿಗಳು ಕೃತಿಸ್ವಾಮ್ಯಕ್ಕೆ ಒಳಪಡುತ್ತವೆ. ಇದು ಪೆಟೆಂಟ್‌ಗಿAತ ಭಿನ್ನವಾಗಿದೆ. ಪೆಟೆಂಟ್ ಐಡಿಯಾಗಳನ್ನು ರಕ್ಷಿಸುತ್ತದೆ. ಅದೇ ರೀತಿ ಕೃತಿಸ್ವಾಮ್ಯವು ಅಭಿವ್ಯಕ್ತಿಯನ್ನು ರಕ್ಷಿಸುತ್ತದೆ. ಕಲ್ಪನೆಗಳು, ಕಾರ್ಯ ವಿಧಾನಗಳು, ಆಲೋಚನೆಗಳು, ಗಣಿತದ ಪರಿಕಲ್ಪನೆಗಳಿಗೆ ಕೃತಿಸ್ವಾಮ್ಯದಡಿಯಲ್ಲಿ ರಕ್ಷಣೆ ಇಲ್ಲ.

ಅರ್ಜಿ ಸಲ್ಲಿಕೆ :

ಬಹುತೇಕರಿಗೆ ಕೃತಿಸ್ವಾಮ್ಯ ಪಡೆಯುವುದು ಹೇಗೆ ಎಂಬ ಮಾಹಿತಿ ಲಭ್ಯವಿಲ್ಲ. ಎಲ್ಲಾ ರೀತಿಯ ಸೃಜನಾತ್ಮಕ ಕೃತಿಗಳನ್ನು ನೊಂದಾಯಿಸಲು ರಿಜಿಸ್ಟಾçರ್ ಆಫ್ ಕಾಪಿರೈಟ್ ನೇತೃತ್ವದಲ್ಲಿ ಕಛೇರಿ ಸ್ಥಾಪಿಸಲಾಗಿದೆ. ಇದು ನವದೆಹಲಿಯಲ್ಲಿದೆ. ಅರ್ಜಿಗಳನ್ನು ತಿತಿತಿ.ಛಿoಠಿಥಿಡಿighಣ.gov.iಟಿ ವೆಬ್‌ಸೈಟ್‌ನಿಂದ ಡೌನ್‌ಲೋಡ್ ಮಾಡಿಕೊಂಡು ಭರ್ತಿ ಮಾಡಿ, ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಸಬಹುದಾಗಿದೆ. ಅಲ್ಲದೇ 2014 ರಿಂದ ಆನ್‌ಲೈನ್‌ನಲ್ಲಿ ‘ಇ-ಫೈಲಿಂಗ್’ ಸೌಕರ್ಯದ ಮೂಲಕವೂ ಅರ್ಜಿ ಸಲ್ಲಿಸಬಹುದಾಗಿದೆ. ಅರ್ಜಿಯನ್ನು ಲೇಖಕ, ಮಾಲಿಕ, ನಿಯೋಜಕ, ಅಥವಾ ಕಾನೂನುಬದ್ದ ಉತ್ತರಾಧಿಕಾರಿ ಯಾರಾದರೂ ಅರ್ಜಿ ಸಲ್ಲಿಸಬಹುದು. 

ನೊಂದಣಿ ಪ್ರಕ್ರಿಯೆ :

ನೊಂದಣಿ ಪ್ರಕ್ರಿಯೆ ಹಲವು ಹಂತಗಳಲ್ಲಿ ಮುಂದುವರೆಯುತ್ತದೆ. ಮೊದಲು ವೆಬ್‌ಸೈಟ್‌ನಿಂದ ನಮೂನೆ-14 ನ್ನು ಡೌನ್‌ಲೋಡ್ ಮಾಡಿಕೊಳ್ಳಬೇಕು. ನಂತರ ಅಗತ್ಯ ಮಾಹಿತಿಯನ್ನು ಭರ್ತಿ ಮಾಡಬೇಕು. ಪ್ರತಿ ಕೆಲಸಕ್ಕೂ ಪ್ರತ್ಯೇಕವಾಗಿ ನೊಂದಣಿ ಮಾಡಿಸಬೇಕು.  ಅರ್ಜಿಯೊಂದಿಗೆ ಅಗತ್ಯ ಶುಲ್ಕ ಪಾವತಿಸಬೇಕು. ಅರ್ಜಿದಾರರು ಹಾಗೂ ಹಕ್ಕು ಪಡೆಯುವವರು ಸಹಿ ಹಾಕಬೇಕು. ಕೆಲವು ವೇಳೆ ಕೃತಿಕಾರರಲ್ಲದವರಿಗೆ ಹಕ್ಕುಗಳನ್ನು ವರ್ಗಾಯಿಸಲಾಗುತ್ತದೆ. ಅಂತಹ ಸಂದರ್ಭದಲ್ಲಿ ವಾರಸುದಾರರು ಸಹಿ ಹಾಕಬೇಕು. ವಾರಸುದಾರಿಕೆ ನ್ಯಾಯಾಂಗ ಇಲಾಖೆಯ ಮೂಲಕ ಅಧಿಕೃತಗೊಂಡಿರಬೇಕು. ಶುಲ್ಕವನ್ನು ಡಿಮ್ಯಾಂಡ್ ಡ್ರಾಫ್ಟ್ ಅಥವಾ ಪೋಸ್ಟಲ್ ಆರ್ಡರ್ ರೂಪದಲ್ಲಿ ‘ರಿಜಿಸ್ಟಾçರ್ ಆಫ್ ಕಾಪಿರೈಟ್ಸ್, ನ್ಯೂಡೆಲ್ಲಿ’ ಇವರಿಗೆ ಸಂದಾಯವಾಗುವAತೆ ಪಾವತಿಸಬೇಕು. ಇ-ಪಾವತಿಯ ಸೌಲಭ್ಯವೂ ಲಭ್ಯವಿದೆ. ಸಂಪೂರ್ಣ ವಿವರಗಳೊಂದಿಗೆ ಭರ್ತಿ ಮಾಡಿದ ಅರ್ಜಿಯನ್ನು ಬೌಧಿಕ್ ಸಂಪದಾ ಭವನ, ಪ್ಲಾಟ್ ಸಂಖ್ಯೆ 32, ಸೆಕ್ಟರ್ 14, ದ್ವಾರಕಾ, ಹೊಸದೆಹಲಿ, 110075 ಇಲ್ಲಿಗೆ ಕಳಿಸಬೇಕು. 

ಅರ್ಜಿ ತಲುಪಿದ 30 ದಿನಗಳ ನಂತರ ಕಛೇರಿಯಿಂದ ಡೈರಿ ನಂಬರ್ ಸಿಗುತ್ತದೆ. ಇದೊಂದು ರೀತಿಯ ರೆಫರೆನ್ಸ್ ನಂಬರ್ ಇದ್ದಂತೆ. ನಂತರ ಎಲ್ಲಾ ದಾಖಲೆಗಳ ಪರಿಶೀಲನೆಯಾದ ನಂತರ ಕಾಪಿರೈಟ್ ಪರವಾನಿಗೆ ಸಿಗುತ್ತದೆ. ಕೆಲವು ವೇಳೆ ಕೃತಿಗೆ ಸಂಬAಧಿಸಿದ ಆಕ್ಷೇಪಣೆಗಳಿಗೆ ನಿಗದಿತ ಸಮಯದಲ್ಲಿ ಉತ್ತರಿಸದೇ ಇದ್ದರೆ ಕಾಪಿರೈಟ್ ಬೇಗನೇ ಸಿಗುವುದಿಲ್ಲ. ಯಾವುದೇ ಆಕ್ಷೇಪಣೆಗಳು ಇಲ್ಲದಿದ್ದರೆ 3-4 ತಿಂಗಳಲ್ಲಿ ಕಾಪಿರೈಟ್ ಪರವಾನಿಗೆ ದೊರೆಯುತ್ತದೆ. ಅದು ದೊರೆತ ನಂತರ ಮಾತ್ರ ಅಧಿಕೃತವಾಗಿ ಬಿ ಚಿಹ್ನೆಯನ್ನು ಬಳಸಬಹುದು. ಬಹುತೇಕ ಕೃತಿ/ ಸಂಗೀತ ಉತ್ಪನ್ನಗಳಲ್ಲಿ ಬಳಸುತ್ತಿರುವುದು ಅನಧಿಕೃತ ಚಿಹ್ನೆಯಾಗಿದೆ.

ಶುಲ್ಕ ಎಷ್ಟು? :

ಕೃತಿಯ ಹಕ್ಕುಗಳ ಆಧಾರದ ಮೇಲೆ ಶುಲ್ಕದಲ್ಲಿ ವ್ಯತ್ಯಾಸಗಳಿವೆ. ಸಾಹಿತಿಕ, ನಾಟಕ, ಸಂಗೀತ ಮತ್ತು ಕಲಾ ಕೃತಿಗಳಿಗೆ 500 ರೂ.ಗಳ ಶುಲ್ಕವಿದ್ದರೆ, ಸಮೂಹ ಸಂವಹನದAತಹ ಪ್ರಸಾರಾತ್ಮಕ ಕೆಲಸಗಳಿಗೆ 40000 ರೂ. ಗಳವೆರೆಗೆ ಶುಲ್ಕವಿದೆ. ಶುಲ್ಕದ ವಿವರಗಳಿಗೆ ಇಲಾಖೆಯ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಅಲ್ಲದೇ ಯಾವುದೇ ಸಂದರ್ಭದಲ್ಲಿಯೂ ಹಕ್ಕುಸ್ವಾಮ್ಯದ ವಾರಸುದಾರಿಕೆಯನ್ನು ಸೂಕ್ತ ಶುಲ್ಕದೊಂದಿಗೆ ಬದಲಾಯಿಸಲು ಅವಕಾಶವಿದೆ. 

ಕೃತಿಸ್ವಾಮ್ಯ ಕುರಿತ ಮಾರ್ಗದರ್ಶನ :

1958 ರ ಜನವರಿಯಲ್ಲಿ ಕಾಪಿರೈಟ್ ಆಕ್ಟ್ ಜಾರಿಗೆ ಬಂದಿತು. ನಂತರ 1983, 1984, 1991, 1994, 1999  ಮತ್ತು 2012 ರಲ್ಲಿ ಒಟ್ಟು ಆರು ಬಾರಿ ತಿದ್ದುಪಡಿಯಾಗಿದೆ. ಅದರಲ್ಲಿ 2012ರ ತಿದ್ದುಪಡಿ  ಬಹಳ ಪ್ರಮುಖವಾದದ್ದು. ಕೃತಿಸ್ವಾಮ್ಯ ನಿಯಮಗಳು ಬಗ್ಗೆ ಇಲಾಖೆಯ ವೆಬ್‌ಸೈಟ್‌ನಲ್ಲಿ ಅಧಿಕೃತ ಮಾಹಿತಿ ಲಭ್ಯವಿದೆ. ಇಲ್ಲಿಂದ ಡೌನ್‌ಲೋಡ್ ಮಾಡಿಕೊಂಡು ಮಾರ್ಗದರ್ಶನ ಪಡೆಯಬಹುದು. 

ಅಪ್ರಕಟಿತ ಕೃತಿ ಹಾಗೂ ಕಂಪ್ಯೂಟರ್ ಪ್ರೋಗ್ರಾಂಗಳಿಗೂ ಅವಕಾಶ :

ಹಕ್ಕುಸ್ವಾಮ್ಯ ಪಡೆಯಲು ಕೇವಲ ಪ್ರಕಟಿತ ಕೃತಿಗಳೇ ಇರಬೇಕೆಂದೇನಿಲ್ಲ. ಅಪ್ರಕಟಿತ ಕೃತಿಗಳನ್ನೂ ಸಹ ನೊಂದಾಯಿಸಲು ಅವಕಾಶವಿದೆ. ಅಪ್ರಕಟಿತ ಕೃತಿಗಳಾದರೆ ಹಸ್ತಪ್ರತಿಯನ್ನು ಅರ್ಜಿಯ ಜೊತೆ ಲಗತ್ತಿಸಬೇಕು. ಮುಂದೆ ಅದೇ ಹಸ್ತಪ್ರತಿ ಪ್ರಕಟಗೊಂಡಾಗ ನಮೂನೆ-15ನ್ನು ಭರ್ತಿ ಮಾಡುವ ಮೂಲಕ ಅದೇ ಕೃತಿಗೆ ಹಕ್ಕುಸ್ವಾಮ್ಯವನ್ನು ಪಡೆಯಬಹುದು. 

ಕಂಪ್ಯೂಟರ್ ಸಾಫ್ಟ್ವೇರ್ ಅಥವಾ ಕಂಪ್ಯೂಟರ್ ಪ್ರೋಗ್ರಾಂಗಳನ್ನು ‘ಸಾಹಿತಿಕ ಕೆಲಸ’ ಎಂದು ನೊಂದಾಯಿಸಬಹುದು. 1957ರ  ಕಾಪಿರೈಟ್ ಸೆಕ್ಷನ್ 2(ಒ) ಪ್ರಕಾರ ಕಂಪ್ಯೂಟರ್ ಡಾಟಾಬೇಸ್‌ಗಳು, ಕಂಪ್ಯೂಟರ್ ಪ್ರೋಗ್ರಾಂಗಳು, ಕೋಷ್ಟಕಗಳು, ಸಂಕಲನಗಳನ್ನು ನೊಂದಾಯಿಸಲು ಅವಕಾಶ ಇದೆ. ಸಾಫ್ಟ್ವೇರ್ ಉತ್ಪನ್ನದ ನೊಂದಣಿಗಾಗಿ ಮೂಲ ಕೋಡ್ ಮತ್ತು ಅಬ್ಜೆಕ್ಟ್ ಕೋಡ್‌ಗಳನ್ನು ಅರ್ಜಿಯೊಂದಿಗೆ ಸಲ್ಲಿಸಬೇಕಾಗುತ್ತದೆ. ಹಾಗೆಯೇ ವೆಬ್‌ಸೈಟ್‌ಗಳಿಗೂ ಸಹ ಕಾಪಿರೈಟ್ ಪಡೆಯಬಹುದು. ಆದರೆ ವೆಬ್‌ಸೈಟ್‌ನಲ್ಲಿ ಕಾಣಿಸಿಕೊಳ್ಳುವ ಪ್ರತಿಯೊಂದು ಘಟಕ, ವಿಷಯ, ಕೆಲಸಕ್ಕೂ ಪ್ರತ್ಯೇಕವಾಗಿ ಅರ್ಜಿ ಸಲ್ಲಿಸಿ ಕಾಪಿರೈಟ್ ಪಡೆಯಬಹುದು. 

ಕಿವಿಮಾತು : ಕಾಪಿರೈಟ್ ನೊಂದಣಿ ಮಾಡಿಸಲು ಅನೇಕ ಏಜೆನ್ಸಿಗಳಿವೆ. ಬಹುತೇಕ ಎಲ್ಲಾ ಏಜೆನ್ಸಿಗಳ ಉದ್ದೇಶ ಲಾಭಗಳಿಸುವುದಾಗಿದೆ. ನಿಗದಿತ ಅವಧಿಯಲ್ಲಿ ಮಾಡಿಸಿಕೊಡುವುದಾಗಿ ಭರವಸೆ ನೀಡುತ್ತವೆ. ಆದರೆ ಸರಿಯಾಗಿ ಗಮನ ಹರಿಸದಿದ್ದರೆ ಬೇಗನೆ ಕಾಪಿರೈಟ್ ಸಿಗುವುದಿಲ್ಲ. ಕೆಲವು ಏಜೆನ್ಸಿಗಳು ಉತ್ತಮ ಸೇವೆ ಒದಗಿಸುತ್ತವೆ. ಕಾಪಿರೈಟ್ ಮಾಡಿಸುವಾಗ ಇವುಗಳತ್ತ ಗಮನ ಹರಿಸಿ.

ಬದುಕು ಕಟ್ಟಿಕೊಂಡ ಹುಡುಗಿ

ದಿನಾಂಕ  05-09-2019 ರ ವಿಜಯವಾಣಿಯಲ್ಲಿ ಪ್ರಕಟವಾದ ನನ್ನ ಬರಹ. 

ಬದುಕು ಕಟ್ಟಿಕೊಂಡ ಹುಡುಗಿ

ಈಗ್ಗೆ ಆರೇಳು ವರ್ಷಗಳ ಹಿಂದೆ ನಡೆದ ಘಟನೆ. ಬೇಸಿಗೆ ರಜೆ ಮುಗಿಸಿಕೊಂಡು ಶಾಲೆ ಪುನರಾರಂಭವಾಗಿತ್ತು. ಜೂನ್ ಮೊದಲ ವಾರದಲ್ಲಿ ಏಳನೇ ತರಗತಿ ಉತ್ತೀರ್ಣರಾದ ಬಹುತೇಕ ವಿದ್ಯಾರ್ಥಿಗಳು ವರ್ಗಾವಣೆ ಪತ್ರ ಪಡೆದು ಪ್ರೌಢಶಾಲೆಗೆ ದಾಖಲಾದರು. ಆದರೆ ಸುಮ(ಹೆಸರು ಬದಲಿಸಿದೆ) ಎಂಬ ವಿದ್ಯಾರ್ಥಿನಿ ಮಾತ್ರ ಟಿ.ಸಿ. ಪಡೆಯಲು ಬರಲೇ ಇಲ್ಲ. ಈ ಬಗ್ಗೆ ಇನ್ನಿತರೇ ವಿದ್ಯಾರ್ಥಿಗಳನ್ನು ಕೇಳಿದಾಗ ‘ಸರ್, ರಜೆಯಲ್ಲಿ ಅವಳ ಮದುವೆಯಾಯಿತು. ಈಗ ಗಂಡನ ಮನೆಯಲ್ಲಿದ್ದಾಳೆ” ಎಂಬ ವಿಷಯ ಕೇಳಿ ನಮಗೆಲ್ಲ ಶಾಕ್ ಆಯಿತು. ಈಗ ನಾವೇನು ಮಾಡಬೇಕು ಎಂಬುದೇ ತೊರದಾಯಿತು. ಒಂದೆರಡು ತಿಂಗಳ ಬಳಿಕ ಮಕ್ಕಳ ಗಣಿತಿಗೆಂದು ಮನೆ ಭೇಟಿ ಮಾಡಿದೆವು. ಆಗ ಸುಮಳ ಮನೆ ಬಳಿ ಹೋದಾಗ ಅವಳು ಒಳಗಿರುವುದು ಗೊತ್ತಾಗಿ ಮಾತನಾಡಿಸಿದೆವು. ಅವಳು ಹೊರಬರದೇ ಬಾಗಿಲ ಮರೆಯಲ್ಲಿಯೇ ನಿಂತು ಅಳತೊಡಗಿದಳು. ವಿಷಯ ಏನೆಂದು ಕೇಳಿದಾಗ ತಾಯಿ ಅಳುತ್ತಾ “ಹತ್ತು ದಿನದ ಹಿಂದೆ ಸುಮಳ ಗಂಡ ತೀರಿಕೊಂಡ” ಎಂಬ ಸುದ್ದಿ ತಿಳಿಸಿದಳು. ಆಗ ನಿಜಕ್ಕೂ ನಮಗೆ ಹೃದಯವೇ ಬಾಯಿಗೆ ಬಂದAತಾಯಿತು. ತಾಯಿ ಹಾಗೂ ಮಗಳ ಆಕ್ರಂದನ ಮುಗಿಲು ಮುಟ್ಟಿತು. ಒಂದು ಗಂಟೆಗೂ ಹೆಚ್ಚು ಕಾಲ ಅವರ ಮನೆಯ ಬಳಿ ಕುಳಿತು ಸಮಾದಾನ ಮಾಡಿ ಅವಳಿಗೆ ದೈರ್ಯ ತುಂಬಿದೆವು. ಪುನಹ ಶಾಲೆಗೆ ಸೇರಲು ಕೇಳಿಕೊಂಡೆವು. ಹದಿನೈದು ದಿನಗಳ ನಂತರ ಶಾಲೆಗೆ ಸೇರಲು ತಯಾರಾಗಿ ಬಂದರು. ನಾವೇ ಮುಂದೆ ನಿಂತು ಪಕ್ಕದ ಪ್ರೌಢಶಾಲೆಗೆ ಸೇರಿಸಿದೆವು. ಈಗ ಪಿ.ಯು.ಸಿ ಮುಗಿಸಿದ್ದಾಳೆ. ಬಾಲ್ಯವಿವಾಹ ಹಾಗೂ ಕುಡಿತದ ಪರಿಣಾಮಗಳ ವಿರುದ್ದ ಧ್ವನಿಎತ್ತಲು ಪೋಲೀಸ್ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದಾಳೆ. ಬದಲಾದ ಅವಳ ಜೀವನ ಕಂಡು ಶಿಕ್ಷಕನಾಗಿದ್ದು ಸಾರ್ಥಕ ಎನಿಸಿತು.

ಶಿಕ್ಷಣದಲ್ಲಿ ತಂತ್ರಜ್ಞಾನ : ಪಾಲಕರು ಮತ್ತು ಮಕ್ಕಳ ನಿರೀಕ್ಷೆಗಳು

  ಸೆಪ್ಟಂಬರ್ 2019ರ ಶಿಕ್ಷಣವಾರ್ತೆಯಲ್ಲಿ ಪ್ರಕಟವಾದ ನನ್ನ ಬರಹ. 

ಶಿಕ್ಷಣದಲ್ಲಿ ತಂತ್ರಜ್ಞಾನ : ಪಾಲಕರು ಮತ್ತು ಮಕ್ಕಳ ನಿರೀಕ್ಷೆಗಳು

ಶಿಕ್ಷಣದ ಪ್ರಕ್ರಿಯೆಯು ಅನೇಕ ಹಂತಗಳ ಬದಲಾವಣೆಗಳನ್ನು ಹೊಂದುತ್ತಲೇ ಸಾಗಿದೆ. ನಲವತ್ತು ವರ್ಷಗಳಿಂದಲೂ ಒಬ್ಬ ವಿದ್ಯಾರ್ಥಿಯಾಗಿ, ನಂತರ ಒಬ್ಬ ಶಿಕ್ಷಕನಾಗಿ ಶಿಕ್ಷಣ ಕ್ಷೇತ್ರದ ಬದಲಾವಣೆಗಳನ್ನು ಗಮನಿಸುತ್ತಾ, ಅನುಭವಿಸುತ್ತಾ ಸಾಗುತ್ತಿದ್ದೇನೆ. ನಾನು ವಿದ್ಯಾರ್ಥಿಯಾಗಿದ್ದಾಗ ನನಗೆ ಕಲಿಸುತ್ತಿದ್ದ ಗುರುಗಳಿಗೆ ಪಠ್ಯಪುಸ್ತಕ, ಬೋರ್ಡ್ ಮತ್ತು ಚಾಕ್‌ಪೀಸ್‌ಗಳೇ ಅಮೂಲ್ಯ ಸಂಪನ್ಮೂಲಗಳಾಗಿದ್ದವು. ಆದರೆ ನಾನು ಶಿಕ್ಷಕನಾಗುವ ವೇಳೆಗೆ ತಂತ್ರಜ್ಞಾನ ನಿಧಾನವಾಗಿ ತರಗತಿ ಕೊಣೆಗೆ ಆಗಮಿಸುತ್ತಿತ್ತು. ಶಿಕ್ಷಣದಲ್ಲಿ ತಂತ್ರಜ್ಞಾನ ಅಳವಡಿಕೆ ಕುರಿತು ಅಲ್ಲಲ್ಲಿ ಒಂದಿಷ್ಟು ಪ್ರಯೋಗಗಳು ನಡೆಯುತ್ತಲೇ ಇದ್ದವು. ಆಗ ನಾವೆಲ್ಲಾ ಕಣ್ಣು, ಕಿವಿ ಅಗಲಿಸಿಕೊಂಡು ಆಸಕ್ತಿಯಿಂದ ಅತ್ತ ಗಮನಿಸುತ್ತಿದ್ದೆವು. ಕೇವಲ ಜಿಲ್ಲಾ ಮತ್ತು ತಾಲೂಕ ಕೇಂದ್ರಗಳ ಕೆಲವು ಶಾಲೆಗಳಲ್ಲಿ ಪ್ರಾರಂಭವಾದ ತಂತ್ರಜ್ಞಾನಾಧಾರಿತ ಶಿಕ್ಷಣವು ಕಾಲಕ್ರಮೇಣ ಗ್ರಾಮೀಣ ಶಾಲೆಗಳಿಗೂ ಕಾಲಿಡತೊಡಗಿತು. 

ಶಿಕ್ಷಣದಲ್ಲಿ ತಂತ್ರಜ್ಞಾನ ಸಮ್ಮಿಳಿತಗೊಂಡು ಅನೇಕ ವರ್ಷಗಳೇ ಕಳೆದಿವೆ. ಆದಾಗ್ಯೂ ಶಿಕ್ಷಣದಲ್ಲಿ ತಂತ್ರಜ್ಞಾನವನ್ನು ಬಳಸುವುದು ಒಂದು ಸವಾಲಾಗಿಯೇ ಉಳಿದಿದೆ. ಇಂದು ಅನೇಕ ಶಾಲೆಗಳು ತಂತ್ರಜ್ಞಾನ ಆಧಾರಿತ ಬೋಧನೆ-ಕಲಿಕೆಯನ್ನು ಅಳವಡಿಸಿಕೊಂಡಿವೆ. ದಿನಕಳೆದಂತೆ ಶಿಕ್ಷಣದಲ್ಲಿ ತಂತ್ರಜ್ಞಾನದ ಬಳಕೆ ಮತ್ತು ಮಹತ್ವ ಹೆಚ್ಚುತ್ತಲೇ ಇದೆ. ಕಂಪ್ಯೂಟರ್, ಲ್ಯಾಪ್‌ಟಾಪ್, ಟ್ಯಾಬ್‌ಗಳು ತರಗತಿ ಕೋಣೆಯಲ್ಲಿ ಸ್ಥಾನ ಪಡೆಯತೊಡಗಿದ ನಂತರ ಬೋಧನೆ-ಕಲಿಕೆಯಲ್ಲಿ ಒಂದಿಷ್ಟು ಹೊಸತನ ಪ್ರಾರಂಭವಾಗತೊಡಗಿತು. ಇವುಗಳ ನಂತರ ಮೊಬೈಲ್ ಬಂದನAತರ ಮಹತ್ತರ ಬದಲಾವಣೆಗಳ ನಿರೀಕ್ಷೆ ಇತ್ತು. ಶಿಕ್ಷಣದಲ್ಲಿ ತಂತ್ರಜ್ಞಾನದ ಫಲಾಫಲಗಳನ್ನು ಶಿಕ್ಷಕರ ನೆಲೆಯಲ್ಲಿ ಗಮನಿಸುವುದಕ್ಕಿಂತ ಮಕ್ಕಳು ಮತ್ತು ಪಾಲಕರ ಹಿನ್ನಲೆಯಲ್ಲಿ ಗಮನಿಸುವ ಅಗತ್ಯವಿದೆ. 

ಪಾಲಕರ ನಿರೀಕ್ಷೆಗಳು : ಶಿಕ್ಷಣದಲ್ಲಿ ತಂತ್ರಜ್ಞಾನ ಬಳಕೆಯನ್ನು ಮೊದಲು ಸ್ವಾಗತಿಸಿದವರೇ ಪಾಲಕರು. ಬಹುತೇಕ ಪಾಲಕರಿಗೆ ಶಿಕ್ಷಣದಲ್ಲಿ ತಂತ್ರಜ್ಞಾನ ಎಂದಕೂಡಲೇ ನಮ್ಮ ಮಕ್ಕಳು ಕಂಪ್ಯೂಟರ್ ಬಳಸುವುದನ್ನು ಕಲಿಯುತ್ತಾರೆ, ಅವರು ಕಂಪ್ಯೂಟರ್ ಮೂಲಕ ಸಾಕಷ್ಟು ಜ್ಞಾನ ಕಟ್ಟಿಕೊಳ್ಳುತ್ತಾರೆ, ನಗರದ ಮಕ್ಕಳಂತೆ ನಮ್ಮ ಮಕ್ಕಳೂ ಸಹ ಭವಿಷ್ಯದಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಆಗುತ್ತಾರೆ, ವಿದೇಶಗಳಿಗೆ ಹೋಗುತ್ತಾರೆ, ಕೈತುಂಬಾ ಸಂಬಳ ತರುತ್ತಾರೆ ಎಂದೆಲ್ಲಾ ಕನಸು ಕಟ್ಟಿಕೊಂಡರು. 

ಇನ್ನು ಕೆಲವು ಪಾಲಕರು ತಮ್ಮ ಮಕ್ಕಳನ್ನು ಪ್ರತಿಷ್ಠಿತ ಖಾಸಗೀ ಶಾಲೆಗೆ ಸೇರಿಸಿದರೆ ಕಂಪ್ಯೂಟರ್ ಜ್ಞಾನ ಪಡೆಯುತ್ತಾರೆ ಎಂಬ ಭ್ರಮೆಯೊಳಗೆ ಸಾವಿರಾರು ರೂಪಾಯಿ ಡೊನೇಷನ್ ಕೊಟ್ಟಾದರೂ ಅಂತಹ ಶಾಲೆಗೆ ಕಳಿಸಿದರು. ಕೆಲವು ಕಡೆ ಆ ಕನಸು ನನಸಾಯಿತು. ಬಹುತೇಕ ಖಾಸಗೀ ಶಾಲೆಗಳಲ್ಲಿ ಕಂಪ್ಯೂಟರ್ ಆಧಾರಿತ ಶಿಕ್ಷಣ ಇಲ್ಲದಿರುವುದು, ಇದ್ದರೂ ಮಕ್ಕಳ ಕಲಿಕೆಗೆ ಬಳಕೆಯಾಗದೇ ಇರುವುದು ಆದರೆ ಬಹುತೇಕ ಪಾಲಕರು ಭಾವಿಸಿದಂತೆ ಮಕ್ಕಳು ಕಂಪ್ಯೂಟರ್‌ನಲ್ಲಿ ಪ್ರಾವೀಣ್ಯತೆ ಪಡೆಯಲಿಲ್ಲ. ಇನ್ನು ಎಲ್ಲಾ ಸರ್ಕಾರಿ ಶಾಲೆಗಳಲ್ಲೂ ಕಂಪ್ಯೂಟರ್ ಲಭ್ಯವಿಲ್ಲ. ಲಭ್ಯವಿದ್ದರೂ ಅವುಗಳನ್ನು ಬಳಸುವ ಶಿಕ್ಷಕರಿಲ್ಲ, ಶಿಕ್ಷಕರಿದ್ದರೂ ನಿರ್ವಹಣೆಗೆ ಇಲ್ಲ. ಈ ಎಲ್ಲಾ ಕಾರಣಗಳಿಗಾಗಿ ಅವು ಮಕ್ಕಳ ಕಲಿಕೆಗೆ ಸಹಾಯವಾಗಲೇ ಇಲ್ಲ. 

ಇಷ್ಟೆಲ್ಲಾ ಆದರೂ ಅವರ ನಿರೀಕ್ಷೆಗಳು ಬದಲಾಗಿಲ್ಲ. ಕಂಪ್ಯೂಟರ್ ಮೂಲಕ ಕಲಿತ ಮಕ್ಕಳು ಜಾಣರಾಗುತ್ತಾರೆ, ಹೆಚ್ಚು ಅಂಕಗಳಿಸುತ್ತಾರೆ, ಉತ್ತಮ ನೌಕರಿ ಹಿಡಿಯುತ್ತಾರೆ, ನಾವು ಕಲಿಯಲಾಗದೇ ಇರುವುದನ್ನು ನಮ್ಮ ಮಕ್ಕಳು ಕಲಿಯುತ್ತಿದ್ದಾರೆ, ನಮ್ಮ ಮಕ್ಕಳು ಫಸ್ಟ್ ರ‍್ಯಾಂಕ್ ಬರಬೇಕಾದರೆ ಕಂಪ್ಯೂಟರ್ ಜ್ಞಾನ ಬೇಕೇ ಬೇಕು, ಬಹುತೇಕ ಗ್ರಾಮೀಣ ಮಕ್ಕಳ ಪಾಲಕರು ಅರೆ ಅಕ್ಷರಸ್ಥರು/ಅನಕ್ಷರಸ್ಥರಾಗಿದ್ದು, ತಮ್ಮ ಮಕ್ಕಳಿಗೆ ಪಠ್ಯದ ವಿಷಯವನ್ನು ಹೇಳಿಕೊಡುವಷ್ಟು ಕುಶಲತೆ ಅವರಿಗೆ ಇಲ್ಲ. ಪರಿಕಲ್ಪನೆಗಳನ್ನು ತಮ್ಮ ಮಕ್ಕಳಿಗೆ ತಕ್ಷಣದಲ್ಲಿ ಸುಲಭವಾಗಿ ಅರ್ಥ ಮಾಡಿಸುವಂತಹ ತಂತ್ರಜ್ಞಾನಧಾರಿತ ಶಿಕ್ಷಣ ಬೇಕಾಗಿದೆ. ಅದು ಮೊಬೈಲ್ ಮೂಲಕ ದೊರೆಯುವಂತಿದ್ದರೆ ಇನ್ನೂ ಉತ್ತಮ ಎಂಬುದು ಬಹುತೇಕ ಪಾಲಕರ ಅನಿಸಿಕೆ. ಪ್ರಸ್ತುತ ಶೈಕ್ಷಣಿಕ ವರ್ಷದ 6 ರಿಂದ 10 ನೇ ತರಗತಿ ಗಣಿತ ಮತ್ತು ವಿಜ್ಞಾನ ಪಠ್ಯಪುಸ್ತಕಗಳು ಹಾಗೂ ಪಠ್ಯಕ್ಕೆ ಸಂಬAಧಿತ ಕಲಿಕಾ ದೃಢೀಕರಣ ಚಟುವಟಿಕೆಗಳು ದೀಕ್ಷಾ ಎಂಬ ಶೈಕ್ಷಣಿಕ ಆಪ್‌ನಲ್ಲಿ ಲಭ್ಯವಿದೆ. ಬಹುತೇಕ ಪಾಲಕರಿಗೆ ಈ ಬಗ್ಗೆ ಮಾಹಿತಿ ಇಲ್ಲ. ಈ ಬಗ್ಗೆ ಅವರಿಗೆ ಮಾಹಿತಿ ನೀಡುವ ಅವಶ್ಯಕತೆ ಇದೆ.

ಮಕ್ಕಳ ನಿರೀಕ್ಷೆಗಳು : ಮಕ್ಕಳು ಸದಾ ಹೊಸತನ ಬಯಸುತ್ತಾರೆ. ಪ್ರತಿ ಪರಿಕಲ್ಪನೆಯನ್ನು ವಿಶಿಷ್ಠ ರೀತಿಯಲ್ಲಿ ಕಲಿಯಲು ಬಯಸುತ್ತಾರೆ. ಸೃಜನಶೀಲತೆಗೆ ಅಂಟಿಕೊಳ್ಳುವ ಮನಸ್ಸು ಜಾಗೃತವಾಗಿರುತ್ತದೆ. ದೃಕ್ ಶ್ರವಣೋಪಕರಣಗಳ ಮೂಲಕ ಬೇಗನೇ ಪರಿಕಲ್ಪನೆಗಳನ್ನು ಅರ್ಥ ಮಾಡಿಕೊಳ್ಳುತ್ತಾರೆ. ಹಾಗಾಗಿ ಶಿಕ್ಷಣದಲ್ಲಿ ತಂತ್ರಜ್ಞಾನ ಅಳವಡಿಸಿಕೊಂಡು ಬೋಧಿಸುವುದರಿಂದ ಮಕ್ಕಳಲ್ಲಿ ಶಾಶ್ವತ ಹಾಗೂ ಸಂತಸದಾಯಕ ಕಲಿಕೆಯಾಗುತ್ತದೆ ಎಂಬುದು ಶಿಕ್ಷಣ ತಜ್ಞರ ಹಾಗೂ ಶೈಕ್ಷಣಿಕ ಮನೋವಿಜ್ಞಾನಿಗಳ ಅಭಿಮತ. 

ಶಾಲೆಯಲ್ಲಾಗಲೀ ಅಥವಾ ಮನೆ ವಾತಾವರಣದಲ್ಲಾಗಲಿ ಮಕ್ಕಳು ತಂತ್ರಜ್ಞಾನದೊAದಿಗೆ ಬೇಗನೇ ಹೊಂದಿಕೊಳ್ಳುತ್ತಾರೆ ಮತ್ತು ಕಲಿಯುತ್ತಾರೆ ಎಂಬುದು ಎಲ್ಲರ ಗಮನಕ್ಕೂ ಬಂದಿದೆ. ಶಿಕ್ಷಣದಲ್ಲಿ ತಂತ್ರಜ್ಞಾನ ಕುರಿತು ಮಕ್ಕಳ ನಿರೀಕ್ಷೆಗಳು ಪಾಲಕರಿಗಿಂತ ವಿಭಿನ್ನ. ಬಹುತೇಕ ಮಕ್ಕಳಿಗೆ ತಂತ್ರಜ್ಞಾನದ ಪರಿಕರಗಳನ್ನು ಬಳಸುವ ಬಗ್ಗೆ ಕಿರು ಮಾಹಿತಿ ಇದೆ. ಆದರೆ ತಂತ್ರಜ್ಞಾನವನ್ನು ಶೈಕ್ಷಣಿಕವಾಗಿ ಹೇಗೆ ಬಳಸಿಕೊಳ್ಳಬೇಕೆಂಬ ಮಾಹಿತಿಯ ಕೊರತೆ ಇದೆ. ಬಹುತೇಕ ಮಕ್ಕಳು ಶೈಕ್ಷಣಿಕ ತಂತ್ರಜ್ಞಾನದ ಭಾಗವಾದ ಸ್ಮಾರ್ಟ್ಫೋನ್ ಬಳಸುತ್ತಾರೆ. ಪರಿಕಲ್ಪನೆ ಆಧಾರಿತ ಪಠ್ಯಕ್ಕೆ ಪೂರಕವಾದ ಮಾಹಿತಿಗಾಗಿ ಆನ್‌ಲೈನ್‌ನಲ್ಲಿ ಹುಡುಕುತ್ತಾರೆ. ಅವರಿಗೆ ನಿರ್ದಿಷ್ಟವಾದ ಮಾಹಿತಿಯ ಕೊರತೆ ಇದೆ. ಇದನ್ನು ಶಿಕ್ಷಕರು ತಿಳಿಸಿಕೊಡಬೇಕಿದೆ. ಈ ಬಗ್ಗೆ ಶಿಕ್ಷಕರನ್ನು ಕೇಳಿದರೆ ಎಲ್ಲಿ ಅಪಾರ್ಥ ಮಾಡಿಕೊಳ್ಳುವರೋ ಎಂಬ ಭಯದಿಂದ ಶಿಕ್ಷಕರನ್ನು ಕೇಳುವ ಗೋಜಿಗೆ ಹೋಗುವುದಿಲ್ಲ. ಈಗಾಗಲೇ ದೃಶ್ಯ ಮಾಧ್ಯಮದ ಮೂಲಕ ಕೆಲ ಮಾಹಿತಿಗಳನ್ನು ಸಂಗ್ರಹಿಸಿ ಪಠ್ಯಕ್ಕೆ ಪೂರಕವಾಗಿ ಅದನ್ನು ಬಳಸಿಕೊಳ್ಳುವ ಕುಶಲತೆ ಮಕ್ಕಳಿಗೆ ಇದೆ. ಇದಕ್ಕೆ ನಿರ್ದಿಷ್ಟ ರೂಪ ನೀಡುವ ಅಗತ್ಯವಿದೆ. ಸ್ಮಾರ್ಟ್ ಕ್ಲಾಸ್ ಇರುವ ಶಾಲೆಗಳಲ್ಲಿ ವಿಷಯಗಳನ್ನು ಕೇವಲ ಪರದೆ ಮೇಲೆ ತೋರಿಸುವುದಕ್ಕಿಂತ ತಾವೇ ಸ್ವತಹ ಕಂಪ್ಯೂಟರ್ ಅಥವಾ ಲ್ಯಾಪ್‌ಟಾಪ್ ಬಳಸಿ ಕಲಿಯಲು ಮಕ್ಕಳು ಆಶಿಸುತ್ತಾರೆ. ಬಹುತೇಕ ಶಾಲೆಗಳಲ್ಲಿ ಮಕ್ಕಳ ಕೈಗೆ ಕಂಪ್ಯೂಟರ್/ಲ್ಯಾಪ್‌ಟಾಪ್ ಸಿಗುತ್ತಿಲ್ಲ. ಇದರ ಪರಿಣಾಂವಾಗಿ ಮನೆಯಲ್ಲಿ ಸುಲಭವಾಗಿ ದೊರೆಯುವ ಸ್ವಾರ್ಟ್ಫೋನಿಗೆ ಅಂಟಿಕೊಳ್ಳುತ್ತಾರೆ. 

ಕೇರಳ ಮಾದರಿಯಲ್ಲಿ ಪ್ರತಿ ಶಾಲೆಯಲ್ಲೂ ತಂತ್ರಜ್ಞಾನಧಾರಿತ ಕಲಿಕೆ ವ್ಯವಸ್ಥೆ ಮಾಡಬೇಕಿದೆ. ಮಕ್ಕಳಿಗೆ ಶೈಕ್ಷಣಿಕ ತಂತ್ರಜ್ಞಾಧಾರಿತ ಪರಿಕರಗಳನ್ನು ತೋರಿಸಿದರೆ ಸಾಲದು, ಅವರೇ ಸ್ವತಹ ಮುಟ್ಟಿ ಕಲಿಯಲು ಅವಕಾಶ ನೀಡುವಂತಾಗಬೇಕು. ಎಲ್ಲಾ ತರಗತಿಗಳ ಎಲ್ಲಾ ವಿಷಯಗಳ ಕಲಿಕಾಂಶಗಳು ಆನ್‌ಲೈನ್‌ನಲ್ಲಿ ವಿವಿಧ ಚಟುವಟಿಕೆಗಳ ರೂಪದಲ್ಲಿ ದೊರೆಯುವಂತಾಗಬೇಕು. ಪರಿಕಲ್ಪನೆ ಆಧಾರಿತ ಕಲಿಕೆಗೆ ಮಕ್ಕಳೇ ರೂಪಿಸಿಕೊಳ್ಳಬಹುದಾದ ಚಟುವಟಿಕೆಗಳ ಭಂಢಾರ ಶೈಕ್ಷಣಿಕ ತಂತ್ರಜ್ಞಾನದ ಮೂಲಕ ದೊರೆತರೆ ಎಲ್ಲಾ ಮಕ್ಕಳು ಖಂಡಿತವಾಗಿ ಜೀನಿಯಸ್ ಆಗುತ್ತಾರೆ. 

ಯೋಚನೆ ಬಿಡಿ, ಯೋಜನೆ ಮಾಡಿಸಿ

  ಆಗಸ್ಟ್ 2019ರ ಶಿಕ್ಷಣವಾರ್ತೆಯಲ್ಲಿ ಪ್ರಕಟವಾಧ ನನ್ನ ಬರಹ.

ಯೋಚನೆ ಬಿಡಿ, ಯೋಜನೆ ಮಾಡಿಸಿ

ಆರನೇ ತರಗತಿ ಓದುತ್ತಿರುವ ಫಾತೀಮಾಗೆ ವಿಜ್ಞಾನ ಶಿಕ್ಷಕರು ಏಕದಳ ಮತ್ತು ದ್ವಿದಳ ಧಾನ್ಯಗಳ ಚಿತ್ರಪಟ ತಯಾರಿಸಿಕೊಂಡು ಬರಲು ತಿಳಿಸಿದರು. ಗ್ರಾಮೀಣ ಪ್ರದೇಶದವಳಾದ ಫಾತೀಮಾ ಚಿತ್ರಗಳು ದೊರೆಯದೇ ಪರದಾಡಿದಳು. ಒಂಭತ್ತನೇ ತರಗತಿಯ ಆಕಾಶನಿಗೆ ಕನ್ನಡ ಶಿಕ್ಷಕರು ಜಾನಪದ ಗೀತೆ ಮತ್ತು ಜಾನಪದ ಕಥೆಗಳ ಸಂಗ್ರಹ ಮಾಡಿಕೊಂಡು ಬರಲು ತಿಳಿಸಿದರು. ಪುಸ್ತಕಗಳಿಗಾಗಿ ಎಲ್ಲೆಡೆ ಹುಡುಕಾಡಿದ. ಎಲ್ಲೂ ಸಿಗಲಿಲ್ಲ. ಈ ಬಗ್ಗೆ ಇಬ್ಬರೂ ತಮ್ಮ ತಮ್ಮ ಪಾಲಕರಿಗೆ ಒತ್ತಾಯ ಹೇರತೊಡಗಿದರು. ನಾಲ್ಕಾರು ದಿನಗಳ ನಂತರ ಪಕ್ಕದ ಪೇಟೆಯಿಂದ ಪಾಲಕರು ಅವರಿಗೆ ಬೇಕಾದ ಸಾಮಗ್ರಿಗಳನ್ನು ತಂದು ಕೊಟ್ಟರು. ಆಗ ಇಬ್ಬರೂ ತಮ್ಮ ಯೋಜನಾ ಕಾರ್ಯ ಮುಗಿಸಿದರು.  

ಯೋಜನಾ ಕಾರ್ಯ ಎಂದಕೂಡಲೇ ಬಹುತೇಕ ಪಾಲಕರಿಗೆ ಕಿರಿಕಿರಿ ಎನಿಸುತ್ತದೆ. ಸಂಗ್ರಹಿತ ಯೋಜನಾ ಕಾರ್ಯದಿಂದ ನಮ್ಮ ಮಕ್ಕಳು ಕಲಿಯುವುದೇನು? ಎಂಬ ಪ್ರಶ್ನೆ ಸಹಜವಾಗಿ ಮೂಡುತ್ತದೆ. ಇಂತಹ ಮಾಹಿತಿ ಸಂಗ್ರಹಿತ ಕಲಿಕೆಯು ಶಾಲಾ ಕಲಿಕೆಯ ಒಂದು ಭಾಗವಾಗಿದೆ. ಆದರೆ ಬಹುತೇಕ ಶಾಲೆಗಳಲ್ಲಿ ಇದು ಮೇಲಿನ ಸನ್ನಿವೇಶಗಳಂತೆ ಮಾಹಿತಿಗೆ ಮಾತ್ರ ಸೀಮಿತವಾಗಿದೆ. ಫಾತೀಮಾ ಚಿತ್ರಪಟ ತಯಾರಿಸುವ ಬದಲು ನೈಜ ಧಾನ್ಯಗಳನ್ನೇ ಸಂಗ್ರಹಿಸಿಕೊAಡು ಹೋದರೆ ಅದೊಂದು ಉತ್ತಮ ಕಲಿಕೆಯಾಗುತ್ತಿತ್ತು. ಆಕಾಶ ಪುಸ್ತಕ ನೋಡಿ ಜಾನಪದ ಗೀತೆ ಮತ್ತು ಕಥೆ ಬರೆಯುವ ಬದಲು ತನ್ನ ಸುತ್ತಮುತ್ತಲ ಜನರಿಂದ ಕೇಳಿ ಸಂಗ್ರಹಿಸುವAತಾಗಿದ್ದರೆ ಅದೊಂದು ವಿಭಿನ್ನ ಸಂತಸದಾಯಕ ಕಲಿಕೆ ಆಗುತ್ತಿತ್ತು. ಉಳಿದವರಿಗಿಂತ ಇವರ ಮಾಹಿತಿಯು ನಿಖರ ಹಾಗೂ ಅರ್ಥಪೂರ್ಣವಾಗಿರುತ್ತದೆ. 

ಪ್ರೊಜೆಕ್ಟ್ ಲರ್ನಿಂಗ್ : ಇತ್ತೀಚಿನ ವರ್ಷಗಳಲ್ಲಿ ಯೋಜನಾ ಕಲಿಕೆ(ಪ್ರೊಜೆಕ್ಟ್ ಲರ್ನಿಂಗ್)ಯು ಹೆಚ್ಚು ಪ್ರಚಲಿತದಲ್ಲಿದೆ. ಜೆ.ಎ.ಸ್ಟೀವನ್‌ಸನ್ ಎಂಬುವವರು ಯೋಜನಾ ಆಧಾರಿತ ಕಲಿಕೆಯನ್ನು ರೂಪಿಸಿದರು. 1920ರಲ್ಲಿ  ಪ್ರೋ.ಕಿಲ್‌ಪ್ಯಾಟ್ರಿಕ್ ಅವರು ಜಾರಿಗೆ ತಂದರು. ಹಾಗಾಗಿ ಕಿಲ್‌ಪ್ಯಾಟ್ರಿಕ್ ಅವರನ್ನು ಯೋಜನಾ ಪದ್ದತಿಯ ಜನಕ ಎಂದು ಕರೆಯಲಾಗುತ್ತದೆ.  ಒಂದು ನಿರ್ದಿಷ್ಟ ಪರಿಕಲ್ಪನೆಯನ್ನು ಕಾರ್ಯಾಚರಣೆ ಮೂಲಕ ಕಲಿಯುವುದೇ ಯೋಜನಾ ಕಲಿಕೆಯಾಗಿದೆ. ಈ ವಿಧಾನದಲ್ಲಿ ಕಲಿಕಾರ್ಥಿಯು ನೇರವಾಗಿ ಕಲಿಕೆಯಲ್ಲಿ ಪಾಲ್ಗೊಳ್ಳುತ್ತಾನೆ. ಪ್ರಶ್ನಿಸುವುದನ್ನೇ ಕೇಂದ್ರವನ್ನಾಗಿಟ್ಟುಕೊAಡ ಯೋಜನಾ ಕಲಿಕೆಯು ವಿದ್ಯಾರ್ಥಿ ಕೇಂದ್ರಿತ ಕಲಿಕಾ ಪದ್ದತಿಯಾಗಿದೆ. ತರಗತಿ ಹೊರಗಿನ ಕಲಿಕೆಯನ್ನು ತರಗತಿ ಕೋಣೆಗೆ ಅನ್ವಯಿಸಿಕೊಳ್ಳಲು ಇದು ಪ್ರಭಾವಿಯುತ ಕಲಿಕಾ ವಿಧಾನವಾಗಿದೆ. 

ಕಲಿಕೆ ಮಕ್ಕಳಿಗೆ ಹೊರೆಯಾಗಬಾರದು ಮತ್ತು ಒತ್ತಡವನ್ನು ಹೇರಬಾರದು ಎಂಬುದನ್ನು ಉತ್ತೇಜಿಸಿದ ರಾಷ್ಟಿçÃಯ ಪಠ್ಯಕ್ರಮ ಚೌಕಟ್ಟು(ಎನ್.ಸಿ.ಎಫ್)-2005, ನಾಲ್ಕು ಮಾರ್ಗದರ್ಶಿ ತತ್ವಗಳನ್ನು ಪ್ರಸ್ತುತಪಡಿಸಿತು. ಅದರಲ್ಲಿ ‘ಜ್ಞಾನಕ್ಕೂ ಶಾಲೆಯ ಹೊರ ವಾತಾವರಣಕ್ಕೂ ಸಂಬAಧ ಕಲ್ಪಿಸುವುದು’ ಪ್ರಮುಖವಾದದ್ದು. ಅಂದರೆ ಮಗು ತನ್ನ ಜ್ಞಾನವನ್ನು ತಾನೇ ಕಟ್ಟಿಕೊಳ್ಳುವಂತೆ ಮಾಡಬೇಕು ಎಂಬುದು ಎನ್.ಸಿ.ಎಫ್-2005ರ ಆಶಯವಾಗಿದೆ. ಈ ಆಶಯಕ್ಕೆ ಪೂರಕವಾದ ಯೋಜನಾ ಕಲಿಕೆಯು ಮಕ್ಕಳಲ್ಲಿ ಆತ್ಮವಿಶ್ವಾಸವನ್ನು ಮೂಡಿಸುವಲ್ಲಿ ಸಫಲವಾಗಿದೆ. ಮಗು ತನ್ನ ಸುತ್ತಲ ನೈಸರ್ಗಿಕ ಮತ್ತು ಸಾಮಾಜಿಕ ಪರಿಸರವನ್ನು ಅರ್ಥ ಮಾಡಿಕೊಳ್ಳಲು ಪೂರಕ ಚಟುವಟಿಕೆಗಳನ್ನು ರೂಪಿಸುವುದು ಯೋಜನಾ ಕಲಿಕೆಯ ಉದ್ದೇಶವಾಗಿದೆ.

ಹೊರೆಯಿಲ್ಲದ ಕಲಿಕೆ : ಯೋಜನಾ ಕಲಿಕೆಯು ಜ್ಞಾನ, ಆಲೋಚನೆ, ಅನ್ವೇಷಣೆ ಮತ್ತು  ಅನ್ವಯ ಈ ನಾಲ್ಕು ಕಲಿಕಾ ಆಯಾಮಗಳನ್ನು ಒಳಗೊಂಡಿದೆ. ಈ ವಿಧಾನದಲ್ಲಿ ಕಲಿಕೆಯು ನಿಜ ಜೀವನದೊಂದಿಗೆ ಸಾಗುವುದರಿಂದ ಕಲಿಕೆ ಆಸಕ್ತಿಯಿಂದ ಕೂಡಿದ್ದು ಶಾಶ್ವತವಾಗಿರುತ್ತದೆ. ಹಾಗಾಗಿ ಇದು ಹೊರೆಯಿಲ್ಲದ ಕಲಿಕೆಯಾಗಿದೆ.  ಮಕ್ಕಳು ತರಗತಿ ಹೊರಗಿನ ಸಮಸ್ಯೆಯನ್ನು ಸವಾಲಾಗಿ ಸ್ವೀಕರಿಸುವುದರಿಂದ ವಿವಿಧ ಕೌಶಲ್ಯಗಳನ್ನು ಬಳಸಿ ರಚನಾತ್ಮಕ ಕಲಿಕೆಗೆ ಮುಂದಾಗುತ್ತಾರೆ. ರಚನಾವಾದದ ತಿರುಳು ಕೂಡಾ ಇದೇ ಆಗಿದೆ. 

ಯೋಜನಾ ಆಧಾರಿತ ಕಲಿಕೆಯಲ್ಲಿ ಮಕ್ಕಳು ಪರಿಕ್ಪನೆಗಳನ್ನು ತಮ್ಮ ಪರಿಸರದ ಮೂಲಕ ಕಲಿಯುವುದರಿಂದ ಅದನ್ನು ಭವಿಷ್ಯದಲ್ಲಿ ಅನ್ವಯಿಸಿಕೊಳ್ಳುವ ಸಾಧ್ಯತೆಗಳು ಹೆಚ್ಚಿವೆ. ಯಾಕೆಂದರೆ ಇಲ್ಲಿ ಅನುಭವದ ಮೂಲಕ ಕೌಶಲ್ಯಾಧಾರಿತ ಜ್ಞಾನವನ್ನು ಮಗು ಕಟ್ಟಿಕೊಳ್ಳುತ್ತದೆ. ತಂಡದಲ್ಲಿ ಕೆಲಸ ಮಾಡುವ, ತಂಡವನ್ನು ಮುನ್ನಡೆಸುವ, ವಿಷಯವನ್ನು ಆಯ್ಕೆ ಮಾಡುವ, ಸ್ವಂತAತ್ರ ತೀರ್ಮಾನಗಳನ್ನು ಕೈಗೊಳ್ಳುವ ಮುಂತಾದ ಕೌಶಲ್ಯಗಳನ್ನು ಕಲಿಯುತ್ತಾರೆ. ಇದು ಸಂಪೂರ್ಣವಾಗಿ ತರಗತಿ ಹೊರಗಿನ ಕಲಿಕೆಯಾಗಿದ್ದು, ಸಂಘಪರತೆ, ಸಹಕಾರಗಳು ಪರಸ್ಪರರಲ್ಲಿ ಮುಡುತ್ತವೆ. ಆದ್ದರಿಂದ ಇದು ಮಾನವೀಯ ಸಂಬAಧಗಳನ್ನು ಗಟ್ಟಿಗೊಳಿಸುವ ಕಲಿಕೆಯೂ ಆಗಿದೆ.

ಯೋಜನಾಧಾರಿತ ಕಲಿಕೆಯ ಲಕ್ಷಣಗಳು :

• ಪ್ರಯೋಗಗಳು, ಸಂಶೋಧನೆ, ಉಪನ್ಯಾಸ, ಪುಸ್ತಕಗಳು ಹೀಗೆ ವಿವಿಧ ಮೂಲಗಳಿಂದ ಕಲಿಕೆ ಸಾಗುತ್ತದೆ.

• ವಿಷಯ ಸಂಗ್ರಹಣೆಯಲ್ಲಿ ವಯಸ್ಕರು, ಹಿರಿಯರು, ಅನುಭವಿಗಳೊಂದಿಗೆ ಚರ್ಚಿಸಿ ಕಲಿಯುತ್ತಾರೆ.

• ಯೋಜನೆಯ ಆಯ್ಕೆ, ಗುರಿ ಸಾಧನೆಗೆ ರೂಪಿಸುವ ಕಾರ್ಯಯೋಜನೆ, ಮುನ್ನಡೆಸುವ ಕಾರ್ಯತಂತ್ರಗಳು ಮುಂತಾದವುಗಳ ಬಗ್ಗೆ ಸ್ವತಃ ನಿರ್ಧಾರಣೆಯ ಮೂಲಕ ಮುಕ್ತ ಕಲಿಕೆ.

• ಸಮಸ್ಯೆಯ ಪರಿಹಾರಕ್ಕಾಗಿ ವಿವಿಧ ಕೌಶಲ್ಯಗಳ ಬಳಕೆ. ಜೀವನ ಅನುಭವವನ್ನು ಶಿಕ್ಷಣಕ್ಕೆ ಅನ್ವಯಿಸಿಕೊಳ್ಳುತ್ತಾರೆ. 

• ಪರಿಕಲ್ಪನೆಗಳ ಆಧಾರಿತ ಶಾಶ್ವತ ಕಲಿಕೆ.

• ವಿವಿಧ ಸನ್ನಿವೇಶಗಳಲ್ಲಿ ಕಲಿಕೆ ಸಾಗುವುದರಿಂದ ತರ್ಕಶಕ್ತಿ ಮತ್ತು ಶೋಧಕ ದೃಷ್ಟಿ ಬೆಳೆಯುತ್ತದೆ. 

ಶಿಕ್ಷಕರ ಸಹಭಾಗಿತ್ವ: ಯೋಜನಾ ಕಲಿಕೆಯಲ್ಲಿ ಮಕ್ಕಳಷ್ಟೇ ಕಲಿಯುವುದಿಲ್ಲ. ಬದಲಾಗಿ ಶಿಕ್ಷಕರೂ ಕಲಿಯುತ್ತಾರೆ. ಶಿಕ್ಷಕರು ತಂಡದ ಒಬ್ಬ ಸದಸ್ಯರಾಗಿ ತೊಡಗಿಸಿಕೊಳ್ಳಬೇಕು. ಆಗ ಮಾತ್ರ ಹೊಸತನದ ಹರಿಕಾರರಾಗಲು ಸಾಧ್ಯ. ಶಿಕ್ಷಕರು ಇಲ್ಲಿ ಭೋದಕರಾಗುವುದರ ಜೊತೆಗೆ ಒಬ್ಬ ಮಾರ್ಗದರ್ಶಕರಾಗಿ, ಸಹಾಯಕರಾಗಿ, ಸ್ನೇಹಿತರಾಗಿ ತೊಡಗಿಕೊಳ್ಳಬೇಕು. ಯೋಜನೆಗೆ ಅಗತ್ಯವಿರುವ ಸಂಪನ್ಮೂಲ ಒದಗಿಸುವಲ್ಲಿ ಹಾಗೂ ದತ್ತಾಂಶ ಸಂಗ್ರಹಿಸುವಲ್ಲಿ ಮಕ್ಕಳಿಗೆ ಸಹಾಯ ಮಾಡಬೇಕು. 

ಶಿಕ್ಷಕರು ಮಕ್ಕಳನ್ನು ಅಭಿಪ್ರೇರಿಸಿ ಯೋಜನಾ ಕಲಿಕೆಯಲ್ಲಿ ಕುತೂಹಲ ಕೆರಳಿಸಬೇಕು. ಯೋಜನೆಯು ಮುಖ್ಯವಾಗಿ ಮಕ್ಕಳ ಮಾನಸಿಕ, ಬೌದ್ದಿಕ ಮತ್ತು ಪ್ರಾದೇಶಿಕ ಮಟ್ಟಕ್ಕನುಗುಣವಾಗಿ ಇರಬೇಕು. ಯೋಜನೆಯು ಪಠ್ಯದಾಚೆಗಿನ ಕಲಿಕೆಯನ್ನು ಪಠ್ಯಕ್ಕೆ ಪೂರಕವಾಗುವಂತೆ ಮಾಡುವಂತಿರಬೇಕು. ತಮಗೆ ಇಷ್ಟವಾದ ಯೋಜನೆ ಆಯ್ಕೆ ಮಾಡಲು ಮಕ್ಕಳಿಗೆ ಸ್ವಾತಂತ್ರ ನೀಡಬೇಕು. ತರಗತಿಯ ಎಲ್ಲಾ ಮಕ್ಕಳು ಪಾಲ್ಗೊಳ್ಳುವಂತೆ ಅವಕಾಶ ನೀಡಬೇಕು. ಯೋಜನಾ ಕಾರ್ಯವನ್ನು ನಿರಂತರವಾಗಿ ವೀಕ್ಷಿಸುತ್ತಾ ಮಾರ್ಗದರ್ಶನ ನೀಡಬೇಕು. ಮಾಹಿತಿ ಸಂಗ್ರಹಣೆಗಾಗಿ ಅಗತ್ಯ ಸಂಪನ್ಮೂಲ ಒದಗಿಸಬೇಕು. ಯೋಜನೆ ಕುರಿತು ಚರ್ಚಿಸಲು ಮತ್ತು ವಿಚಾರಗಳನ್ನು ಹಂಚಿಕೊಳ್ಳಲು ಸೂಕ್ತ ವೇದಿಕೆ ನಿರ್ಮಿಸಬೇಕು. ಹಿರಿಯರು, ಅನುಭವಿಗಳೊಂದಿಗೆ ಮಕ್ಕಳು ಮುಕ್ತವಾಗಿ ಚರ್ಚಿಸಲು ಅವಕಾಶ ಕಲ್ಪಿಸಬೇಕು. ಅಂತಿಮವಾಗಿ ಯೋಜನಾ ವರದಿ ತಯಾರಿಸಲು ಮಾರ್ಗದರ್ಶನ ಮಾಡಬೇಕು. 

ಮಕ್ಕಳು ತಯಾರಿಸಿದ ಯೋಜನೆಗಳನ್ನು ಸಭೆ ಸಮಾರಂಭಗಳAದು ಪ್ರದರ್ಶನಕ್ಕೆ ವ್ಯವಸ್ಥೆಗೊಳಿಸಬೇಕು. ಅಲ್ಲಿ ಮಕ್ಕಳು ತಮ್ಮ ಯೋಜನಾ ವರದಿಯ ಬಗ್ಗೆ ವೀಕ್ಷಕರಿಗೆ ವಿವರಣೆ ನೀಡಬೇಕು. ಉತ್ತಮ ಯೋಜನಾ ವರದಿಗಳನ್ನು ಆಯ್ಕೆ ಮಾಡಿ ಸ್ಥಳೀಯ ಪ್ರಾಯೋಜಕರಿಂದ ಪ್ರಶಂಸೆ ನೀಡಬೇಕು. ಈ ಯೋಜನಾ ವರದಿಗಳನ್ನು ಅವಶ್ಯಕತೆ ಇದ್ದಾಗ ತರಗತಿ ಕೋಣೆಯಲ್ಲಿ ಬೋಧನೋಪಕರಣವಾಗಿ ಬಳಸಬೇಕು. 

ಪೋಷಕರ ಪಾತ್ರವೂ ಮುಖ್ಯ: ಯೋಜನಾ ಕಲಿಕೆಯಲ್ಲಿ ಪೋಷಕರ ಪಾತ್ರ ಮಹತ್ವದ್ದು. ಮಕ್ಕಳು ಯೋಜನೆಗಳನ್ನು ತಯಾರಿಸಿಲು ಪೋಷಕರು ಸಹಾಯ ಮಾಡಬೇಕು. ಇದರಿಂದ ತಾವೂ ಕಲಿಕೆಯಲ್ಲಿ ಭಾಗವಹಿಸಿದಂತಾಗುತ್ತದೆ. ಅಗತ್ಯ ಸಂಪನ್ಮೂಲ ಒದಗಿಸಲು ಮುಂದಾಗಬೇಕು. ಮಕ್ಕಳ ಕಲಿಕೆಯನ್ನು ಉತ್ತೇಜಿಸುತ್ತಾ ಅವರ ವ್ಯಕ್ತಿತ್ವ ನಿರ್ಮಾಣದಲ್ಲಿ ಭಾಗಿಯಾಗಬೇಕು. ಯೋಜನಾ ಕಲಿಕೆಯು ತರಗತಿ ಹೊರಗೆ ನಡೆಯುವುದರಿಂದ ಶಿಕ್ಷಕರ ಸ್ಥಾನವನ್ನು ಪೋಷಕರು ವಹಿಸಿಕೊಳ್ಳಬೇಕು. ಮಕ್ಕಳ ಕಲಿಕೆಯಲ್ಲಿ ಪೋಷಕರೂ ಭಾಗಿಯಾದಾಗ ಅವರು ತುಂಬಾ ಖುಷಿ ಪಡುತ್ತಾರೆ. ಮಕ್ಕಳ ಖುಷಿಯಲ್ಲಿ ನಮ್ಮ ನೋವನ್ನು ನೋವನ್ನು ಮರೆಯಬಹುದು ಅಲ್ಲವೇ?

ಇನ್ಪೈರ್ ಅವಾರ್ಡ್ಗೆ ಅರ್ಜಿ ಸಲ್ಲಿಸಿದ್ರಾ?

 ದಿನಾಂಕ  27-7-2019ರ ವಿಜಯವಾಣಿಯಲ್ಲಿ ಪ್ರಕಟವಾದ ನನ್ನ ಬರಹ. 

ಇನ್ಪೈರ್ ಅವಾರ್ಡ್ಗೆ ಅರ್ಜಿ ಸಲ್ಲಿಸಿದ್ರಾ?

ಮಕ್ಕಳೇ, ನೀವು ಇತರರಿಗಿಂತ ಭಿನ್ನವಾಗಿ ಯೋಚಿಸುತ್ತೀರಿ ಮತ್ತು ತುಂಬಾ ವೇಗವಾಗಿ ಕಲಿಯುತ್ತೀರಿ ಎಂಬ ಮಾತು ಎಲ್ಲೆಡೆ ಕೇಳಿಬರುವುದು ಸಹಜ. ಇದಕ್ಕೆ ಕಾರಣ ನಿಮ್ಮಲ್ಲಿನ ಕುತೂಹಲ. ಕುತೂಹಲವು ನವೀನ ಸಂಶೋಧನೆಗಳಿಗೆ ದಾರಿ ಮಾಡಿಕೊಡುತ್ತದೆ. ಕೈಗೊಂಡ ಸಂಶೋಧನೆಯು ದಿನನಿತ್ಯದ ಬದುಕಿನ ಭಾಗವಾಗಬೇಕು, ಎಲ್ಲರೂ ಅದನ್ನು ಬಳಸುವಂತಿರಬೇಕೆAಬ ನಿಮ್ಮ ಸಹಜ ಆಸೆಯನ್ನು ಸಾಕಾರಗೊಳಿಸಲು ಒಂದು ವಿಶಿಷ್ಠ ಅವಕಾಶ ಇದೆ. ಅದೇ ಇನ್ಪೆöÊರ್ ಅವಾರ್ಡ್ ಮನಾಕ್. 

ವಿಜ್ಞಾನ ಮತ್ತು ಸಾಮಾಜಿಕ ಅನ್ವಯಿಕೆಗಳಲ್ಲಿ ಶಾಲಾ ಮಕ್ಕಳಲ್ಲಿ ಸೃಜನಶೀಲತೆ ಮತ್ತು ನವೀನ ಚಿಂತನೆಯ ಸಂಸ್ಕೃತಿ ಬೆಳೆಸುವ ಉದ್ದೇಶದಿಂದ ಇನ್ಪೆöÊರ್ ಅವಾರ್ಡ್ ಮನಾಕ್ ಯೋಜನೆ ಜಾರಿಯಾಗಿದೆ. ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯು ಈ ಯೋಜನೆಯನ್ನು 2010 ರಿಂದ ಜಾರಿಗೆ ತಂದಿದೆ. ಇದು ವಿಶೇಷವಾಗಿ 10 ರಿಂದ 15 ವಯೋಮಾನದ ಅಂದರೆ 6 ರಿಂದ 10ನೇ ತರಗತಿಗಳಲ್ಲಿ ವ್ಯಾಸಂಗ ಮಾಡುವ ವಿದ್ಯಾರ್ಥಿಗಳಿಗಾಗಿ ಜಾರಿಗೊಳಿಸಿದ ಯೋಜನೆಯಾಗಿದೆ. ಇದು ಅತ್ಯಂತ ಬೃಹತ್ ಯೋಜನೆಯಾಗಿದ್ದು, ರಾಷ್ಟçದಾದ್ಯಂತ ಒಂದು ಲಕ್ಷಕ್ಕೂ ಅಧಿಕ ವಿದ್ಯಾರ್ಥಿಗಳು ಇದರಲ್ಲಿ ಪಾಲ್ಗೊಳ್ಳುತ್ತಾರೆ. ಇಂತಹ ಒಂದು ಬೃಹತ್ ಯೋಜನೆಯಲ್ಲಿ ನೀಮ್ಮ ಹೊಸ ಆಲೋಚನೆಯೊಂದಿಗೆ ನೀವೂ ಪಾಲ್ಗೊಳ್ಳಿ. ನಿಮ್ಮ ಆಲೋಚನೆಯು ಉತ್ತಮವಾಗಿದ್ದರೆ ರಾಷ್ಟç ಮಟ್ಟದಲ್ಲಿ ಉತ್ತಮ ಪ್ರಶಂಸೆ ಗಳಿಸುತ್ತದೆ. ಜೊತೆಗೆ ನಿಮ್ಮ ಶಾಲೆ ಮತ್ತು ಶಿಕ್ಷಕರಿಗೆ ಒಳ್ಳೆಯ ಹೆಸರು ಮತ್ತು ಕೀರ್ತಿ ಲಭಿಸುತ್ತದೆ. 

ನೀವೇನು ಮಾಡಬಹುದು?

ನಿಮ್ಮಲ್ಲಿ ವಿಜ್ಞಾನ ಮತ್ತು ಸಾಮಾಜಿಕ ಅನ್ವಯಿಕೆಯಾಗುವ ಹೊಸ ವಿಚಾರಗಳು ಅಥವಾ ಐಡಿಯಾಗಳು ಇದ್ದರೆ ಅವುಗಳ ಬಗ್ಗೆ ನಿಮ್ಮ ಶಾಲೆಯ ವಿಜ್ಞಾನ ಶಿಕ್ಷಕರು ಅಥವಾ ಆಸಕ್ತ ಶಿಕ್ಷಕರೊಂದಿಗೆ ಚರ್ಚಿಸಿ. ಅವರು ಅದಕ್ಕೆ ಹೊಸ ರೂಪು ನೀಡುತ್ತಾರೆ. ಈಗಾಗಲೇ ಈ ಯೋಜನೆಯ ಕುರಿತಾಗಿ ಶಾಲಾ ಮುಖ್ಯಸ್ಥರಿಗೆ ಮತ್ತು ವಿಜ್ಞಾನಾಸಕ್ತ ಶಿಕ್ಷಕರಿಗೆ ಮಾಹಿತಿ ಇರುತ್ತದೆ. ನಿಮ್ಮ ಐಡಿಯಾದ ಆಧಾರದ ಮೇಲೆ ಯೋಜನೆಯೊಂದನ್ನು ತಯಾರಿಸಿ ಅದನ್ನು ಇನ್ಪೆöÊರ್ ಅವಾರ್ಡ್ ಯೋಜನೆಗೆ ಅರ್ಜಿ ಸಲ್ಲಿಸುತ್ತಾರೆ. ಅರ್ಜಿ ಸಲ್ಲಿಕೆ ಮತ್ತು ಪ್ರಾಥಮಿಕ ಆಯ್ಕೆ ಪ್ರಕ್ರಿಯೆ ಸಂಪೂರ್ಣವಾಗಿ ಆನ್‌ಲೈನ್ ಮೂಲಕವೇ ನಡೆಯುತ್ತದೆ. 

ನಿಮ್ಮ ಆಲೋಚನೆಯು ಉತ್ತಮವಾಗಿದ್ದು, ನಾವೀನ್ಯತೆಯಿಂದ ಕೂಡಿದ್ದರೆ, ಪ್ರಾಥಮಿಕ ಆಯ್ಕೆ ಪ್ರಕ್ರಿಯೆಯಲ್ಲಿ ಆಯ್ಕೆಯಾಗುತ್ತದೆ. ನಂತರ ಜಿಲ್ಲಾ ಹಂತದಲ್ಲಿ ನಡೆಯುವ ಪ್ರದರ್ಶನದಲ್ಲಿ ನಿಮ್ಮ ಐಡಿಯಾಕ್ಕೆ ಪೂರಕವಾದ ಕಾರ್ಯನಿರ್ವಹಣಾ ಪ್ರಾತ್ಯಕ್ಷತಾ ಮಾದರಿಯನ್ನು ಪ್ರದರ್ಶಿಸಬೇಕಾಗುತ್ತದೆ. ಜಿಲ್ಲಾ ಹಂತಕ್ಕೆ ನಿಮ್ಮ ಮಾದರಿ ಆಯ್ಕೆಯಾದರೆ, ಪ್ರಾತ್ಯಕ್ಷಿತಾ ಮಾದರಿ ತಯಾರಿಕೆಗಾಗಿ ವಿದ್ಯಾರ್ಥಿಗಳ ಖಾತೆಗೆ 10,000 ರೂಪಾಯಿಗಳನ್ನು ಇಲಾಖೆಯು ನೇರವಾಗಿ ವರ್ಗಾವಣೆ ಮಾಡುತ್ತದೆ.  ಪ್ರದರ್ಶನದ ವೇಳೆ ನಿಮ್ಮ ಮಾದರಿ ಕುರಿತು ವಿಸ್ತೃತವಾಗಿ ವಿವರಿಸಬೇಕಾಗುತ್ತದೆ ಹಾಗೂ ಆಯ್ಕೆ ಸಮಿತಿ ಕೇಳುವ ಪ್ರಶ್ನೆಗೆ ಸರಿಯಾಗಿ ಉತ್ತರಿಸಿದರೆ ರಾಜ್ಯ ಹಂತಕ್ಕೆ ಆಯ್ಕೆಯಾಗುತ್ತೀರಿ. ರಾಜ್ಯಹಂತದಲ್ಲಿ ಒಟ್ಟು 1000 ಮಾದರಿಗಳು ಪ್ರದರ್ಶಿತವಾಗುತ್ತವೆ. ಅಲ್ಲಿಯೂ ನಿಮ್ಮ ಮಾದರಿ ಉತ್ತಮವಾಗಿದ್ದರೆೆ ರಾಷ್ಟç ಹಂತಕ್ಕೆ ಆಯ್ಕೆಯಾಗುತ್ತದೆ. ರಾಷ್ಟç ಹಂತದಲ್ಲಿ 1000 ಮಾದರಿಗಳು ಪ್ರದರ್ಶಿತವಾಗುತ್ತವೆ. ಅಂತಿಮವಾಗಿ 60 ಅತ್ಯುತ್ತಮ ಮಾದರಿಗಳನ್ನು ಆಯ್ಕೆ ಮಾಡಲಾಗುತ್ತದೆ. ಈ 60 ಮಾದರಿಗಳನ್ನು ರಾಷ್ಟçಭವನದಲ್ಲಿ ನಡೆಯುವ ವಾರ್ಷಿಕ ಉತ್ಸವದಲ್ಲಿ ಪ್ರದರ್ಶಿಸಿ ಪುರಸ್ಕಾರ ನೀಡಲಾಗುತ್ತದೆ. ಅದರಲ್ಲಿ ಮೂರು ಅತ್ಯುತ್ತಮ ಮಾದರಿಗಳಿಗೆ ಚಿನ್ನ, ಬೆಳ್ಳಿ ಮತ್ತು ಕಂಚಿನ ಪದಕ ದೊರೆಯುತ್ತದೆ. ರಾಷ್ಟç ಮಟ್ಟದಲ್ಲಿ ಆಯ್ಕೆಯಾದ ಮಾದರಿಗಳಲ್ಲಿ ವಿಶೇಷತೆಯುಳ್ಳ ಮಾದರಿಗಳಿಗೆ ಪೇಟೆಂಟ್ ಕೂಡಾ ದೊರೆಯುತ್ತದೆ. 

ನೆನಪಿಡಿ : ಎಲ್ಲಾ ಹಂತದಲ್ಲೂ ನಿಮ್ಮ ಐಡಿಯಾ ಆಯ್ಕೆಯಾಗಬೇಕಾದರೆ ಅದು ಜನಸ್ನೇಹಿ, ವಿಜ್ಞಾನ ಸ್ನೇಹಿ ಹಾಗೂ ಸಾಮಾಜಿಕ ಅನ್ವಯಿಕ ಮಾದರಿಯಾಗಿರಬೇಕು ಹಾಗೂ ನಾವಿನ್ಯತೆಯಿಂದ ಕೂಡಿರಬೇಕು ಮತ್ತು ನಿಮ್ಮ ಸ್ವಂತದ್ದಾಗಿರಬೇಕು. ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು 31-07-2019 ಕೊನೆ ದಿನಾಂಕವಾಗಿರುತ್ತದೆ. ಸರ್ಕಾರಿ, ಅನುದಾನಿತ ಹಾಗೂ ಅನುದಾನ ರಹಿತ ಶಾಲೆಗಳಲ್ಲಿ ವ್ಯಾಸಂಗ ಮಾಡುವ ಅರ್ಹ ವಯೋಮಾನದ ಆಸಕ್ತ ಮಕ್ಕಳು ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಸಲು ತಿತಿತಿ.iಟಿsಠಿiಡಿeಚಿತಿಚಿಡಿಜs-ಜsಣ.gov.iಟಿ   ವೆಬ್‌ಸೈಟ್‌ಗೆ ಭೇಟಿಕೊಡಿ ಅಥವಾ ವಿವರಗಳಿಗೆ 9638418605 ಕ್ಕೆ ಸಂಪರ್ಕಿಸಿ.

ಕಂಬದ ಮ್ಯಾಲಿನ ಗೊಂಬೆಯೇ,,,

 ದಿನಾಂಕ  02-07-2019ರ ಪ್ರಜಾವಾಣಿಯ ಕರ್ನಾಟಕ ದರ್ಶನ ಪುರವಣಿಯಲ್ಲಿ ಪ್ರಕಟವಾದ ನನ್ನ ಬರಹ. 

ಕಂಬದ ಮ್ಯಾಲಿನ ಗೊಂಬೆಯೇ,,,

ಇಡೀ ಜಗತ್ ಸೃಷ್ಟಿ ಮತ್ತು ರಕ್ಷಣೆಯಲ್ಲಿ ಮಹಿಳೆಯ ಪಾತ್ರ ಮಹತ್ವದ್ದು. ತನ್ನ ಕುಟುಂಬದ ಅಕ್ಕರೆ ಆರೈಕೆಯಲ್ಲಿ ಸದಾ ಬ್ಯುಸಿಯಾಗಿರುವ ಜೀವಿ. ತನ್ನವರ ಒಳಿತಿಗಾಗಿ ಸದಾ ಹಂಬಲಿಸುತ್ತಾ, ತನ್ನನ್ನೇ ಮೈಮರೆಯುವ ಜೀವಿ. ದೇವರು ಎಲ್ಲೆಡೆ ಇರಲು ಸಾಧ್ಯವಿಲ್ಲದಿರುವುದಕ್ಕೆ ತಾಯಿಯನ್ನು ಸೃಷ್ಟಿಸಿದ ಎಂಬ ಮಾತು ಅಕ್ಷರಶಃ ನಿಜ. ಬೆಳಿಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೂ ವಿವಿಧ ಪಾತ್ರಗಳನ್ನು ನಿರ್ವಹಿಸುವ ಮೂಲಕ, ವಿವಿಧ ಕಾರ್ಯಗಳನ್ನು ಪೂರೈಸುವ ಮಹಿಳೆಯ ಶ್ರಮ ಅವಿರತವಾದುದು. 

ಮಹಿಳೆಯ ದಿನನಿತ್ಯದ ಬದುಕನ್ನು ಬಿಂಬಿಸಲು ಅನೇಕ ಹಾಡು, ಕಥೆ, ಕವನಗಳೇನೋ ಇವೆ. ಆದಾಗ್ಯೂ ಅವಳ ಬದುಕನ್ನು ವರ್ಣಿಸಲು ಗೊಂಬೆಗಳೇ ರೂಪುಗೊಂಡಿವೆ. ಈ ಗೊಂಬೆಗಳು ಬಲು ಅಪರೂಪದ ಗೊಂಬೆಗಳು. ಸಣ್ಣವರಿಂದ ದೊಡ್ಡವರಾದಿಯಾಗಿ ಎಲ್ಲರಿಗೂ ಇಷ್ಟವಾಗುವ ಗೊಂಬೆಗಳು. ನಾಗಮಂಡಲದ ಸಿನಿಮಾದ ‘ಕಂಬದ ಮ್ಯಾಲಿನ ಗೊಂಬೆಯೇ,,,’ ಎಂಬ ಹಾಡಿನ ಸಾಲುಗಳನ್ನು ಗುಣುಗುಣಿಸುವಂತೆ ಮಾಡುತ್ತವೆ. ಈ ಹಾಡನ್ನು ಗೋಪಾಲ ವಾಜಪೇಯಿ ಅವರು ರಚಿಸಿದ್ದು, ಹೆಣ್ಣಿನ ತುಡಿತ, ಮಿಡಿತಗಳ ಪ್ರತೀಕವಾಗಿದೆ. ನಾನಿಲ್ಲಿ ಹೇಳಹೊರಟಿರುವ ಗೊಂಬೆಗಳೂ ಸಹ ಕಂಬದ ಮೇಲಿದ್ದು, ಅಂತಹದ್ದೇ ಆಕರ್ಷಣೆ, ಘನತೆ, ಗಾಂಭೀರ್ಯ ಹೊಂದಿವೆ. ಹಾಗಾದರೆ ಈ ಗೊಂಬೆಗಳು ಯಾವುವು? ಅವು ಎಲ್ಲಿವೆ ಎಂಬುದು ನಿಮ್ಮ ಪ್ರಶ್ನೆಯಲ್ಲವೇ? ಮುಂದೆ ಓದಿ.

ಕಂಬದ ಮ್ಯಾಲಿನ ಗೊಂಬೆಗಳು ಇರುವುದು ಹಾವೇರಿ ಜಿಲ್ಲೆ ಶಿಗ್ಗಾಂವ ತಾಲೂಕ ಗೊಟಗೋಡಿಯ ಉತ್ಸವ ರಾಕ್‌ಗಾರ್ಡನ್‌ನಲ್ಲಿ. ಪ್ರವೇಶ ದ್ವಾರದ ಸಮೀಪದಲ್ಲೇ ನಿರ್ಮಾಣಗೊಂಡ ಕಂಬಗಳ ಮೇಲಿನ ಚಿತ್ತಾರಗಳು ಗ್ರಾಮೀಣ ಬದುಕಿಗೆ ತುಂಬಾ ಸನಿಹವಾದವುಗಳಾಗಿವೆ. ರಾಕ್‌ಗಾರ್ಡನ್‌ನ ಕಂಬದ ಮೇಲೆ ವಿವಧ ಮಗ್ಗಲುಗಳಲ್ಲಿ ಮಹಿಳೆಯ ದೈನಂದಿನ ಬದುಕಿನ ಚಟುವಟಿಕೆಗಳನ್ನು ಗೊಂಬೆಗಳಾಗಿ ಪ್ರತಿಬಿಂಬಿಸಲಾಗಿದೆ.

ಮನೆಗೆ ಕಂಬಗಳು ಹೇಗೆ ಆಧಾರವೋ ಹಾಗೆ ಕುಟುಂಬಕ್ಕೆ ಮಹಿಳೆಯೇ ಆಧಾರ ಎಂಬುದನ್ನು ಇಲ್ಲಿನ ಕಂಬಗಳು ಗಟ್ಟಿಗೊಳಿಸುತ್ತವೆ. ಪ್ರತಿ ಮನೆಯ ಮಹಿಳಾ ಚಟುವಟಿಕೆಗಳೇ ಇಲ್ಲಿನ ಕಂಬದ ಗೊಂಬೆಗಳಾಗಿವೆ. ಪಾತ್ರೆ ತೊಳೆಯುವುದು, ಧಾನ್ಯಗಳನ್ನು ಹಸನು ಮಾಡುವುದು, ಬುಟ್ಟಿಯಲ್ಲಿ ಸಾಮಾನುಗಳನ್ನು ಹೊತ್ತು ಸಾಗುವುದು, ರೊಟ್ಟಿ ತಟ್ಟುವುದು, ಕೃಷಿ ಕಾರ್ಯ ಮಾಡುವುದು ಹೀಗೆ ಗ್ರಾಮೀಣ ಬದುಕಿನ ವೈವಿಧ್ಯಮಯ ಚಟುವಟಿಕೆಗಳು ಇಲ್ಲಿ ಗೊಂಬೆಗಳಾಗಿ ರೂಪುಗೊಂಡಿವೆ. ಹಾಗಂತ ಇವು ನೈಜ ಚಿತ್ರಣಗಳಲ್ಲ. ಇವು ಸಿಮೆಂಟ್ ಶಿಲ್ಪಗಳು. ಕಲೆಯೊಂದಿಗೆ ನವ್ಯತೆಯನ್ನು ಮೇಳವಿಸಿ ಕಲಾಭಿವ್ಯಕ್ತಿಗೊಳಿಸಲಾಗಿದೆ. ದಿನನಿತ್ಯದ ಚಟುವಟಿಕೆಗಳನ್ನು ಸಮಕಾಲೀನ ಕಲೆಯೊಂದಿಗೆ ತಳಕುಹಾಕಿ ಚಿತ್ರಗಳನ್ನು ರೂಪಿಸಿರುವುದು ಪ್ರೇಕ್ಷಕರಿಗೆ ವಿಭಿನ್ನವಾಗಿ ಗೋಚರಿಸುತ್ತವೆ. ಕಂಬಗಳ ಮೇಲಿನ ಬಹುತೇಕ ಗೊಂಬೆಗಳೆಲ್ಲವೂ ಮಹಿಳೆಯ ದಿನಚರಿಯ ಕುರುಹುಗಳಾದ್ದರಿಂದ ಇವುಗಳನ್ನು “ಮಹಿಳಾ ಬದುಕಿನ ಕಂಬಗಳು” ಎಂದು ಹೆಸರಿಸಲಾಗಿದೆ ಎನ್ನುತ್ತಾರೆ ಉತ್ಸವ ರಾಕ್‌ಗಾರ್ಡನ್‌ನ ರೂವಾರಿ ಪ್ರೋ.ಟಿ.ಬಿ.ಸೊಲಬಕ್ಕನವರ್.

ಮಹಿಳಾ ಬದುಕಿನ ಚಿತ್ರಗಳ ಪ್ರತಿಪಾದನೆಯ ಜೊತೆಗೆ ಕೆಲವು ಜನಪದ ಕಲಾ ಪ್ರಕಾರಗಳನ್ನು ಕಂಬಗಳ ಮೇಲೆ ಗೊಂಬೆಗಳಾಗಿ ಬಿಂಬಿಸಲಾಗಿದೆ. ಪ್ರತಿ ಗೊಂಬೆಯಲ್ಲಿನ ಸೂಕ್ಷö್ಮತೆ, ಕುಸುರಿತನ, ಅದಕ್ಕೆ ತಕ್ಕದಾದ ವರ್ಣ ಲೇಪನ ಎಲ್ಲವೂ ಪೂರ್ವ ನಿರ್ಧಾರಿತ ಕಲ್ಪನೆಗಳಾಗಿವೆ. ಇದರಲ್ಲಿ ತಂಡದ ನಾಯಕರ ಶ್ರಮ ಹಾಗೂ ಮಾರ್ಗದರ್ಶನ ಎಲ್ಲರಿಗೂ ಹಿತವಾಗುವಂತೆ ಶಿಲ್ಪ ನಿರ್ಮಿಸಿರುವುದು ಅವರ ದೂರದೃಷ್ಟಿತ್ವವನ್ನು ಪ್ರತಿಪಾದಿಸುತ್ತವೆ. ಆಧುನಿಕತೆಗೆ ಮಾರುಹೋದ ಯಾಂತ್ರಿಕ ಜೀವನದಲ್ಲಿ ಕಳೆದುಹೋದ ಗ್ರಾಮೀಣ ಬದುಕಿನ ವೈವಿಧ್ಯಮಯ ಸ್ವರೂಪವನ್ನು ಜೀವಂತವಾಗಿಡುವ ಇಲ್ಲಿನ ಪ್ರಯತ್ನ ಶ್ಲಾಘನೀಯ. 42 ಎಕರೆ ವಿಶಾಲವಾದ ಪ್ರದೇಶದಲ್ಲಿ ಅಭಿವೃದ್ದಿಗೊಳಿಸಲಾದ ಈ ಗಾರ್ಡನ್‌ನ ಪ್ರತಿ ಶಿಲ್ಪಗಳು ತನ್ನದೇ ಮಹತ್ವ ಹೊಂದಿವೆ. ಮಹಿಳೆಯ ಬದುಕಿನ ಅದರಲ್ಲೂ ಗ್ರಾಮೀಣ ಮಹಿಳೆಯ ಬದುಕಿನ ಚಿತ್ರಣಗಳನ್ನು ಸವಿಯಲು ಒಮ್ಮೆಯಾದರೂ ನೋಡಬಹುದಾದ ತಾಣ ಉತ್ಸವ ರಾಕ್‌ಗಾರ್ಡನ್.

ಕುತೂಹಲ ಕುಂದಿಸಬೇಡಿ,,,

  ದಿನಾಂಕ 09-05-2019ರ ಸುಧಾ ದಲ್ಲಿ ಹಾಗೂ 10-12-2019ರ ವಿಜಯವಾಣಿಯ ಲಲಿತಾ ಪುರವಣಿಯಲ್ಲಿ ಪ್ರಕಟವಾದ ನನ್ನ ಬರಹ. 

ಕುತೂಹಲ ಕುಂದಿಸಬೇಡಿ,,,

ತಾಯಿಯ ಜೊತೆ ಮಾರ್ಕೆಟ್‌ಗೆ ಹೋದ ಮಗು ಅಮ್ಮ ಅದೇನು? ಅದೇಕೆ ಹೀಗೆ? ಅವರೇನು ಮಾಡುತ್ತಿದ್ದಾರೆ? ಅವರ ಉಡುಪು ಹೀಗೇಕೆ? ಇತ್ಯಾದಿಯಾಗಿ ಪ್ರಶ್ನಿಸುತ್ತದೆ. ಅಲ್ಲಿ ತಾನು ನೋಡಿದ ಪ್ರತಿ ವಸ್ತು ಹಾಗೂ ವಿಭಿನ್ನ ವ್ಯಕ್ತಿತ್ವಗಳನ್ನು ಪ್ರಶ್ನಿಸತೊಡಗುತ್ತದೆ. ಮನೆಯಿಂದ ಪ್ರಾರಂಭವಾದ ಪ್ರಶ್ನೆಗಳು ವಾಪಾಸ್ಸು ಮನೆಗೆ ಬಂದರೂ ನಿಲ್ಲುವುದಿಲ್ಲ. ಇದಕ್ಕೆಲ್ಲಾ ಕಾರಣ ಮಗುವಿನ ಕುತೂಹಲ. ಮಗುವಿನ ಪ್ರತೀ ಕುತೂಹಲದ ವೀಕ್ಷಣೆಯು ಪ್ರಶ್ನೆಯ ಮೂಲಕ ಸೂಕ್ತ ಉತ್ತರದಲ್ಲಿ ಅಂತ್ಯವಾಗುತ್ತದೆ. ಆಗ ಹೊಸ ಹಾಗೂ ಸಂತಸದ ಕಲಿಕೆ ಮಗುವಿನಲ್ಲಿ ಉಂಟಾಗಿರುತ್ತದೆ. 

    ಮಗು ಹೊಸತನ್ನು ನೋಡಿದಾಗ ಅದನ್ನು ಅನ್ವೇಷಿಸಲು ಬಯಸುತ್ತದೆ. ಕಿಟಕಿಯಿಂದ ಒಳ ಬರುವ ಬೆಳಕಿನ ಕಿರಣಗಳನ್ನು ಹಿಡಿಯಲು ಪ್ರತ್ನಿಸುವ ಮಗು ಅದು ಕೈಗೆ ಸಿಗದಿದ್ದಾಗ ಪ್ರಶ್ನಿಸುತ್ತದೆ. ಬೆಂಕಿಯನ್ನು ಮುಟ್ಟಿ ಕೈಸುಟ್ಟುಕೊಂಡ ನಂತರವೇ ಅದು ಉತ್ತರ ಕಂಡುಕೊಳ್ಳುತ್ತದೆ. ಬೇರೆ ಬೇರೆ ಆಕಾರದ ಪಾತ್ರೆಯೊಳಗೆ ನೀರನ್ನು ಹಾಕಿ ನೀರಿನ ದ್ರವ್ಯರಾಶಿ ಮತ್ತು ಪರಿಮಾಣದ ಬಗ್ಗೆ ತನ್ನದೇ ಆದ ವ್ಯಾಖ್ಯಾನ ನೀಡುತ್ತದೆ. ಚಾಕೋಲೇಟ್‌ನ ಮಾಧುರ್ಯ, ನಿಂಬೆಯ ಹುಳಿ, ಬೆಂಕಿಯ ಶಾಖ, ಐಸ್‌ಕ್ರೀಮ್‌ನ ಶೀತ ಎಲ್ಲವನ್ನೂ ಕುತೂಹಲ ಕಣ್ಣುಗಳಿಂದ ನೋಡಿ ಅನುಭವಿಸಿ ತಿಳಿಯುತ್ತದೆ. ಅಚ್ಚರಿಯೊಂದಿಗೆ ಖುಷಿಪಡುತ್ತದೆ. ಆ ಮೂಲಕ ಕಲಿಯುತ್ತದೆ. ಹುಟ್ಟಿನಿಂದ ಪ್ರಾರಂಭವಾಗುವ ಮಾನವನ ಕುತೂಹಲದ ಗುಣ ಅವನ ಅಭಿವೃದ್ದಿಗೆ ಪೂರಕವಾದುದು.

    ಕುತೂಹಲ ಮಗುವಿನ ಸಹಜ ಸ್ವಾಭಾವಿಕ ಗುಣವಾಗಿದೆ. ಕುತೂಹಲದಿಂದ ಕೂಡಿದ ಮಗು ಸದಾ ಅನ್ವೇಷಿಸಲು ಮುಂದಾಗುತ್ತದೆ. ಅನ್ವೇಷಣೆಯಿಂದ ಸಂತೋಷ ಅನುಭವಿಸುತ್ತದೆ. ಸಂತಸದ ಮುಂದುವರೆದ ಭಾಗವಾಗಿ ಪರಿಶೋಧನೆಯನ್ನು ಪುನರಾವರ್ತಿಸುತ್ತದೆ. ತನ್ನ ಸಂತಸದ ಕಲಿಕೆಯನ್ನು ಇತರರೊಂದಿಗೆ ಹಂಚಿಕೊಳ್ಳುತ್ತದೆ. ಇದು ಕಲಿಕೆಯ ಇನ್ನೊಂದು ಆಯಾಮವಾಗಿದೆ. 

    ನಾವೆಲ್ಲರೂ ಸಾಮಾಜಿಕ ಮತ್ತು ಪರಿಸರ ಜೀವಿಗಳು. ನಮ್ಮ ಸುತ್ತಲಿನ ಪರಿಸರದಿಂದ ಮತ್ತು ನಾವು ವಾಸಿಸುವ ಸಮುದಾಯದಿಂದ ಸಾಕಷ್ಟು ಕಲಿಯುತ್ತೇವೆ. ಯಾವ ಮಗುವಿನಲ್ಲಿ ಕುತೂಹಲ ಮಂಕಾಗಿರುತ್ತದೆಯೋ ಆ ಮಗುವಿನ ಕಲಿಕೆ ಮಂದವಾಗಿರುತ್ತದೆ. ಕುತೂಹಲ ಹೆಚ್ಚಿರುವ ಮಗುವಿನ ಗೆಳೆಯರ ಬಳಗ ದೊಡ್ಡದಿರುತ್ತದೆ. ಆದರೆ ಕಡಿಮೆ ಕುತೂಹಲವುಳ್ಳ ಮಗುವಿನ ಗೆಳೆಯರ ಬಳಗ ತೀರಾ ಚಿಕ್ಕದು. ಹೊಸ ಗೆಳೆಯರೊಂದಿಗೆ ಸೇರಲು ಆ ಮಗು ಹಿಂಜರಿಯುತ್ತದೆ. ಕಡಿಮೆ ಪುಸ್ತಕಗಳನ್ನು ಓದುವುದು, ಚಿಕ್ಕ ಸಾಮಾಜಿಕ ಗುಂಪು ಹೊಂದಿರುತ್ತದೆ. ಇಂತಹ ಮಗುವಿಗೆ ಕಲಿಸುವುದೂ ಕೂಡಾ ಕಠಿಣವಾಗುತ್ತದೆ. ಏಕೆಂದರೆ ಆ ಮಗುವಿಗೆ ಸ್ಪೂರ್ತಿ ಉತ್ಸಾಹ ನೀಡಿ ಪ್ರೇರೇಪಿಸುವುದು ತುಂಬಾ ಕಷ್ಟ. 

ಕುತೂಹಲದ ಪ್ರಯೋಜನಗಳು

ಕುತೂಹಲವು ಅನೇಕ ಲಾಭಗಳನ್ನು ನೀಡುತ್ತದೆ. ಮಗುವಿನ ಕುತೂಹಲದ ಪ್ರಶ್ನೆಗಳಿಗೆ ದೊಡ್ಡವರಾದ ನಾವು ಭಯಭೀತರಾಗಿ ಪ್ರಶ್ನೆ ಕೇಳುವುದನ್ನೇ ನಿಲ್ಲಿಸುತ್ತಿದ್ದೇವೆ. ಏಕೆಂದರೆ ನಾವು ಸೋಮಾರಿಯಾಗಿದ್ದೇವೆ ಅಥವಾ ಮಗು ಕೇಳಿದ ಪ್ರಶ್ನೆಗೆ ಉತ್ತರಿಸಲು ನಿರ್ದಿಷ್ಟ ಉತ್ತರಗಳ ಹುಡುಕಾಟದಲ್ಲಿ ನಾವು ಸೋತಿದ್ದೇವೆ. ಆದಾಗ್ಯೂ ಕುತೂಹಲದ ಲಾಭಗಳನ್ನು ಅರಿತರೆ ಖಂಡಿತವಾಗಿಯೂ ನಮ್ಮ ಪ್ರಯತ್ನ ಉತ್ತಮವಾಗುತ್ತದೆ. ಕುತೂಹಲದ ಪ್ರಯೋಜನಗಳು ಕೇವಲ ಭೌದ್ದಿಕತೆಗೆ ಸೀಮಿತವಾಗಿಲ್ಲ. ಅದು ಮಾನಸಿಕ, ಭಾವನಾತ್ಮಕ, ಸಾಮಾಜಿಕ ಮತ್ತು ಆರೋಗ್ಯಕಾರಿ ಪ್ರಯೋಜನಗಳನ್ನು ಹೊಂದಿದೆ.

ಬದುಕಲು ಸಹಾಯ ಮಾಡುತ್ತದೆ: ಕುತೂಹಲವು ನಿರಂತರವಾಗಿ ಬದಲಾಗುತ್ತಿರುವ ಪರಿಸರದ ಬಗ್ಗೆ ಜ್ಞಾನ ಹೆಚ್ಚಿಸಿಕೊಳ್ಳಲು ಸಹಾಯಕವಾಗುತ್ತದೆ. ಇದರಿಂದ ಹೊಸ ವಿಷಯಗಳನ್ನು ಎದರಿಸುವ ಸಾಮರ್ಥ್ಯವನ್ನು ಬೆಳೆಸುತ್ತದೆ. ಅದು ನವೀನ ಅನ್ವೇಷಣೆಗೆ ಪ್ರಚೋದಿಸುತ್ತದೆ. ವಿವಿಧ ಸನ್ನಿವೇಶಗಳನ್ನು ಎದುರಿಸುವ ಕೌಶಲ್ಯ ಬೆಳೆಸುತ್ತದೆ. 

ಸಂತಸ ನೀಡುತ್ತದೆ : ಕುತೂಹಲವುಳ್ಳ ಜನರು ಹೆಚ್ಚು ಸಂತೋಷವುಳ್ಳವರಾಗಿರುತ್ತಾರೆ. ಕುತೂಹಲ ಹೊಂದಿದವರು ಉನ್ನತ ಮಟ್ಟದ ಸಕಾರಾತ್ಮಕ ಭಾವನೆಗಳನ್ನು ಮತ್ತು ಕಡಿಮೆ ಮಟ್ಟದ ಆತಂಕವನ್ನು ಹೊಂದಿರುತ್ತಾರೆ. ಕುತೂಹಲವು ಯೋಗಕ್ಷೇಮಗಳನ್ನು ಅಧಿಕಗೊಳಿಸಿ ಸಂಶೋಧನೆಗಳ ಮೂಲಕ ವ್ಶೆಜ್ಞಾನಿಕ ಮನೋಭಾವ ಹೆಚ್ಚಿಸುತ್ತದೆ. 

ಸಾಧನೆ ಹೆಚ್ಚಿಸುತ್ತದೆ : ಕುತೂಹಲವು ಸಂತೋಷದ ಮೂಲಕ ಕಲಿಕೆಯಲ್ಲಿ ಭಾಗವಹಿಸುವಿಕೆಯನ್ನು ಉತ್ತೇಜಿಸುವುದರಿಂದ ಶೈಕ್ಷಣಿಕ ಸಾಧನೆ ಉತ್ತುಂಗಕ್ಕೇರುತ್ತದೆ. ಆ ಕಲಿಕೆಯು ನಿಶ್ಚಿತ ಕಾರ್ಯನಿರ್ವಹಣೆಯ ಕಾರ್ಯಕ್ಷಮತೆಗೆ ಕಾರಣವಾಗುತ್ತದೆ ಎಂದು ಅಧ್ಯಯನಗಳು ತಿಳಿಸುತ್ತವೆ. ಕುತೂಹಲದ ಕಾರ್ಯ ಸಾಮಾನ್ಯ ಅರ್ಥದಲ್ಲಿ ಕಾಣಬಹುದು. ಆದರೆ ಹೆಚ್ಚು ಕುತೂಹಲವುಳ್ಳ ಮಗುವಿನಲ್ಲಿ ಆಸಕ್ತಿಯೂ ಹೆಚ್ಚಿರುತ್ತದೆ. ಆದ್ದರಿಂದ ಪ್ರಾಮಾಣಿಕ ಪ್ರಯತ್ನದಿಂದ ಯಶಸ್ಸು ಲಭಿಸುತ್ತದೆ. 

ಪರಾನುಭೂತಿಯನ್ನು ವಿಸ್ತರಿಸುತ್ತದೆ : ಕುತೂಹಲವು ಮಗುವಿನ ಸಾಮಾಜಿಕ ವೃತ್ತದ ಪರಿಧಿಯನ್ನು ವಿಸ್ತರಿಸುತ್ತದೆ. ವೃತ್ತದ ಹೊರಗಿನ ಜನರೊಂದಿಗೆ ಮಾತನಾಡುವಾಗ ಮಗು ತನ್ನ ಜೀವನಕ್ಕಿಂತ ವಿಭಿನ್ನವಾದ ಜೀವನಾನುಭವವನ್ನು ಮತ್ತು ದೃಷ್ಟಿಕೋನಗಳನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ಜೊತೆಗೆ ಅಪರಿಚಿತರೊಂದಿಗೆ ಮಾತನಾಡಲು ಅವಕಾಶ ಇರುವುದರಿಂದ ವಿಭಿನ್ನ ವ್ಯಕ್ತಿತ್ವದ ಹುಟುಕಾಟ ಪ್ರಾರಂಭವಾಗುತ್ತದೆ. ಇದು ಮಗುವಿನ ಸಾಮಾಜಿಕ ವಲಯನ್ನು ವಿಸ್ತರಿಸುವ ಮೂಲಕ ಪರಾನುಭೂತಿಯನ್ನು ಬೆಳೆಸುತ್ತದೆ. 

ಆರೋಗ್ಯವನ್ನು ಬಲಪಡಿಸುತ್ತದೆ : ವೈದ್ಯರು ತಮ್ಮ ರೋಗಿಗಳ ಮೇಲೆ ಕುತೂಹಲದ ದೃಷ್ಟಿಕೋನ ಹೊಂದಿದಾಗ ರೋಗಿಯ ರೋಗ ಬೇಗನೇ ಗುಣಮುಖವಾಗುತ್ತದೆ. ಅಂತೆಯೇ ಕುತೂಹಲದ ಮನಸ್ಸು ಆರೋಗ್ಯ ಸುಧಾರಿಸುವಲ್ಲಿ ಹೆಚ್ಚಿನ ಪ್ರಭಾವ ಬೀರುತ್ತದೆ. ಇಲ್ಲಿ ಸಚಿತಸ ಮತ್ತು ನಿಶ್ಚಿತತೆ ಇರುವ್ಯದರಿಂದ ಮಾನಸಿಕ ತೊಳಲಾಟ ಇರುವುದರಿಲ್ಲ. ಹಾಗಾಗಿ ದೇಹ ಮತ್ತು ಮನಸ್ಸು ಎರಡೂ ಸುಸ್ಥಿತಿಯಲ್ಲಿರುತ್ತವೆ. 

ಕುತೂಹಲದ ಸ್ವರೂಪ:

ಕುತೂಹಲ ಎಲ್ಲಾ ಮಕ್ಕಳಲ್ಲಿ ಒಂದೇ ರೀತಿಯಾಗಿರುವುದಿಲ್ಲ. ಕೆಲವು ಮಕ್ಕಳು ಮಾನಸಿಕ ಕುತೂಹಲ ಹೊಂದಿರುತ್ತಾರೆ. ಆದರೆ ಕೆಲವು ಮಕ್ಕಳು ದೈಹಿಕ ಕುತೂಹಲ ಹೊಂದಿರುತ್ತಾರೆ. ಸ್ಪರ್ಶಿಸುವ, ವಾಸನೆ ಗ್ರಹಿಸುವ, ರುಚಿ ಆಸ್ವಾದಿಸುವ, ಏರುವ, ಇಳಿಯುವ ಇತ್ಯಾದಿ ದೈಹಿಕ ಚಟುವಟಿಕೆಗಳ ಮೂಲಕ ಕುತೂಹಲ ವ್ಯಕ್ತ ಪಡಿಸುತ್ತಾರೆ. ಕೆಲವು ಮಕ್ಕಳು ಅಂಜುಬುರುಕರಾಗಿದ್ದರೆ ಕೆಲವು ಮಕ್ಕಳು ಸಾಹಸ ಪ್ರವೃತ್ತಿಯ ಕುತೂಹಲಿಗಳಾಗಿರುತ್ತಾರೆ. 

ಕೆಲವು ಮಕ್ಕಳಿಗೆ ವಿಫಲತೆಯನ್ನು ಮರು ವ್ಯಾಖ್ಯಾನಿಸಬೇಕಾಗುತ್ತದೆ. ಕುತೂಹಲವು ಸಾಮಾನ್ಯ ಪಾಂಡಿತ್ಯಕ್ಕಿAತ ಹೆಚ್ಚಿನ ಪರಿಶೋಧನೆಗೆ ಪೂರಕವಾದುದು. ವಿವಿಧ ಹಂತದ ಪ್ರಯತ್ನಗಳು ಅವ್ಯವಸ್ಥ ಕಲಿಕೆಯನ್ನು ಶುದ್ದಗೊಳಿಸುತ್ತವೆ. ಪ್ರತೀ ಮಗುವಿನಲ್ಲಿ ಅನ್ವೇಷಣಾ ಗುಣ ಇದ್ದೇ ಇರುತ್ತದೆ. ಆದರೆ ವೇಗದಲ್ಲಿ ವ್ಯತ್ಯಾಸಗಳಿರುತ್ತವೆ. ಪ್ರತೀ ಮಗುವಿಗೆ ಸೂಕ್ತ ಪರಿಸರ ಮತ್ತು ಅಗತ್ಯ ಅವಕಾಶ ದೊರೆತಾಗ ಮಗು ಪರಿಶೋಧನೆಯ ಹಾದಿಯಲ್ಲಿ ಮುನ್ನಡೆಯುತ್ತದೆ. 

ಕುತೂಹಲವನ್ನು ಉತ್ತೇಜಿಸುವ ವಿಧಾನಗಳು :

ಪ್ರಶ್ನೆಗಳಿಗೆ ಉತ್ತರಿಸಿ: ಮಕ್ಕಳ ಪ್ರಶ್ನೆಗೆ ಉತ್ತರಿಸುವುದು ನಿಜ್ಜಕ್ಕೂ ಕಷ್ಟಕರ. ಹಾಗಂತ ಉತ್ತರಿಸದೇ ಹೋದರೆ ಮಕ್ಕಳ ಪ್ರಶ್ನೆಗಳು ಪ್ರಶ್ನೆಗಳಾಗಿಯೇ ಉಳಿಯುತ್ತವೆ ಮತ್ತು ಆ ಮಗುವಿನ ಕಲಿಕೆ ಮೊಟಕುಗೊಳ್ಳುತ್ತದೆ. ಆದ್ದರಿಂದ ಮಕ್ಕಳ ಪ್ರಶ್ನೆಗಳಿಗೆ ಪ್ರಾಮಾಣಿಕವಾಗಿ ಉತ್ತರಿಸುವ ಪ್ರಯತ್ನ ಮಾಡಿ. ಇತ್ತಿಚಿನ ದಿನಗಳಲ್ಲಿ ಮಗುವಿನೊಂದಿಗೆ ಬೆರೆಯಲು ಅಥವಾ ಪ್ರಶ್ನೆಗೆ ಉತ್ತರಿಸಲು ಪುರುಸೊತ್ತಿಲ್ಲ ಎಂಬುದೇ ಬಹುತೇಕ ಪಾಲಕರ ಹೇಳಿಕೆ. ಆದರೆ ಇದು ಶುದ್ದ ತಪ್ಪು. ಮಕ್ಕಳ ಉತ್ತಮ ಭವಿಷ್ಯಕ್ಕಾಗಿ ನಿಗದಿತ ಸಮಯ ಮೀಸಲಿಡುವುದು ಅನಿವಾರ್ಯವಾಗಿದೆ. ಈ ಸಮಯದಲ್ಲಿ ಮಕ್ಕಳು ಪ್ರಶ್ನೆ ಕೇಳಲು ಅವಕಾಶ ನೀಡಿ. ಚರ್ಚೆಯ ಮೂಲಕ ವಿವರಣಾತ್ಮಕ ಉತ್ತರ ನೀಡಿ. ಇದರಿಂದ ಮಗುವಿನ ಕುತೂಹಲ ಪುರಸ್ಕರಿಸಲ್ಪಡುತ್ತದೆ.

ಆಸಕ್ತಿಗಳನ್ನು ಪ್ರೋತ್ಸಾಹಿಸಿ: ಮಗುವಿನ ಕುತೂಹಲವು ನೈಸರ್ಗಿಕವಾಗಿದ್ದು, ಆಸಕ್ತಿಗೆ ಒಳಪಡುವ ವಿಷಯ ಅಥವಾ ಚಟುವಟಿಕೆಗಳ ಕಡೆಗೆ ಗಮನ ಕೇಂದ್ರೀಕೃತವಾಗುತ್ತದೆ. ಮಗು ರಚನಾತ್ಮಕ ಚಟುವಟಿಕೆಯಲ್ಲಿ ತೊಡಗಿದಾಗ ಆಸಕ್ತಿಯ ಕ್ಷೇತ್ರಗಳ ಪರಿಚಯವಾಗುತ್ತದೆ. ಮಗುವಿನ ಆಸಕ್ತಿಗಳನ್ನು ಪ್ರಚೋದಿಸಿ ಮತ್ತು ಪೂರಕವಾದ ಸಾಧನ ಸಲಕರಣೆ ಒದಗಿಸಿ. ಮಗು ಇಚ್ಚಿಸುವ ಪುಸ್ತಕ ಒದಗಿಸಿ ಅಥವಾ ಹೊರಗಡೆ ಸುತ್ತಾಡಲು ಕರೆದೊಯ್ಯಿರಿ.

ಸಾಧನಗಳನ್ನು ನೀಡಿ: ಪ್ರತೀ ಮಗುವಿಗೆ ತನ್ನ ವಯಸ್ಸಿಗನುಗುಣವಾದ ಸಾಮರ್ಥ್ಯ ಪ್ರದರ್ಶಿಸುವ ಬಯಕೆ ಇರುತ್ತದೆ. ಅದಕ್ಕೆ ಪೂರಕವಾದ ಸಾಧನ ಸಲಕರಣೆಗಳನ್ನು ಒದಗಿಸುವ ಪ್ರಯತ್ನ ನಮ್ಮದಾಗಬೇಕು. ಆಗ ಮಗುವಿನ ಕುತೂಹಲದ ಬುಗ್ಗೆ ಚಿಮ್ಮುತ್ತದೆ. ಬಣ್ಣದ ಪೇರ‍್ಸ್, ಕ್ರೆಯಾನ್ಸ್, ಭೂತಗನ್ನಡಿ, ಪಾಕೆಟ್ ನಿಘಂಟು ಇತ್ಯಾದಿಗಳು ಮಕ್ಕಳಿಗೆ ನೀಡಬಹುದಾದ ಕೆಲವು ಸಲಕರಣೆಗಳಾಗಿವೆ. 

ಉತ್ತೇಜಕ ಪರಿಸರ ನಿರ್ಮಿಸಿ: ಇಡೀ ಮನೆಯನ್ನು ಆಟದ ಮೈದಾನವನ್ನಾಗಿ ಮಾಡಬೇಕಿಲ್ಲ. ಬದಲಿಗೆ ಮಗುವಿನ ಕುತೂಹಲ ಹೆಚ್ಚಿಸುವ ಹಾಗೂ ಅದಕ್ಕೆ ಪೂರಕ ಮಾಹಿತಿ ಒದಗುವ ರೀತಿಯ ವಾತಾವರಣ ನಿರ್ಮಾಣ ಮಾಡುವುದು ಪೋಷಕರ ಹೊಣೆಗಾರಿಕೆಯಾಗಬೇಕು. ಮಗುವಿನ ಮೆದುಳಿಗೆ ಒಂದಿಷ್ಟು ಕೆಲಸ ಹೊಸ ವಿಷಯಗಳನ್ನು ತುಂಬುವ ವಾತಾವರಣ ಕುತೂಹಲ ಹೆಚ್ಚಲು ಕಾರಣವಾಗುತ್ತದೆ. ಆಗಾಗ ಮನೆಯೊಳಗಿನ ಸಲಕರಣೆಗಳ ಸ್ಥಾನ ಮತ್ತು ಅಲಂಕಾರ ಬದಲಿಸುವುದೂ ಸಹ ಕುತೂಹಲದ ಕಲಿಕೆಗೆ ಕಾರಣವಾಗುತ್ತದೆ. 

ಮುಕ್ತ ಅವಕಾಶವಿರಲಿ: ಮಗು ಸ್ವತಂತ್ರವಾಗಿ ಆಲೋಚಿಸಲು ಮುಕ್ತತೆ ಅಗತ್ಯ. ತನ್ನಲ್ಲಿ ಮೂಡಿದ ಪ್ರಶ್ನೆಗಳಿಗೆ ತಾನೇ ಸ್ವತಃ ಉತ್ತರ ಕಂಡುಕೊಳ್ಳಲು ಅವಕಾಶ ನೀಡುವುದು ಹಾಗೂ ಅದನ್ನು ಎಲ್ಲರೊಂದಿಗೆ ಹಂಚಿಕೊಳ್ಳುವುದು ಮುಕ್ತತೆಯ ಮೆಟ್ಟಿಲಾಗಿದೆ. 

ತಪ್ಪು ಮಾಡಲು ಅನುಮತಿಸಿ: ಮಗು ಮಾಡುವ ತಪ್ಪಿಗೆ ಅನುಮತಿ ಇರಲಿ. ಇಲ್ಲದಿದ್ದರೆ ಮಗುವಿನಲ್ಲಿ ನಿರಾಶೆ ಮತ್ತು ನಿರುತ್ಸಾಹಗಳು ಇಮ್ಮಡಿಸುತ್ತವೆ. ತಪ್ಪುಗಳಾಗುವುದು ಸಹಜ ಸ್ವಭಾವ. ಆದರೆ ಒಮ್ಮೆ ಆದ ತಪ್ಪಿಗೆ ಕಾರಣ ಹಾಗೂ ಸಾಧ್ಯತೆಗಳನ್ನು ತಿಳಿಸಿ. ಸೂಕ್ತ ಮಾರ್ಗದರ್ಶನ ಮತ್ತು ಪ್ರೋತ್ಸಾಹ ನೀಡಿ. ಆಗ ಖಂಡಿತವಾಗಿಯೂ ತಪ್ಪುಗಳ ಸಂಖ್ಯೆ ಕ್ರಮೇಣವಾಗಿ ಕಡಿಮೆಯಾಗುತ್ತದೆ ಮತ್ತು ಕಲಿಕೆ ಹೆಚ್ಚು ಸ್ಪಷ್ಟವಾಗುತ್ತ ಹೋಗುತ್ತದೆ. 

ವೀಕ್ಷಣೆಗೆ ನಿರ್ದಿಷ್ಟತೆ ನೀಡಿ: ನಮ್ಮ ಸುತ್ತಲಿನ ಪರಿಸರ ನಿಗೂಢತೆಗಳ ಆಗರ. ಇದನ್ನು ಆಸ್ವಾದಿಸುವ ಮತ್ತು ಅನುಭಾವಿಸುವ ಶೈಲಿ ತಿಳಿದಿರಬೇಕಷ್ಟೇ. ಅದಕ್ಕೆ ಬೇಕಾಗಿರುವುದು ವೀಕ್ಷಿಸುವ ತಂತ್ರಗಾರಿಕೆ. ಆ ತಂತ್ರಗಾರಿಕೆಯನ್ನು ಮಕ್ಕಳಲ್ಲಿ ಬೆಳೆಸಬೇಕು. ಆಗ ಸಣ್ಣ ಸಣ್ಣ ಬದಲಾವಣೆಗಳನ್ನೂ ಸಹ ಕುತೂಹಲದ ಕಣ್ಣುಗಳಿಂದ ವೀಕ್ಷಿಸುತ್ತಾರೆ. ಇದು ನಿರ್ದಿಷ್ಟ ಕಲಿಕೆಗೆ ಸಹಕಾರಿ. 

ಕುತೂಹಲ ಹೆಚ್ಚಲು ಇವುಗಳೂ ಮುಖ್ಯ

• ಪೋಷಕರು ಕುತೂಹಲದಿಂದ ವಸ್ತು/ಘಟನೆ ವೀಕ್ಷಿಸುವ ಮತ್ತು ಅದನ್ನು ವಿವರಸಿವ ಕೌಶಲ್ಯ ಹೊಂದಿರಬೇಕು. ಪರಿಸರದಲ್ಲಿನ ಪ್ರತೀ ಸನ್ನಿವೇಶ ಅಥವಾ ವಸ್ತುವಿನಲ್ಲಿರುವ ಸೂಕ್ಷö್ಮತೆಯನ್ನು ವೀಕ್ಷಿಸಲು ತಿಳಿಸುವುದು. 

• ಪ್ರಾರಂಭದಲ್ಲಿ ಮಗು ಯಾವುದಾದರೂ ಕೆಲಸ/ಚಟುವಟಿಕೆಯಲ್ಲಿ ತೊಡಗಿದಾಗ ಮಗುವಿನ ಕ್ರಿಯಾಶೀಲತೆಯನ್ನು ಪತ್ತೆ ಹಚ್ಚಿ ಅಭಿಪ್ರೇರಣೆ ನೀಡಬೇಕು. ಇದರಿಂದ ಉತ್ತೇಜಿತವಾದ ಮಗು ಕುತೂಹಲದ ಕೌಶಲ್ಯ ಬೆಳೆಸಿಕೊಳ್ಳುತ್ತದೆ. 

• ಮಕ್ಕಳಿಗೆ ಗೊಂದಲಗಳು ಉಂಟಾದಾಗ ನಿಖರವಾದ ಉತ್ತರ ಹುಡುಕಲು ಪ್ರಾರಂಭಿಸುತ್ತಾರೆ. ಅಂತೆಯೇ ಕಲಿಕೆಯಲ್ಲಿ ಗೂಢತೆ ಅಡಗಿದ್ದರೆ ಅದನ್ನು ಭೇಧಿಸಲು ತವಕಿಸುತ್ತಾರೆ. ಆಗ ಹೊಸ ಹುಟುಕಾಟದ ಕಲಿಕೆ ಪ್ರಾರಂಭವಾಗುತ್ತದೆ. ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಮುಕ್ತ ಅವಕಾಶ ನೀಡಬೇಕು. 

• ಮಕ್ಕಳು ಸ್ವತಂತ್ರವಾಗಿ ಯೋಚಿಸಲು ಉತ್ತೇಜಿಸಿ. ಕಲ್ಪನೆ ಮತ್ತು ಪರಿಕಲ್ಪನೆಗಳನ್ನು ನೀಡಿ ಹೊಸ ಯೋಚನೆ ಕೈಗೊಳ್ಳಲು ಅವಕಾಶ ನೀಡಿ. ಆಲೋಚನೆ ಮತ್ತು ಭಾವನೆಗಳ ಜೊತೆಗೆ ಕಲ್ಪನೆಯು ಕುತೂಹಲವನ್ನು ಉತ್ತೇಜಿಸುತ್ತದೆ ಮತ್ತು ನವೀನ ಪರಿಣಾಮಗಳಿಗೆ ಕಾರಣವಾಗುತ್ತದೆ. 

• ಪ್ರಸ್ತುತತೆ ಅರಿಯಲು ಅವಕಾಶ ಒದಗಿಸಿ. ದಿನ ಪತ್ರಿಕೆ ಅಥವಾ ಮಾಧ್ಯಗಳಲ್ಲಿನ ಪ್ರಚಲಿತ ವಿಷಯ ಅಥವಾ ಘಟನೆಗಳ ಕುರಿತ ಕಿರು ಮಾಹಿತಿ ಸಂಗ್ರಹಿಸಿ ಪ್ರಸ್ತುತ ಪಡಿಸಲು ಅವಕಾಶ ನೀಡಿ. ಪ್ರಸ್ತುತ ದಿನದ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಅರಿಯಲು ತಿಳಿಸಿ. ಪ್ರಾರಂಭದಲ್ಲಿ ಇದು ಕಠಿಣ ಎನಿಸಿದರೂ ನಂತರದ ದಿನಗಳಲ್ಲಿ ಮಕ್ಕಳ ಕುತೂಹಲವನ್ನು ಹೆಚ್ಚಿಸುತ್ತದೆ ಮತ್ತು ಆ ಮೂಲಕ ಜ್ಞಾನಾರ್ಜನೆಗೆ ಅನುವು ಮಾಡಿಕೊಡುತ್ತದೆ. 

• ವಿವಿಧ ಸಂಸ್ಕೃತಿ ಮತ್ತು ಸಮಾಜಗಳನ್ನು ಪರಿಚಯಿಸಿ. ಒಂದು ಸಂಸ್ಕೃತಿ ಅಥವಾ ಸಮಾಜ ಇನ್ನೊಂದಕ್ಕಿAತ ಹೇಗೆ ಭಿನ್ನವಾಗಿದೆ? ಇತರೆ ಸಂಸ್ಕೃತಿಗಳಿಗೂ ತಮ್ಮ ಸಂಸ್ಕೃತಿಗೂ ಇರುವ ಭಾವನಾತ್ಮಕ ಸಂಬAಧಗಳನ್ನು ಲಿಂಕ್ ಮಾಡಲು ಪ್ರೋತ್ಸಾಹಿಸಿ. ಇತರೆ ಸಮಾಜದ ಮೌಲ್ಯಗಳು ಹಾಗೂ ನಂಬಿಕೆಗಳ ಬಗ್ಗೆ ತಿಳಿಯಲು ಅವಕಾಶ ನೀಡಿ.

    ಪೋಷಕರು ಮೊದಲು ಕುತೂಹಲದ ಪ್ರಾಮುಖ್ಯತೆಯನ್ನು ಅರ್ಥ ಮಾಡಿಕೊಳ್ಳಬೇಕು. ನಂತರ ಮಕ್ಕಳಲ್ಲಿ ಅದನ್ನು ಬೆಳೆಸುವ ವಿಧಾನಗಳ ಬಗ್ಗೆ ಮತ್ತು ಬೆಳೆಸುವಲ್ಲಿ ತಮ್ಮ ಪಾತ್ರದ ಅವಶ್ಯಕತೆ ಬಗ್ಗೆ ತಿಳಿಯಬೇಕು. ಮೊದಲು ತಾವು ಕುತೂಹಲ ಬೆಳೆಸಿಕೊಂಡು ಮಗುವಿನಲ್ಲಿ ಬೆಳೆಸಲು ಪ್ರಯತ್ನಿಸಬೇಕು. ಉತ್ತಮ ಹಾಗೂ ಅಭಿವೃದ್ದಿಪರ ಸಮಾಜಕ್ಕಾಗಿ ಮಕ್ಕಳ ಕುತೂಹಲ ಭದ್ರಬುನಾದಿ. ಅದನ್ನು ಬೆಳೆಸಲು ಎಲ್ಲರೂ ಶ್ರಮಿಸೋಣ.

ಉನ್ನತ ವ್ಯಾಸಂಗದ ಕನಸು ಶೈಕ್ಷಣಿಕ ಸಾಲದಿಂದ ನನಸು

ದಿನಾಂಕ  19-6-2019ರ ವಿಜಯವಾಣಿಯಲ್ಲಿ ಪ್ರಕಟವಾದ ನನ್ನ ಬರಹ.

 ಉನ್ನತ ವ್ಯಾಸಂಗದ ಕನಸು ಶೈಕ್ಷಣಿಕ ಸಾಲದಿಂದ ನನಸು  

ಭಾರತದ ಶಿಕ್ಷಣ ವ್ಯವಸ್ಥೆ ಅತ್ಯಂತ ತೀಕ್ಷ÷್ಣವಾದುದು. ಕಲೆ, ವಿಜ್ಞಾನ, ಎಂಜಿನಿಯರಿAಗ್, ವೈದ್ಯಕೀಯ, ಸಾಹಿತ್ಯ ಮತ್ತು ಬದುಕಿಗಾಗಿ ಪರ್ಯಾಯ ಶಿಕ್ಷಣ ಇವೆಲ್ಲವೂ ಭಾರತದ ಶಿಕ್ಷಣದ ವಿಶೇಷತೆಗಳು. ಇವುಗಳ ಜೊತೆಗೆ ವಿಶೇಷತೆ ಹೊಂದಿದ ನೂರಾರು ವಿಶ್ವವಿದ್ಯಾಲಯಗಳು ವಿದೇಶಿ ವಿದ್ಯಾರ್ಥಿಗಳನ್ನು ಅಧ್ಯಯನಕ್ಕಾಗಿ ಸೂಜಿಗಲ್ಲಿನಂತೆ ಸೆಳೆಯುತ್ತವೆ. ಏಕೆಂದರೆ ಭಾರತದಲ್ಲಿ ಅಧ್ಯಯನಕ್ಕಾಗಿ ಹಲವಾರು ಆಯ್ಕೆಗಳಿವೆ. 

ವಿಶ್ವದ ಅತ್ಯಂತ ಶ್ರೇಷ್ಠ ಮತ್ತು ಅಭಿವೃದ್ದಿ ಶಿಕ್ಷಣ ಕೇಂದ್ರಗಳಲ್ಲಿ ಭಾರತವೂ ಒಂದು. ಹೊಸ ಹೊಸ ವಿಶ್ವವಿದ್ಯಾಲಯಗಳು ಮತ್ತು ಶೈಕ್ಷಣಿಕ ಸಂಸ್ಥೆಗಳು ವಿವಿಧ ಶಿಕ್ಷಣ ಉಪಕ್ರಮಗಳ ಮೂಲಕ ಶೈಕ್ಷಣಿಕ ಸಮೂಹವನ್ನೇ ಸೃಷ್ಟಿಸಿವೆ. ಆ ಹಿನ್ನೆಲೆಯಲ್ಲಿ ಅಂತರಾಷ್ಟಿçÃಯ ಮಟ್ಟದ ವಿದ್ಯಾರ್ಥಿಗಳು ವೈವಿಧ್ಯಮಯ ಅಧ್ಯಯನಕ್ಕಾಗಿ ಭಾರತದೆಡೆಗೆ ಮುಖಮಾಡುತ್ತಿರುವುದು ಆಶಾದಾಯಕ ಬೆಳವಣಿಗೆ.

ಗುಣಮಟ್ಟದ ಶಿಕ್ಷಣ ಹಾಗೂ ಯಶಸ್ವಿ ಜೀವನ ನಿರ್ವಹಣೆ ಸದುದ್ದೇಶದಿಂದ ಭಾರತದ ಪಾಲಕರು ತಮ್ಮ ಮಕ್ಕಳ ಶಿಕ್ಷಣಕ್ಕಾಗಿ ಹಣವನ್ನು ಬಂಡವಾಳದ ರೂಪದಲ್ಲಿ ವ್ಯಯಮಾಡುತ್ತಿದ್ದಾರೆ. ಒಂದು ಅಧ್ಯಯನದ ಪ್ರಕಾರ ಭಾರತದ ಉನ್ನತ ಶಿಕ್ಷಣದ ಸರಾಸರಿ ವೆಚ್ಚವು ವರ್ಷದಿಂದ ವರ್ಷಕ್ಕೆ ಶೇಕಡಾ 15 ರಷ್ಟು ಹೆಚ್ಚುತ್ತಿದೆ. ಈ ವೆಚ್ಚವನ್ನು ಸರಿದೂಗಿಸಲು ಪಾಲಕರು ಮ್ಯೂಚುವಲ್ ಫಂಡ್, ಆವರ್ತಕ ನಿಧಿಗಳು, ಯುನಿಟ್ ಲಿಂಕ್ಡ್ ಇನ್ಶುರೆನ್ಸ್ ಯೋಜನೆಗಳು ಹಾಗೂ ಷೇರುಗಳಲ್ಲಿ ಹಣವನ್ನು ಹೂಡಿಕೆ ಮಾಡುತ್ತಾರೆ. 

ಭಾರತದ ವಿದ್ಯಾರ್ಥಿಗಳ ಕಲಿಕೆ ಇಡೀ ವಿಶ್ವದಲ್ಲಿಯೇ ಉತ್ತಮವಾದದ್ದು ಎಂಬ ಹೆಗ್ಗಳಿಕೆ ಇದೆ. ಆದರೆ ಬಹುತೇಕ ಭಾರತದ ಪ್ರತಿಭಾನ್ವಿತ ವಿದ್ಯಾರ್ಥಿಗಳ ಶಿಕ್ಷಣದ ಕನಸು ಆರ್ಥಿಕ ಸಂಕಷ್ಟದಲ್ಲಿಯೇ ಕಮರುತ್ತಿದೆ. ಪ್ರತಿಭೆಗಳ ಕನಸನ್ನು ಸಾಕಾರಗೊಳಿಸುವ ಸಲುವಾಗಿಯೇ ಭಾರತದ ಮಾನವ ಸಂಪನ್ಮೂಲ ಇಲಾಖೆ ಹಾಗೂ ಭಾರತದ ಹಣಕಾಸು ಸಂಸ್ಥೆ(ಬ್ಯಾAಕ್)ಗಳು ವಿದ್ಯಾರ್ಥಿಗಳ ಉನ್ನತ ಶಿಕ್ಷಣದ ಕನಸನ್ನು ನನಸಾಗಿಸಲು ಇತ್ತೀಚಿನ ವರ್ಷಗಳಲ್ಲಿ ಹಣಕಾಸು ಸೌಲಭ್ಯ ನೀಡಲು ಮುಂದೆ ಬಂದಿವೆ. ಈ ಹಿನ್ನೆಲೆಯಲ್ಲಿ ಜಾರಿಗೆ ಬಂದ ಸೌಲಭ್ಯವೇ ಶೈಕ್ಷಣಿಕ ಸಾಲ. ಅಂದರೆ ಉನ್ನತ ಶಿಕ್ಷಣದ ಕನಸು ಹೊತ್ತ ವಿದ್ಯಾರ್ಥಿಗಳು ಸೂಕ್ತ ದಾಖಲೆಗಳೊಂದಿಗೆ ಸಮೀಪದ ಬ್ಯಾಂಕ್‌ನಲ್ಲಿ ಸಾಲ ಪಡೆದು, ವಿದ್ಯಾಭ್ಯಾಸ ಪೂರೈಸುವುದು. ನಂತರ ಕನಿಷ್ಠ ಕಂತು ಹಾಗೂ ಕನಿಷ್ಠ ಬಡ್ಡಿ ದರದಲ್ಲಿ ಸಾಲವನ್ನು ಮರುಪಾವತಿಸುವ ಯೋಜನೆ ಇದಾಗಿದೆ. ಶಿಕ್ಷಣ ಸಾಲದ ಪ್ರಮಾಣದಲ್ಲಿ ನಿರ್ಧಿಷ್ಟತೆ ಇಲ್ಲ. ಎಂಜಿನಿಯರಿAಗ್, ವೈದ್ಯಕೀಯ, ಕಾನೂನು, ಮ್ಯಾನೇಜ್‌ಮೆಂಟ್ ಕೋರ್ಸ್ಗಳು, ವಾಯುಯಾನ, ಇತ್ಯಾದಿ ಸಾಂಪ್ರದಾಯಿಕ ಮತ್ತು ಸಾಂಪ್ರದಾಯಿಕವಲ್ಲದ 180ಕ್ಕೂ ಹೆಚ್ಚು ಕೋರ್ಸ್ಗಳಿಗಾಗಿ ಭಾರತದಲ್ಲಿ ಉತ್ತಮ ಸಾಲ ಸೌಲಭ್ಯಗಳನ್ನು ವಿನ್ಯಾಸ ಮಾಡಲಾಗಿದೆ. ಆಸಕ್ತರು ಅನುಕೂಲವಾಗುವಂತಹ ಯೋಜನೆಯನ್ವಯ ಸಾಲ ಪಡೆಯಬಹುದು.

ಶಿಕ್ಷಣ ಸಾಲ ಏನನ್ನು ಒಳಗೊಂಡಿದೆ? : ಶೈಕ್ಷಣಿಕ ಸಾಲವು ಕೋರ್ಸ್ಗೆ ಸಂಬAಧಿತ ಎಲ್ಲಾ ಶುಲ್ಕಗಳನ್ನು ಅಂದರೆ ಕಾಲೇಜು/ವಿಶ್ವವಿದ್ಯಾಲಯದ ಮೂಲಭೂತ ಶುಲ್ಕ, ಹಾಸ್ಟಲ್ ಶುಲ್ಕ, ಪರೀಕ್ಷಾ ಶುಲ್ಕ, ಕೋರ್ಸ್ಗೆ ಸಂಬAಧಿತ ಪರಿಕರಗಳ ಶುಲ್ಕವನ್ನು ಒಳಗೊಂಡಿರುತ್ತದೆ. 

ಯಾರಿಗೆ ಎಷ್ಟು ಸಾಲ? : ಭಾರತದಲ್ಲಿ ಅಥವಾ ವಿದೇಶಗಳಲ್ಲಿ ಅಧ್ಯಯನ ಮಾಡಬಯಸಿದ ಪ್ರತಿಭಾವಂತ ವಿದ್ಯಾರ್ಥಿಗಳೆಲ್ಲರೂ ಈ ಸಾಲ ಪಡೆಯಬಹುದು. ಸಾಲದ ಮೊತ್ತವು ಅರ್ಜಿದಾರರು ವ್ಯಾಸಂಗ ಮಾಡುವ ಕೋರ್ಸ್ ಹಾಗೂ ಸ್ಥಳವನ್ನಾಧರಿಸಿರುತ್ತದೆ. ಕೆಲವು ಬ್ಯಾಂಕ್‌ಗಳು ಶೇಕಡಾ 100 ರಷ್ಟು ಸಾಲ ನೀಡುತ್ತವೆ ಹಾಗೂ ಕೆಲವು ಬ್ಯಾಂಕ್‌ಗಳು ಶೇಕಡಾ90 ರಷ್ಟು ಮಾತ್ರ ನೀಡುತ್ತವೆ. ಉಳಿದ ಮೊತ್ತವನ್ನು ಅರ್ಜಿದಾರರೇ ಹೊಂದಾಣಿಕೆ ಮಾಡಿಕೊಳ್ಳಬೇಕಾಗುತ್ತದೆ. ಸ್ವದೇಶಿ ಹಾಗೂ ವಿದೇಶಿ ಸಾಲದ ಮೊತ್ತವು ಬ್ಯಾಂಕ್‌ನಿAದ ಬ್ಯಾಂಕಿಗೆ ವಿಭಿನ್ನವಾಗಿರುತ್ತದೆ.

ಅರ್ಹತೆ ಮತ್ತು ದಾಖಲೆಗಳು : ಸಾಲಕ್ಕಾಗಿ ಅರ್ಜಿ ಸಲ್ಲಿಸುವ ಅಭ್ಯರ್ಥಿ ಭಾರತೀಯ ನಾಗರೀಕನಾಗಿರಬೇಕು. ಓದಲು ಬಯಸಿದ ಕಾಲೇಜು/ವಿಶ್ವವಿದ್ಯಾಲಯ ಅರ್ಹ ಪ್ರಾಧಿಕಾರದಿಂದ ಅಂಗೀಕೃತವಾಗಿರಬೇಕು. ಅರ್ಜಿದಾರರು ಕೋರ್ಸ್ ಸಂಬAಧಿತ ಪೂರ್ವ ಶಿಕ್ಷಣವನ್ನು ಪೂರ್ಣಗೊಳಿಸಿರಬೇಕು. ಆರ್ಥಿಕವಾಗಿ ಹಾಗೂ ಸಾಮಾಜಿಕವಾಗಿ ಹಿಂದುಳಿದ ಬಗ್ಗೆ ಅಧಿಕೃತ ಪ್ರಮಾಣ ಪತ್ರ ಸಲ್ಲಿಸಬೇಕು. ವಿಳಾಸ ಪುರಾವೆಗಾಗಿ ಆಧಾರ್/ವೋಟರ್ ಐ.ಡಿ, ಅರ್ಜಿದಾರರು/ಪೋಷಕರು/ಜಾಮೀನುದಾರರ ಆರು ತಿಂಗಳ ಬ್ಯಾಂಕ್ ವಹಿವಾಟಿನ ಮಾಹಿತಿ, ವಿದೇಶ ವ್ಯಾಸಂಗ ಸಾಲಕ್ಕೆ ಸೂಕ್ತ ದಾಖಲೆಗಳಾದ ಪಾಸ್‌ಪೋರ್ಟ್, ವೀಸಾ, ಸೂಕ್ತ ಆರ್ಥಿಕ ಹಾಗೂ ಸೇವಾ ಭದ್ರತೆ ದಾಖಲೆಗಳು, ಪ್ಯಾನ್ ಕಾರ್ಡ್, ಕರಾರು ಪತ್ರ ಇತ್ಯಾದಿ.

ಶೈಕ್ಷಣಿಕ ಸಾಲದ ವೈಶಿಷ್ಠö್ಯತೆಗಳು ಮತ್ತು ಪ್ರಯೋಜನಗಳು : 

• ಸಾಲವು ಸಾರ್ವತ್ರಿಕವಾಗಿ ಲಭ್ಯವಿದ್ದು, ಉನ್ನತ ಶಿಕ್ಷಣ ಪಡೆಯಲಿಚ್ಛಿಸುವ ಯಾರು ಬೇಕಾದರೂ ಈ ಸೌಲಭ್ಯ ಪಡೆಯಬಹುದು.

• ಸ್ವದೇಶ ಮತ್ತು ವಿದೇಶದಲ್ಲಿ ಪದವಿ ಮತ್ತು ಸ್ನಾತಕ, ವೃತ್ತಿಪರ ಶಿಕ್ಷಣ ಕೋರ್ಸ್ಗಳಿಗೆ ಸಾಲ ಸಿಗುತ್ತದೆ.

• ಸಾಲದ ಪ್ರಮಾಣ ಕನಿಷ್ಠ 2 ಲಕ್ಷದಿಂದ 15 ಲಕ್ಷದವರೆಗೂ ದೊರೆಯುತ್ತದೆ. ಬ್ಯಾಂಕ್ ಹಾಗೂ ಕೋರ್ಸ್ಗಳ ಆಧಾರದ ಮೇಲೆ ಮೊತ್ತ ಬದಲಾಗುತ್ತದೆ.

• ಅರ್ಜಿದಾರರ ಕುಟುಂಬದ ವಾರ್ಷಿಕ ಆದಾಯ ಸಾಲದ ಮೊತ್ತಕ್ಕೆ ಪ್ರಮುಖ ನಿರ್ಣಾಯಕವಾಗಿದೆ. ಸಾಮಾನ್ಯವಾಗಿ ಮಹಿಳಾ ವಿದ್ಯಾರ್ಥಿಗಳಿಗೆ ರಿಯಾಯಿತಿ ಹೆಚ್ಚು ಹಾಗೂ ಬಡ್ಡಿ ದರ ಕಡಿಮೆ.

• ಆರ್ಥಿಕವಾಗಿ ಹಾಗೂ ಸಾಮಾಜಿಕವಾಗಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ಕೋರ್ಸ್ಗೆ ಅನುಗುಣವಾಗಿ ಸರ್ಕಾರದ ಸಬ್ಸಿಡಿ ದೊರೆಯುತ್ತದೆ.

• ಅರ್ಜಿದಾರರು ಸಾಲವನ್ನು ತಕ್ಷಣವೇ ಮರುಪಾವತಿ ಮಾಡಬೇಕಾದ ಭಯವಿಲ್ಲ. ಕೋರ್ಸ್ ಪೂರ್ಣಗೊಂಡ 5 ರಿಂದ 7 ವರ್ಷದವರೆಗೆ ಸಾಲ ಮರುಪಾವತಿಸಲು ಅವಕಾಶ ಇರುತ್ತದೆ. 

• ಸಾಮಾನ್ಯವಾಗಿ 4 ಲಕ್ಷಕ್ಕಿಂತ ಕಡಿಮೆ ಸಾಲಕ್ಕೆ ಸುರಕ್ಷತೆ ಅಥವಾ ಜಾಮೀನಿನ ಅಗತ್ಯವಿಲ್ಲ.

• ಯೋಜನೆ ಮತ್ತು ಪ್ರಯೋಜನಗಳು ಬ್ಯಾಂಕ್‌ನಿAದ ಬ್ಯಾಂಕ್‌ಗೆ ಬದಲಾಗುತ್ತವೆ.

ಕೋಲ್ಯಾಟರಲ್ ರೂಲ್ಸ್ನ ಅನ್ವಯಿಕೆ : ಶಿಕ್ಷಣ ಸಾಲಕ್ಕೆ ಯಾವುದೇ ವಿಧವಾದ ಸ್ಥಿರಾಸ್ತಿ ಅಥವಾ ಚರಾಸ್ತಿಯ ಭದ್ರತೆಯನ್ನು ಮೇಲಾಧಾರವಾಗಿ ನೀಡುವುದೇ ಕೊಲ್ಯಾಟರಲ್ ರೂಲ್ಸ್ ಆಗಿದೆ. ಇದು ಸಾಲ ಮರುಪಾವತಿಯ ವಿಳಂಬ ಹಾಗೂ ಅಪಾಯಗಳನ್ನು ಕಡಿಮೆ ಮಾಡುತ್ತದೆ. ಕೆಲವು ವೇಳೆ ನೀಡುವ ಸಾಲದ ಮೊತ್ತ ಅಧಿಕವಾಗಿದ್ದಾಗ ಅದರ ಮರುಪಾವತಿ ವ್ಯವಸ್ಥೆ ವಿದ್ಯಾರ್ಥಿ/ಪಾಲಕರಿಗೆ ಸಮಸ್ಯೆಯಾಗುತ್ತದೆ. ಇದನ್ನು ತಪ್ಪಿಸಲು ಬ್ಯಾಂಕ್‌ನವರು ಕೋಲ್ಯಾಟರಲ್ ನಿಯಮವನ್ನು ಅನುಸರಿಸುತ್ತಾರೆ. ನಾಲ್ಕು ಲಕ್ಷದವರೆಗಿನ ಸಾಲಕ್ಕೆ ಯಾವುದೇ ಭದ್ರತೆ ಅವಶ್ಯಕತೆ ಇಲ್ಲ. ನಾಲ್ಕರಿಂದ ಏಳುವರೆ ಲಕ್ಷದವರೆಗೆ ಮೂರನೇ ವ್ಯಕ್ತಿಯ ಜಾಮೀನಿನೊಂದಿಗೆ ಸಾಲ ಪಡೆಯಬಹುದು. ಅದಕ್ಕೂ ಹೆಚ್ಚಿನ  ಸಾಲದ ಮೊತ್ತಕ್ಕೆ ಮಾತ್ರ ಕೋಲ್ಯಾಟರಲ್ ರೂಲ್ಸ್ ಪ್ರಕಾರ ಮೇಲಾಧಾರ ಭದ್ರತೆ ನೀಡಬೇಕಾಗುತ್ತದೆ. ಅದಕ್ಕಾಗಿ ಅರ್ಜಿದಾರರು ಯಾವುದೇ ವಿಧವಾದ ಸ್ಥಿರಾಸ್ತಿ ಅಂದರೆ ಮನೆ, ನಿವೇಶನ, ವಾಣಿಜ್ಯ ಕಟ್ಟಡಗಳು, ಮಾಲ್‌ಗಳನ್ನು ಭದ್ರತೆಗೆ ನೀಡಬೇಕಾಗುತ್ತದೆ. ಚರಾಸ್ಥಿಗಳಾದ ಭಾರಿ ವಾಹನಗಳು, ಎಫ್ಡಿ, ಚಿನ್ನ, ಮ್ಯೂಚುವಲ್ ಫಂಡ್ಸ್, ಷೇರುಗಳು, ಜೀವ ವಿಮಾ ಪಾಲಸಿ, ಬ್ಯಾಂಕ್ ಠೇವಣಿಗಳು, ಡಿಬೆಂಚರ್‌ಗಳು, ಬಾಂಡ್‌ಗಳು ಇತ್ಯಾದಿಗಳನ್ನು ನೀಡಬಹುದಾಗಿದೆ. ಆದರೆ ಕೃಷಿ ಜಮೀನು ಎಂದಿಗೂ ಮೇಲಾಧಾರವಾಗಿ ಅಂಗೀಕೃತವಾಗುವುದಿಲ್ಲ. 

ಶೈಕ್ಷಣಿಕ ಸಾಲ ನೀಡುವ ಬ್ಯಾಂಕ್‌ಗಳು:

• ಅಲಹಬಾದ್ ಬ್ಯಾಂಕ್

• ಆAದ್ರöಬ್ಯಾAಕ್

• ಬ್ಯಾAಕ್ ಆಫ್ ಬರೋಡಾ

• ಬ್ಯಾಂಕ್ ಆಫ್ ಇಂಡಿಯಾ

• ಕೆನರಾ ಬ್ಯಾಂಕ್

• ಕಾರ್ಪೋರೇಷನ್ ಬ್ಯಾಂಕ್

• ಇAಡಿಯನ್ ಓವರ್‌ಸೀಸ್ ಬ್ಯಾಂಕ್

• ಪAಜಾಬ್ ನ್ಯಾಶನಲ್ ಬ್ಯಾಂಕ್

• ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ

• ಸಿAಡಿಕೇಟ್ ಬ್ಯಾಂಕ್

• ಯುಕೋ ಬ್ಯಾಂಕ್

• ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ

• ವಿಜಯ ಬ್ಯಾಂಕ್

ಒಪ್ಪAದವನ್ನು ಎಚ್ಚರಿಕೆಯಿಂದ ಓದಿ: ಬಹುತೇಕರು ಸಾಲ ಪಡೆಯುವಾಗ ಹಣಕಾಸು ಸಂಸ್ಥೆಯವರು ಎಲ್ಲೆಲ್ಲಿ ಸಾಹಿ ಹಾಕಲು ತಿಳಿಸುತ್ತಾರೋ ಅಲ್ಲೆಲ್ಲಾ ಸಹಿ ಹಾಕುತ್ತಾರೆ. ಓದದೇ ಸಹಿ ಹಾಕುವುದು ತಪ್ಪು. ನಿಮಗೆ ನೀಡಿದ ಅರ್ಜಿ ಹಾಗೂ ಒಪ್ಪಂದ ಪತ್ರವನ್ನು ಕೂಲಂಕಷವಾಗಿ ಓದಿ ಸರಿ ಎನಿಸಿದರೆ ಸಹಿ ಹಾಕಿ. ಯಾವುದೇ ಪದ ಅಥವಾ ವಿಷಯದ ಕುರಿತು ಸಂದೇಹಗಳಿದ್ದರೆ ಬ್ಯಾಂಕ್‌ನ ಪ್ರತಿನಿಧಿ ಅಥವಾ ಸಂಬAಧಿಸಿದ ಅಧಿಕಾರಿಗಳೊಂದಿಗೆ ಮಾತನಾಡಿ ಸಮಸ್ಯೆ ಪರಿಹರಿಸಿಕೊಳ್ಳಿ.

ಸಾಲ ಪಡೆಯುವ ಮುನ್ನ : ಸಾಲ ಪಡೆಯುವ ಮುನ್ನ ಸಾಲದ ಮೊತ್ತವನ್ನು ಮರುಪಾವತಿಸುವ ಯೋಜನೆ ಇದ್ದರೆ ಒಳಿತು. ಸಾಲ ಮರುಪಾವತಿಯಾಗದಿದ್ದರೆ ಹಣಕಾಸು ಸಂಸ್ಥೆಯವರ ಕಿರುಕುಳ ಎದುರಿಸಬೇಕಾಗುತ್ತದೆ. ಅಲ್ಲದೇ ನೀಡಿದ ಜಾಮೀನುದಾರರು ತೊಂದರೆಗೆ ಒಳಗಾಗುತ್ತಾರೆ. ಅಲ್ಲದೇ ನೀಡಿದ ಮೇಲಾಧಾರ ಭದ್ರತೆಗೆ ನೀಡಿದ ಆಸ್ತಿಯೂ ಮುಟ್ಟುಗೋಲಾಗುವ ಸಂಭವ ಇರುತ್ತದೆ. ಆದ್ದರಿಂದ ಸಾಲ ಪಡೆಯುವಾಗಿನ ಖುಷಿಯು ತೀರಿಸುವಾಗಲೂ ಇದ್ದರೆ ಒಳಿತು. ಕೆಲವು ವ್ಯಕ್ತಿಗಳು ಮತ್ತು ಸಂಸ್ಥೆಗಳು ತಾವು ಶೈಕ್ಷಣಿಕ ಸಾಲ ಕೊಡಿಸುವುದಾಗಿ ನಿಮ್ಮಿಂದ ನಿಗದಿತ ಮೊತ್ತ ಕಸಿಯಬಹುದು. ಇಂತಹ ವ್ಯಕ್ತಿಗಳಿಂದ ಮೋಸಹೋಗಬೇಡಿ.

ವಿದ್ಯಾಲಕ್ಷಿö್ಮ ಪೋರ್ಟಲ್ : ಶೈಕ್ಷಣಿಕ ಸಾಲ ಪಡೆಯುವವರು ಬ್ಯಾಂಕ್‌ಗಳಿಗೆ ಅಲೆದಾಡುವುದನ್ನು ತಪ್ಪಿಸಲು ಮತ್ತು ಇನ್ನಿತರೇ ಸಾಲ ಸಂಬAಧಿತ ಮಾಹಿತಿಗಾಗಿ “ವಿದ್ಯಾಲಕ್ಷಿö್ಮ ಪೋರ್ಟಲ್” ರೂಪುಗೊಂಡಿದೆ. ಭಾರತೀಯ ಹಣಕಾಸು ಸಚಿವಾಲಯ, ಉನ್ನತ ಶಿಕ್ಷಣ ಇಲಾಖೆ(ಮಾನವ ಸಂಪನ್ಮೂಲ ಅಭಿವೃದ್ದಿ ಸಚಿವಾಲಯ ಹಾಗೂ ಭಾರತೀಯ ಬ್ಯಾಂಕುಗಳ ಸಂಘದ ಮಾರ್ಗದರ್ಶನದಲ್ಲಿ ಈ ಪೋರ್ಟಲ್ ಕಾರ್ಯನಿರ್ವಹಿಸುತ್ತದೆ. ಸಾಲಕ್ಕಾಗಿ ಅರ್ಜಿ ಸಲ್ಲಿಸಬಯಸುವವರಿಗೆ ಈ ಪೋರ್ಟಲ್ ಗೇಟ್ ವೇ ಇದ್ದಂತೆ. ಇದರಲ್ಲಿ ಭಾರತದ ಬಹುತೇಕ ಬ್ಯಾಂಕ್‌ಗಳ ಶೈಕ್ಷಣಿಕ ಸಾಲದ ಮಾಹಿತಿ ಇದೆ. ಸಾಲದ ಅರ್ಜಿ ಸಲ್ಲಿಕೆಯಿಂದ ಸಾಲ ಮಂಜೂರಾತಿ ಹಾಗೂ ಮರುಪಾವತಿವರೆಗಿನ ಎಲ್ಲಾ ಮಾಹಿತಿಯನ್ನು ಟ್ರಾö್ಯಕ್ ಮಾಡುವ ಸೌಲಭ್ಯವನ್ನು ಈ ಪೋರ್ಟಲ್ ಹೊಂದಿದೆ. ವಿವರಗಳಿಗೆ ತಿತಿತಿ.viಜಥಿಚಿಟಚಿಞshmi.ಛಿo.iಟಿ ನ್ನು ವೀಕ್ಷಿಸಿ.

ಮನೆಯಲ್ಲಿರಲಿ ಮಗುಸ್ನೇಹಿ ಕಲಿಕಾ ವಾತಾವರಣ

 ದಿನಾಂಕ 19-6-2019ರ ಪ್ರಜಾವಾಣಿ ಯಲ್ಲಿ ಪ್ರಕಟವಾದ ನನ್ನ ಬರಹ

ಮನೆಯಲ್ಲಿರಲಿ ಮಗುಸ್ನೇಹಿ ಕಲಿಕಾ ವಾತಾವರಣ

    ಶಿಕ್ಷಣ ಕ್ಷೇತ್ರದಲ್ಲಿ ಮಕ್ಕಳು ಪ್ರಮುಖ ಭಾಗೀದಾರರು. ಮಕ್ಕಳಿಗೆ ಅರ್ಥಪೂರ್ಣ ಶಿಕ್ಷಣವನ್ನು ಕೊಡಬೇಕಾದರೆ ಅವರನ್ನು ಸರಿಯಾಗಿ ಅರ್ಥಮಾಡಿಕೊಳ್ಳುವುದು ತುಂಬಾ ಅವಶ್ಯಕವಾಗಿದೆ. ಶಿಕ್ಷಣ ಕ್ಷೇತ್ರದಲ್ಲಿ ಯಾವುದೇ ಚರ್ಚೆ ಸಂವಾದಗಳು ನಡೆಯುವಾಗ ಮಕ್ಕಳ ವಿಚಾರ ಹೆಚ್ಚಿನ ಪ್ರಾಮುಖ್ಯತೆ ಪಡೆಯುತ್ತದೆ. ಮಕ್ಕಳ ಬಗೆಗಿನ ಕಲ್ಪನೆ, ಮಕ್ಕಳ ಸಾಮರ್ಥ್ಯಗಳನ್ನು ಅರ್ಥಮಾಡಿಕೊಳ್ಳುವುದು, ಮಕ್ಕಳ ಬೆಳವಣಿಗೆ ಹಾಗೂ ಕಲಿಕೆಯನ್ನು  ಪ್ರೇರೇಪಿಸುವ ಅಂಶಗಳ ಬಗ್ಗೆ ಪ್ರತಿಯೊಬ್ಬರೂ ತಿಳಿದುಕೊಳ್ಳಬೇಕಾದ ಅವಶ್ಯಕತೆ ಇದೆ. 

    ಮಗು ಕೇವಲ ಶಾಲೆಯಲ್ಲದೇ ಮನೆಯ ವಾತಾವರಣದಲ್ಲಿಯೂ ಕಲಿಯುತ್ತದೆ. ಮಗುವಿನ ಕಲಿಕಾ ವಾತಾವರಣವು ಮಗುವಿನ ತಕ್ಷಣದ ಸುತ್ತಮುತ್ತಲಿನ ವಾತಾವರಣದಲ್ಲಿ ನಡೆಯುವ ಅನೌಪಚಾರಿಕ ಕಲಿಕಾ ಪ್ರಕ್ರಿಯೆಗಳ ಮೇಲೆ ಅವಲಂಬಿತವಾಗಿರುತ್ತದೆ. ಸಮಾಜದಲ್ಲಿ ನಡೆಯುತ್ತಿರುವ ಎಲ್ಲಾ ಬದಲಾವಣೆಗಳು ಸಹ ಮಕ್ಕಳ ಮೇಲೆ ಗಂಭೀರವಾದ ಪರಿಣಾಮ ಬೀರುತ್ತಿವೆ. ಆದಕಾರಣ ಪಾಲಕರು ಮಗುವಿನ ಮಗುವಿನ ಕಲಿಕಾ ಪರಿಸರವನ್ನು ಅರ್ಥಮಾಡಿಕೊಳ್ಳುವುದು ಅತ್ಯವಶ್ಯಕವಾಗಿದೆ. ಬಹು ಮುಖ್ಯವಾಗಿ ಮಗುವಿನ ಬಾಲ್ಯವು ಹೆಚ್ಚು ಸಂಕೀರ್ಣವಾಗಿದ್ದು ಬದಲಾವಣೆಯಾಗುತ್ತಲೇ ಇದೆ. ಸಮಾಜದ ಎಲ್ಲಾ ಸಂಕೀರ್ಣ ಬದಲಾವಣೆಗಳು ಮಗುವಿನ ಕಲಿಕಾ ಸಾಮರ್ಥ್ಯ ಹಾಗೂ ಅನಾವರಣಗೊಳ್ಳುವ ಸಾಮರ್ಥ್ಯಗಳ ಮೇಲೆ ಹೆಚ್ಚಾಗಿ ಪರಿಣಾಮ ಬೀರುತ್ತವೆ. 

    ಮಗುವನ್ನು ಅರ್ಥ ಮಾಡಿಕೊಳ್ಳುವುದು ತುಂಬಾ ತ್ರಾಸದಾಯಕ ಕೆಲಸ. ಮಗುವೊಂದನ್ನು ಸಮಾಜದ ಉತ್ತಮ ವ್ಯಕ್ತಿಯನ್ನಾಗಿ ರೂಪಿಸುವುದು ತುಂಬಾ ಕಷ್ಟದ ಕೆಲಸ. ಏಕೆಂದರೆ ಪ್ರತೀ ಮಗುವೂ ಅನನ್ಯ. ಪ್ರತೀ ಮಗುವಿನ ಕಲಿಕಾ ವಿಧಾನ, ವೇಗ ಮತ್ತು ಗ್ರಹಿಕೆಗಳು ವಿಭಿನ್ನವಾಗಿರುತ್ತವೆ. ಇದನ್ನು ಆಧರಿಸಿ ಮನೋವಿಜ್ಞಾನಿಗಳು ಅನೇಕ ಕಲಿಕಾ ಸಿದ್ದಾಂತಗಳನ್ನು ರೂಪಿಸಿದ್ದಾರೆ. 

ಮಗುಸ್ನೇಹಿ ವಾತಾವರಣ ಏಕೆ?

    ಮಗುವಿನ ಸಾಮರ್ಥ್ಯಗಳು, ಆಸಕ್ತಿಯ ಕ್ಷೇತ್ರಗಳು, ಕಲಿಕಾ ಶೈಲಿ ಮತ್ತು ಮಗುವಿನ ಅಗತ್ಯತೆಗಳು ಕಲಿಕೆಯ ಮೇಲೆ ಪ್ರಭಾವ ಬೀರುತ್ತವೆ. ಆದ್ದರಿಂದ ಪಠ್ಯಕ್ರಮ, ಕಲಿಕಾ ವಿಧಾನಗಳು, ಕಲಿಕಾ ಚಟುವಟಿಕೆಗಳು, ಮತ್ತು ಕಲಿಕೆಯ ವಾತಾವರಣಗಳು ಮಗುಸ್ನೇಹಿಯಾಗಿದ್ದಾಗ ಕಲಿಕೆಯು ಸುಗಮವಾಗುತ್ತದೆ ಎಂಬುದು ಶಿಕ್ಷಣ ತಜ್ಞರ ಅಭಿಮತವಾಗಿದೆ. ರೂಸೋ, ಪ್ರೊಬೆಲ್, ಪೆಸ್ಟಾಲಜಿ, ಜಾನ್‌ಡ್ಯೂಯಿ, ಜಾನ್‌ಪಿಯಾಜೆ, ರವೀಂದ್ರನಾಥ ಠ್ಯಾಗೋರ್ ಮುಂತಾದ ಶಿಕ್ಷಣ ತಜ್ಞರು ಮಗುಸ್ನೇಹಿ ಕಲಿಕಾ ವಾತಾವರಣದ ಅಗತ್ಯತೆಯನ್ನು ಅರಿತು ಅದನ್ನು ತಮ್ಮ ಪ್ರಯೋಗಗಳಲ್ಲಿ ಸಾಧಿಸಿ ತೋರಿಸಿದ್ದಾರೆ. 

    ಮಗುಸ್ನೇಹಿ ವಾತಾವರಣವು ಮಗು ಸ್ವಂತAತ್ರವಾಗಿ ಕಲಿಕೆಯಲ್ಲಿ ತೊಡಗುವಂತೆ ಮಾಡುತ್ತದೆ. ಮಗುವಿನ ಭೌತಿಕ, ಬೌದ್ದಿಕ, ಸಾಮಾಜಿಕ ಮತ್ತು ನೈತಿಕ ಬೆಳವಣಿಗೆಗೆ ಆಧ್ಯತೆ ನೀಡುವುದು ಪ್ರತಿಯೊಬ್ಬ ಪಾಲಕರ ಜವಾಬ್ದಾರಿ. ಎಲ್ಲಾ ಆಯಾಮಗಳಲ್ಲಿ ಮಗು ಅಭಿವೃದ್ದಿ ಹೊಂದಿದಾಗ ಸರ್ವತೋಮುಖ ಬೆಳವಣಿಗೆಯಾಗಿದೆ ಎನ್ನುತ್ತೇವೆ. ಇದು ಮುಖ್ಯವಾಗಿ ಭಯರಹಿತ ಮುಕ್ತ ವಾತಾವರಣವನ್ನು ಅವಲಂಬಿಸಿದೆ. 

    ಮಕ್ಕಳಲ್ಲಿನ ಸಾಮಾನ್ಯ ಗುಣಲಕ್ಷಣಗಳೆಂದರೆ  ಮೇರೆ ಇಲ್ಲದ ಕುತೂಹಲ, ಸ್ವಾತಂತ್ರ‍್ಯದ ಹಂಬಲ, ಅನ್ವೇಷಣೆ ಅಥವಾ ಪ್ರಯೋಗ ನಡೆಸಬೇಕೆಂಬ ಅಗತ್ಯತೆ ಹಾಗೂ ಎಲ್ಲವನ್ನೂ ತಾನೇ ಮಾಡಬೇಕೆಂಬ ತುಡಿತ. ಮಗುವಿನ ಬಗ್ಗೆ ಪಾಲಕರಿಗೆ ಸೂಕ್ತ ಕಾಳಜಿ ಇರಬೇಕು. ಮಗು ಅನ್ವೇಷಣೆ ಮಾಡಲು, ತಾನೇ ಸ್ವತಃ ಕೆಲಸ ಕಾರ್ಯಗಳನ್ನು ಮಾಡಲು ಬಿಡಬೇಕು. ಮಗುವಿನ ಸಂಕಲ್ಪ ಶಕ್ತಿ ಹಾಗೂ ನಿರ್ಧಾರಗಳಿಗೆ ಮನ್ನಣೆ ನೀಡಬೇಕು. ಹಾಗೆಯೇ ಮಗುವಿನ ಸಾಮರ್ಥ್ಯದ ಬಗ್ಗೆ ಗೌರವ ಇರಬೇಕು. ಪಾಲಕರು ಮಕ್ಕಳಿಗೆ ಮುಕ್ತ ಅವಕಾಶ ಒದಗಿಸಬೇಕು ಮತ್ತು ಮಗುವು ಅಪಾಯಕಾರಿಯಲ್ಲದ ಸವಾಲುಗಳು ಮತ್ತು ಸಾಹಸಗಳಿಗೆ ಮಾತ್ರ ಕೈ ಹಾಕುವಂತೆ ನೋಡಿಕೊಳ್ಳಬೇಕು.  

    ಮನೆಯಲ್ಲದೆ, ಮಗುವಿಗೆ ದೊರೆಯುವ ಇನ್ನೊಂದು ಪರಿಸರವೆಂದರೆ ಶಾಲೆ.  ಮನೆಗೂ ಶಾಲೆಗೂ ವ್ಯತ್ಯಾಸವಿದೆ. ಶಾಲೆಯಲ್ಲಿ ಶಿಕ್ಷಕರ ಬೋಧನಾ ಶೈಲಿಗೂ, ಮನೆಯಲ್ಲಿ ಪಾಲಕರು ಹೇಳುವ ಶೈಲಿಗೂ ವ್ಯತ್ಯಾಸ ಇರಬಹುದು. ಆದರೆ ಶಾಲೆಯಲ್ಲಿನ ಕಲಿಕಾ ಪರಿಸರದಂತೆ ಮನೆಯಲ್ಲಿಯೂ ಕಲಿಕಾ ಪರಿಸರ ನಿರ್ಮಿಸಿದರೆ ಖಂಡಿತವಾಗಿ ಮಗುವು ಹೆಚ್ಚು ಆಸಕ್ತಿಯಿಂದ ಕಲಿಕೆಯಲ್ಲಿ ಮುನ್ನುಗ್ಗುತ್ತದೆ.  ಶಾಲೆಯಲ್ಲಿ ಶಿಕ್ಷಕರು ಮತ್ತು ಮಗುವಿನ ಸಂಬAಧಕ್ಕೂ, ಮನೆಯಲ್ಲಿನ ಮಕ್ಕಳು ಮತ್ತು ಹಿರಿಯರ ಸಂಬAಧಕ್ಕೂ ಬಹಳ ಭಿನ್ನತೆ ಇರುತ್ತದೆ.  ಅದೇ ರೀತಿ ಮಗುವಿನ ಬಗ್ಗೆ ಅವರು ತೋರುವ ಕಾಳಜಿಯೂ ಬಹಳ ಭಿನ್ನವಾಗಿರುತ್ತದೆ.  

    ಶಾಲೆಯಲ್ಲಿ ದೊರಕುವ ಸಮಯ ಮತ್ತು ಅವಕಾಶಗಳು ಸೀಮಿತ.  ಪ್ರತಿಯೊಂದು ಮಗುವು ಏನನ್ನು  ಅನ್ವೇಷಣೆ ಮಾಡಲು ಇಚ್ಛಿಸುತ್ತದೋ ಅದನ್ನೆಲ್ಲಾ  ಅನ್ವೇಷಿಸಲು ಅಥವಾ ಏನೇನು ಕಲಿಯಲು ಇಚ್ಛಿಸುತ್ತದೆಯೋ ಅದನ್ನು ಕಲಿಯಲು ಮನೆಯಲ್ಲಿ ಅವಕಾಶ ಮಾಡಿಕೊಡುವುದು ಸಾಧ್ಯವಿಲ್ಲ. ಶಾಲೆಯ ಸಂದರ್ಭದಲ್ಲಿ ಮಕ್ಕಳ ಗುಣಲಕ್ಷಣಗಳನ್ನು ಅರ್ಥೈಸಿಕೊಳ್ಳುವ ಹಿನ್ನಲೆಯನ್ನು ಪಾಲಕರು ಅರಿಯಬೇಕಿದೆ. ಆಗ ಮಾತ್ರ ಕೌಟುಂಬಿಕ ವಾತಾವರಣದಲ್ಲಿ ಮಗುಸ್ನೇಹಿ ವಾತಾವರಣ ನಿರ್ಮಾಣವಾಗುವ ಸಾಧ್ಯತೆ ಇದೆ. ಕೆಳಗಿನ ಒಂದಿಷ್ಟು ತಂತ್ರಗಳನ್ನು ಮನೆಯಲ್ಲಿ ಅನುಸರಿಸುವ ಮೂಲಕ ಮಗುಸ್ನೇಹಿ ವಾತಾವರಣ ನಿರ್ಮಿಸಬಹುದು.

ಹೀಗಿರಲಿ ಶಾಲೆಯಲ್ಲಿ ಮಗುಸ್ನೇಹಿ ವಾತಾವರಣ

• ಪ್ರತೀ ಕುಟುಂಬದಲ್ಲೂ ತರಬೇತಿ ಪಡೆದ ಮಕ್ಕಳ ಆಪ್ತ ಸಲಹೆಗಾರರಿರಬೇಕು. ಇವರು ಆ ಕುಟಂಬದ ಸದಸ್ಯರು ಅಗಿದ್ದರೆ ಒಳಿತು. ಮಗುವಿನ ಸಮಸ್ಯೆಯ ಕುರಿತು ಅಗತ್ಯವಿರುವ ಆಪ್ತ ಸಲಹೆ ನೀಡುವಂತಿರಬೇಕು. 

• ಪಾಲಕರು ಆಗಾಗ್ಗೆ ಶಾಲೆಗೆ ಭೇಟಿ ನೀಡಬೇಕು. ಮಗುವಿನ ತರಗತಿಯ ಪ್ರಗತಿ ಮಾತ್ರವಲ್ಲದೇ ಸರ್ವಾಂಗೀಣ ಅಭಿವೃದ್ದಿಯ ಬಗ್ಗೆ ಶಿಕ್ಷಕರೊಂದಿಗೆ ಸಮಾಲೋಚನೆ ಮಾಡಬೇಕು. 

• ಕುಟುಂಬದ ಅಭಿವೃದ್ದಿಗೆ ಸಂಬAಧಿಸಿದ ಕೌಟುಂಬಿಕ ಚರ್ಚೆಯಲ್ಲಿ ಮಕ್ಕಳನ್ನು ಸೇರಿಸಿಕೊಳ್ಳಬೇಕು. ಇದರಿಂದ ಅವರಿಗೂ ಒಂದಿಷ್ಟು ಜವಾಬ್ದಾರಿಗಳು ಅರ್ಥವಾಗುತ್ತವೆ. ಜೊತೆಗೆ ಅವರ ಪಾತ್ರಗಳ ಸ್ಪಷ್ಟ ಅರಿವು ಉಂಟಾಗುತ್ತದೆ. 

• ಕುಟುಂಬದಲ್ಲಿ ವಿಕಲ ಚೇತನ ಮಕ್ಕಳಿದ್ದರೆ ಅವರಿಗೆ ಸೂಕ್ತವಾದ ಮೂಲಸೌಕರ್ಯಗಳು ಹಾಗೂ ಅವರಿಗೆ ಅಗತ್ಯ ಪೀಠೋಪಕರಣ ಮತ್ತು ಕಲಿಕೋಪಕರಣಗಳು ಇರಬೇಕು. 

• ಲಿಂಗ, ವಿಕಲತೆ, ಅಥವಾ ಕಾಯಿಲೆಗಳ(ಹೆಚ್.ಐ.ವಿ/ಏಡ್ಸ್) ಆಧಾರದ ಮೇಲೆ ಮಗುವನ್ನು ತಾರತಮ್ಯ ಮಾಡಬಾರದು. 

• ಜೀವನ ಕೌಶಲ್ಯಗಳು ಶಿಕ್ಷಣದ ಮುಖ್ಯ ಭಾಗವಾಗಬೇಕು. ಅಂದರೆ ಆಗಾಗ ಮನೆಯಲ್ಲಿ ವೃತ್ತಿ ಕುಶಲತೆ ಬಗ್ಗೆ ಮಾಹಿತಿ ಮತ್ತು ತರಬೇತಿ ನೀಡಬೇಕು. ಆಗ ಶಿಕ್ಷಣವು ಬದುಕಿನ ಭಾಗವಾಗುತ್ತದೆ. 

• ಮಕ್ಕಳಿಗೆ ಶಿಸ್ತಿನ ಹೆಸರಿನಲ್ಲಿ ಶಿಕ್ಷೆ ನೀಡುವುದನ್ನು ರದ್ದುಗೊಳಿಸಬೇಕು. ಮನೆಯಲ್ಲಿ ಭಯ ಮುಕ್ತ ವಾತಾವರಣ ನಿರ್ಮಾಣವಾಗಬೇಕು. ಸರಿ ತಪ್ಪುಗಳ ಬಗ್ಗೆ ಮಕ್ಕಳಿಗೆ ಮನವರಿಕೆ ಮಾಡುವಂತಿರಬೇಕು. 

• ಮನೆಯಲ್ಲಿಯೂ ಒತ್ತಡ ರಹಿತ ವಾತಾವರಣ ನಿರ್ಮಿಸಬೇಕು. ಅಪಾಯಕಾರಿಯಲ್ಲದ ಸಂತಸದ ಚಟುವಟಿಕೆಗಳನ್ನು ಪ್ರೋತ್ಸಾಹಿಸಿ ಅದರ ಮೂಲಕ ಕಲಿಕಾ ವಾತಾವರಣ ನಿರ್ಮಿಸಬೇಕು.

• ಮಗುವಿನಲ್ಲಿ ಭಾವನಾತ್ಮಕ ಮತ್ತು ಸಾಮಾಜಿಕ ಮೌಲ್ಯಗಳನ್ನು ಬೆಳೆಸಬೇಕು. ಅದಕ್ಕಾಗಿ ಪೋಷಕರು ಪ್ರತಿದಿನ ನಿಗದಿತ ವೇಳೆಯಲ್ಲಿ ಮಗುವಿನೊಂದಿಗೆ ಬೆರೆಯುವ ಮೂಲಕ ಸಾಮರ್ಥ್ಯಗಳನ್ನು ವೃದ್ದಿಸಬೇಕು ಹಾಗೂ ಸಮಸ್ಯೆಗಳನ್ನು ಆಲಿಸಿ ಪರಿಹರಿಸಬೇಕು.

• ನೈತಿಕತೆಯ ಪಾಠ ಮನೆಯಿಂದಲೇ ಪ್ರಾರಂಭವಾಗಬೇಕು. ಆದರೆ ಅದು ಒತ್ತಾಯಪೂರ್ವಕವಾಗಬಾರದು.

• ಮಗುವಿಗೆ ಶೈಕ್ಷಣಿಕ ಹಾಗೂ ಮಾನಸಿಕ ಸ್ಥಿತಿಯನ್ನು ಉತ್ತಮ ಪಡಿಸಲು ಮಕ್ಕಳ ಪುಸ್ತಕಗಳಿರಬೇಕು.

• ಯಾವುದೇ ಕಾರಣಕ್ಕೂ ಯಾವ ಮಗುವೂ ತಿರಸ್ಕೃತವಾಗಬಾರದು. ಪ್ರತೀ ಮಗುವಿನ ಭಾವನಾತ್ಮಕತೆಯನ್ನು ಗಟ್ಟಿಗೊಳಿಸಬೇಕು. 

• ಮನೆಯಲ್ಲಿ ಅಥವಾ ಸಮುದಾಯದಲ್ಲಿ ಮಕ್ಕಳ ದುರ್ಬಳಕೆ ಆಗದಂತೆ ನೋಡಿಕೊಳ್ಳಬೇಕು. ಹೆಣ್ಣುಮಕ್ಕಳಿಗೆ ರಕ್ಷಣೆಯ ಭರವಸೆ ಇರಬೇಕು. ಹದಿಹರೆಯದ ಮಕ್ಕಳು ತಮ್ಮ ಸಮಸ್ಯೆಗಳನ್ನು ಮುಕ್ತವಾಗಿ ಹಂಚಿಕೊಳ್ಳಲು ಅವಕಾಶ ಇರಬೇಕು.

• ಏಕತಾನತೆ ಹೊಡೆದೋಡಿಸಲು ಮಕ್ಕಳಿಗೆ ವಿಭಿನ್ನ ಚಟುವಟಿಕೆಗಳಿರಬೇಕು. ಗಂಡು ಮಕ್ಕಳು ಅಡುಗೆ ಕೆಲಸ ಹಾಗೂ ಮನೆಕೆಲಸಗಳಲ್ಲಿ ಸಹಾಯ ಮಾಡುವ, ಹೆಣ್ಣು ಮಕ್ಕಳು ಹೊರಗಿನ ವ್ಯವಹಾರ ಅಥವಾ ಮಾರ್ಕೆಟ್‌ನಲ್ಲಿ ಅಗತ್ಯ ವಸ್ತುಗಳನ್ನು ಖರೀದಿ ಮಾಡುವ, ತಂದೆಗೆ ಸಹಾಯ ಮಾಡುವ ಅಥವಾ ಇನ್ನಿತರೇ ಸಾಮಾಜಿಕ ಚಟುವಟಿಕೆಗಳಲ್ಲಿ ಭಾಗವಹಿಸುವ ಅವಕಾಶ ನೀಡಬೇಕು.

    ಒಟ್ಟಾರೆ ಹೇಳುವುದಾದರೆ ‘ಬೆತ್ತ ಬಳಸದೇ ಬಾಲ್ಯ ಉಳಿಸಿ’ ಎಂಬುದು ಕುಟುಂಬದ, ತಂದೆ ತಾಯಿಯರ ಅಥವಾ ಸಮುದಾಯದ ಘೋಷಣೆ ಮತ್ತು ಸಂದೇಶವಾಗಬೇಕು. ಆಗ ಮಾತ್ರ ಮಗುಸ್ನೇಹಿ ಸುಂದರ ವಾತಾವರಣ ನಿರ್ಮಾಣ ಮಾಡಲು ಸಾಧ್ಯ. ಆ ಮೂಲಕ ಮಗುವಿನ ಸಾಮರ್ಥ್ಯಗಳನ್ನು ಅಭಿವೃದ್ದಿಗೊಳಿಸಿ ಸರ್ವಾಂಗೀಣ ಬೆಳೆವಣಿಗೆ ಉಂಟು ಮಾಡಲು ಸಾಧ್ಯ. 

ತ್ರಿಪದಿಕವಿ ಸರ್ವಜ್ಞನನ್ನು ಉತ್ತುಂಗಕ್ಕೇರಿಸಿದ ರೆವೆರೆಂಡ್ ಉತ್ತಂಗಿ ಚನ್ನಪ್ಪನವರು.

 ಮೇ-2019ರ ಟೀಚರ್  ಮಾಸಪತ್ರಿಕೆಯಲ್ಲಿ ಪ್ರಕಟವಾದ ನನ್ನ ಬರಹ. 

 ತ್ರಿಪದಿಕವಿ ಸರ್ವಜ್ಞನನ್ನು ಉತ್ತುಂಗಕ್ಕೇರಿಸಿದ  ರೆವೆರೆಂಡ್ ಉತ್ತಂಗಿ ಚನ್ನಪ್ಪನವರು. 

ಅವು ಬಹುಬೆಲೆಯುಳ್ಳ ಜೀವನಾನುಭವದ ಸಂಪತ್ತುಗಳು. ನಿತ್ಯ ಜೀವನದ ಸಮಸ್ಯೆಗಳಿಗೆ ಪರಿಹಾರ ಒದಗಿಸಬಲ್ಲ ಮಾರ್ಗದರ್ಶಿ ಸೂತ್ರಗಳು. ಕೈಯೊಳಗಿನ ಆಪದ್ಧನ. ಸವಿಯನ್ನು ಉಣಬಡಿಸುವ ಪಕ್ವಾನ್ನ ಪರಮಾನ್ನಗಳು. ಇವು ಯಾವುವೆಂದು ಅರ್ಥವಾಗಲಲ್ಲವೇ? ಅವೇ ನಮ್ಮ ಸರ್ವಜ್ಞನ ವಚನಗಳು. ಸರ್ವಜ್ಞನ ವಚನಗಳಿಗೆ ಎಂತಹ ಮೋಹಕಶಕ್ತಿ ಇದೆ ಎಂದರೆ ಅದೊಂಥರಾ ಅಮಲು ಇದ್ದಂತೆ. ಓದುತ್ತಾ ಓದುತ್ತಾ ಅದರ ರಸಸ್ವಾದ ಗಳಿಸುತ್ತಾ ಹೋದರೆ ಇಡೀ ಜಗತ್ತನ್ನೇ ಮರೆಸುವ ಮತ್ತು ಜಗತ್ತನ್ನು ಪರಿಚಯಿಸುವ ಶಕ್ತಿ ಈ ವಚನಗಳಿಗೆ ಇದೆ ಎಂದರೆ ಅತಿಶಯೋಕ್ತಿ ಏನಲ್ಲ.

ಸರ್ವಜ್ಞನನ್ನು ಹಾಗೂ ಆತನ ವಚನಗಳನ್ನು ಕುರಿತು ಮೂಗು ಮುರಿದು ಮಾತನಾಡುವ ಕಾಲವೊಂದಿತ್ತು. ಆದರೆ ಇಂದು ಹಳ್ಳಿಯಿಂದ ಪಟ್ಟಣದ ಎಲ್ಲರ ಬಾಯಲ್ಲೂ ನಲಿದಾಡುತ್ತಿವೆ. ಎಲ್ಲರ ಮನೆಯ ಮಂತ್ರಾಕ್ಷತೆಗಳAತಾಗಿವೆ. 

ನಡೆವುದೊಂದೆ ಭೂಮಿ, ಕುಡಿವುದೊಂದೇ ನೀರು

ಸುಡುವಗ್ನಿಯೊಂದೇ ಇರುತಿರಲು, ಕುಲಗೋತ್ರ

ನಡುವೆಯೆತ್ತಣದು ಸರ್ವಜ್ಞ|| ಇಂತಹ ಮನಪರಿವರ್ತನೆಯ ವಚನಗಳ ಮೂಲಕ 

ನಮ್ಮಲ್ಲಿನ ದುಷ್ಟ ಮನೋಸ್ಥಿತಿಯನ್ನು ತಿದ್ದಲು ಸರ್ವಜ್ಞ ಪ್ರಯತ್ನಿಸಿದ. ಇಂತಹ ಅದೆಷ್ಟೋ ವಚನಗಳು ಇಂದು ನಮ್ಮ ನಾಲಿಗೆಯ ಮೇಲೆ ನಲಿದಾಡುತ್ತಿವೆ. ಸರ್ವಜ್ಞನ ವಚನಗಳನ್ನು ಕೇಳದ ಕಿವಿಗಳಿಲ್ಲ, ಮಾತುಗಳಲ್ಲಿ ಬಳಸದ ಭಾಷಣಕಾರನಿಲ್ಲ ಎಂಬAತಾಗಿದೆ. ಇಂತಹ ಮಹತ್ವವುಳ್ಳ ಸರ್ವಜ್ಞ ಮತ್ತು ಆತನ ವಚನಗಳು ಯಾರಿಗೂ ಪರಿಚಯವಿರದ ಕಾಲವೊಂದಿತ್ತು. ಅಜ್ಞಾತವಾಗಿದ್ದ ಅಂತಹ ಸರ್ವಜ್ಞನ ವಚನಗಳನ್ನು ದಶದಿಕ್ಕುಗಳಿಗೆ ಪಸರಿಸಿದ ಕೀರ್ತಿ ತಿರುಳ್‌ಗನ್ನಡ ತಿರುಕನೆಂದೇ ಖ್ಯಾತಿ ಪಡೆದ ರೆವೆರೆಂಡ್ ಉತ್ತಂಗಿ ಚೆನ್ನಪ್ಪನವರಿಗೆ ಸಲ್ಲುತ್ತದೆ.

ಮೂಲೆಗುಂಪಾಗಿದ್ದ ಸರ್ವಜ್ಞನ ವಚನಗಳನ್ನು ಹುಡುಕಿ ತಂದು ಕನ್ನಡದ ಸಿಂಹಾಸನದಲ್ಲಿ ಕುಳ್ಳಿರಿಸಿ, ಜಗತ್ತಿನಾದ್ಯಂತ ಮೆರೆಸಿದ ಉತ್ತಂಗಿಯವರ ಪ್ರಯತ್ನ ಪ್ರಶಂಸನೀಯ. ಸರಳ ಭಾಷೆ ಹಾಗೂ ವೈಚಾರಿಕ ಪ್ರಜ್ಞೆಯುಳ್ಳ ಸರ್ವಜ್ಞನ ತ್ರಿಪದಿಗಳಿಗೆ ಕ್ರೆöÊಸ್ತ ಮಿಶನರಿ ರೆವೆರೆಂಡ್ ಜೆ.ಜೆ.ರ‍್ನರ್‌ರವರು ಮನಸೋತಿದ್ದರು. ಅವರು ಉತ್ತಂಗಿ ಚೆನ್ನಪ್ಪನವರನ್ನು ಈ ಸಂಗ್ರಹ ಕಾರ್ಯದಲ್ಲಿ ತೊಡಗುವಂತೆ ಪ್ರೇರೇಪಣೆ ಮಾಡಿದ್ದು ಒಂದು ವಿಶಿಷ್ಠ ಸಂಗತಿ. 

ಮಹಾನ್ ಕಾರ್ಯಕ್ಕೆ ಪ್ರೇರಣೆ

    

ಸರ್ವಜ್ಞನನ್ನು ಕುರಿತು ರ‍್ನರ್ ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಲು ಹೆಣಗಾಡಿದ ಸಂದರ್ಭವೇ ಉತ್ತಂಗಿಯವರು ಈ ಕೆಲಸದಲ್ಲಿ ತೊಡಗಲು ಪ್ರೇರಣೆಯಾಯಿತು. ಈ ಹಿನ್ನಲೆಯಲ್ಲಿ ಸರ್ವಜ್ಞನ ವಚನಗಳ ಅಭ್ಯಾಸಕ್ಕೆ ಉತ್ತಂಗಿಯವರು ಕೈಹಾಕಿದರು. 

ಒಮ್ಮೆ ಉತ್ತಂಗಿಯವರು ಮಹಾರಾಷ್ಟçದ ವಿಶನರಿ ನೆಲ್ಸನ್ ಫ್ರೇಜರ್ ಅವರ ಕಛೇರಿಗೆ ಹೋದರು. ಟೇಬಲ್ ಮೇಲಿದ್ದ ತುಕಾರಾಮನ ಅಭಂಗಗಳ ಎರಡು ಪುಸ್ತಕಗಳು ಇವರ ಗಮನ ಸೆಳೆದವು. ಮಹಾರಾಷ್ಟçದವರು ತುಕಾರಾಮನ ಹೆಸರನ್ನು ಜಗಜ್ಜಾಹೀರು ಮಾಡಿದಂತೆ ಕನ್ನಡಿಗರಾದ ನಾವು ಸರ್ವಜ್ಞನನ್ನು ಪ್ರಚುರ ಪಡಿಸಬೇಕೆಂಬ ಉದ್ದೇಶವೂ ಸೇರಿತು. ಅದಾಗಲೇ ನೆಲ್ಸನ್ ಫ್ರೇಜರ್ ಅವರು ಸರ್ವಜ್ಞನ ವಚನಗಳನ್ನು ಆಂಗ್ಲಭಾಷೆಗೆ ತರ್ಜುಮೆ ಮಾಡುವ ಕಾಯಕದಲ್ಲಿ ನಿರತರಾಗಿದ್ದರು. ಅನ್ಯದೇಶಿಯರಿಂದ ಸಾಧ್ಯವಾಗುತ್ತಿರುವ ಈ ಕಾರ್ಯವನ್ನು ನಾವೇಕೆ ಮಾಡಬಾರದು ಎಂಬ ಪ್ರಶ್ನೆ ಉತ್ತಂಗಿಯವರನ್ನು ಕಾಡತೊಡಗಿತು. ಹಾಗಾಗಿ ಕೂತಲ್ಲಿ, ನಿಂತಲ್ಲಿ, ಹೋದಲ್ಲಿ, ಬಂದಲ್ಲಿ, ಎಲ್ಲೆಲ್ಲೂ ಸರ್ವಜ್ಞ ಸದಾ ಕಾಡತೊಡಗಿದ.

ಉತ್ತಂಗಿಯವರಿಗೆ ತತ್ವಶಾಸ್ತçದಲ್ಲಿ ವಿಶೇಷ ಆಸಕ್ತಿ ಇತ್ತು. ಆದರೆ ಕೆಲವಾರು ವರ್ಷಗಳ ಬಳಿಕ ತತ್ವಶಾಸ್ತçದಲ್ಲಿ ಕ್ರಮೇಣವಾಗಿ ನಿರಾಸಕ್ತಿ ಉಂಟಾಗಿ, ಕೊನೆಗೆ ತಿರಸ್ಕಾರ ಭಾವನೆ ಮೂಡಿತು. ಇದು ಜೀವನದ ಜಿಗುಪ್ಸೆಗೂ ಕಾರಣವಾಯಿತು. ಇಂತಹ ಸಮಯದಲ್ಲಿಯೇ ರ‍್ನರ್‌ರವರು ಸರ್ವಜ್ಞನ ಜೀವನ ಹಾಗೂ ಕೃತಿಗಳ ಸಂಶೋಧನೆ ಮಾಡುವಂತೆ ಪ್ರೋತ್ಸಾಹಿಸಿದರು. ಇದು ಉತ್ತಂಗಿಯವರ ಜೀವನದ ಮಹಾನ್ ತಿರುವು ಎನ್ನಬಹುದು.

ಕೊಟ್ಟಿದ್ದು ತನಗೆ, ಬಚ್ಚಿಟ್ಟಿದ್ದು ಪರರಿಗೆ

ಕೊಟ್ಟಿದ್ದು ಕೆಟ್ಟಿತೆನಬೇಡ, ಮುಂದೆ

ಕಟ್ಟಿಹುದು ಬುತ್ತಿ, ಸರ್ವಜ್ಞ || ಇಂತಹ ತರ್ಕಶಾಸ್ತç ಹಾಗೂ ತತ್ವಶಾಸ್ತç ಎರಡನ್ನೂ 

ತನ್ನ ವಚನಗಳಲ್ಲಿ ಬಳಸಿದ ಸರ್ವಜ್ಞನ ನಿಜಕ್ಕೂ ಜ್ಞಾನವನ್ನು ಮೆಚ್ಚಲೇಬೇಕು. ಇಂತಹ

ತರ್ಕವೇ ಉತ್ತಂಗಿಯವರನ್ನು ಉತ್ತುಂಗಕ್ಕೇರಿಸಿತು.

“ಭಗ್ನಾಶನಾಗಿ ಸಾಗುತ್ತಿದ್ದ ನನ್ನ ಜೀವನದ ಹಾದಿಯಲ್ಲಿ ಸರ್ವಜ್ಞನೆಂಬ ತಿರುಕನ ದರ್ಶನವಾಯಿತು. ಉಭಯತರ ಹಾಡು ಒಂದೇ ಎನಿಸಿತು. ಆಗ ನಾನು ಅವನಲ್ಲಿ ನನ್ನನ್ನು ಕಂಡೆ” ಎಂದು ಉತ್ತಂಗಿಯವರು ತಮ್ಮ ಜೀವನಚರಿತ್ರೆಯಲ್ಲಿ ದಾಖಲಿಸಿದ್ದಾರೆ. ಜೀವನದಲ್ಲಿ ಜಿಗುಪ್ಸೆಗೊಂಡ ಉತ್ತಂಗಿಯವರಿಗೆ ಸರ್ವಜ್ಞನ ವಚನಗಳನ್ನು ಹುಡುಕುವ ಜಾಡು ತಿಳಿಯದಿದ್ದರೆ ಇಂದು ಸರ್ವಜ್ಞನನಾಗಲೀ, ಉತ್ತಂಗಿ ಚೆನ್ನಪ್ಪನವÀರಾಗಲೀ ಮುನ್ನಲೆಗೆ ಬರುತ್ತಲೇ ಇರಲಿಲ್ಲ. ಇಬ್ಬರ ತಾತ್ವಿಕ ವಿಚಾರಗಳು, ಸ್ವಭಾವಗಳು ಪರಸ್ಪರ ಹೊಂದಾಣಿಕೆಯಾಗುತ್ತವೆ. ಇಬ್ಬರೂ ನಾಡಿನುದ್ದಕ್ಕೂ ಸಂಚರಿಸಿದವರು. 

ಹೆಚ್ಚಿದ ಹುಚ್ಚು

    

ಮೂಲೆಗುಂಪಾಗಿದ್ದ ಸರ್ವಜ್ಞನ ವಚನಗಳಿಗೆ ಅಂತರರಾಷ್ಟಿçÃಯ ಮನ್ನಣೆ ನೀಡುವ ಮಹದಾಸೆ ಉತ್ತಂಗಿಯವರಲ್ಲಿ ಮೂಡಿತು. ತೆಲುಗಿನಲ್ಲಿ ವೇಮನ, ತಮಿಳಿನಲ್ಲಿ ಅಮ್ಮಾಯಿ, ಮರಾಠಿಯಲ್ಲಿ ತುಕಾರಾಮನಿಗೆ ದೊರೆತ ಸ್ಥಾನಕ್ಕಿಂತಲೂ ಮಿಗಲಾದ ಸ್ಥಾನವನ್ನು ಕನ್ನಡದಲ್ಲಿ ಸರ್ವಜ್ಞನಿಗೆ ನೀಡಬೇಕೆಂದು ನಿಶ್ಚಯಿಸಿದರು. ಅದರ ಮೊದಲ ಭಾಗವಾಗಿ ವಚನಗಳನ್ನು ಆಂಗ್ಲಭಾಷೆಗೆ ತರ್ಜುಮೆ ಮಾಡಲು ಮುಂದಾದರು. 

ತರ್ಜುಮೆ ಕಾರ್ಯದಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡ ಉತ್ತಂಗಿಯವರಿಗೆ, ಮುದ್ರಿತ ವಚನಗಳಲ್ಲಿ ದೋಷವಿರುವುದು ದೃಷ್ಟಿಗೋಚರವಾಯಿತು. ಇಂತಹ ಅಶುದ್ದ ವಚನಗಳನ್ನು ಅನುವಾದಿಸಿದರೆ ದೋಷಗಳನ್ನು ಎತ್ತಿ ಹಿಡಿದಂತಾಗುತ್ತದೆ ಮತ್ತು ತಪ್ಪು ಸಂದೇಶ ರವಾನೆಯಾಗುತ್ತದೆ, ಅಲ್ಲದೇ ಸರ್ವಜ್ಞನಿಗೆ ಅನ್ಯಾಯ ಮಾಡಿದಂತಾಗುತ್ತದೆ ಎಂದೆನಿಸಿ ಅನುವಾದ ಕಾರ್ಯವನ್ನು ಅಲ್ಲಿಗೆ ನಿಲ್ಲಿಸಿದರು. ಈ ಸಮಸ್ಯೆಗೆ ಪರಿಹಾರ ತಿಳಿದುಕೊಳ್ಳಲು ಕೆಲದಿನಗಳೇ ಬೇಕಾದವು. ಪರಿಹಾರಾರ್ಥವಾಗಿ ಮೂಲ ವಚನಗಳ ಸಂಶೋಧನೆ ಹಾಗೂ ಶುದ್ದೀಕರಣಕ್ಕೆ ಕೈ ಹಾಕಿದರು. ಕೆಲವು ತಿಂಗಳಲ್ಲಿ ಮುಗಿಯಬಹುದು ಎಂದುಕೊAಡಿದ್ದ ಕಾರ್ಯ ಕೆಲವು ವರ್ಷಗಳವರೆಗೂ ಸಾಗಿತು. 

ಮುದ್ರಿತ ವಚನಗಳಲ್ಲಿನ ದೋಷ ತಿದ್ದುವ ಕಾರ್ಯದ ಭಾಗವಾಗಿ ಮೂಲ ತಾಡವೋಲೆ ಪ್ರತಿಗಳನ್ನು ಹುಡುಕಿ ಹೊರಟರು. ಇದು ಸುಲಭ ಕಾರ್ಯವಾಗಿರಲಿಲ್ಲ. ಮನೆ, ಮಠ, ಊರು, ಕೇರಿ, ಪ್ರಾಂತ್ಯಗಳನ್ನು ಸುತ್ತಿದರೂ ಎಲ್ಲಿಯೂ ಮೂಲ ಪ್ರತಿಗಳು ದೊರೆಯದೇ ಹತಾಶರಾದರು. ಕನ್ನಡ ಪಸರಿಕೆಯ ಕೈಂಕರ್ಯದಲ್ಲಿ ತೊಡಗಿಸಿಕೊಂಡಿದ್ದ ಅನೇಕ ವ್ಯಕ್ತಿಗಳು ಮತ್ತು ಕೆಲ ಸಂಘ ಸಂಸ್ಥೆಗಳಿಗೆ ಪತ್ರ ಬರೆದರು. ಇಲ್ಲೂ ಯಾವುದೇ ಮಾಹಿತಿ ದೊರೆಯಲಿಲ್ಲ. ಆದರೂ ಛಲ ಬಿಡದ ತ್ರಿವಿಕ್ರಮನಂತೆ ಮರಳಿ ಯತ್ನವ ಮಾಡಿದರು. ಮದ್ರಾಸ್ ಮತ್ತು ಮೈಸೂರಿನ ಪ್ರಾಚ್ಯಕೋಶಗಾರಗಳಿಗೂ ಪತ್ರ ಬರೆದರು. ಉತ್ತಂಗಿ ಚೆನ್ನಪ್ಪನವರ ಕನ್ನಡದ ಕಳಕಳಿಯನ್ನು ಗಮನಿಸಿದ ಮದ್ರಾಸ್ ಮತ್ತು ಮೈಸೂರು ಪ್ರಾಚ್ಯಕೋಶಾಧಿಕಾರಿಗಳು ಸರ್ವಜ್ಞನ ವಚನಗಳುಳ್ಳ ತಾಳೆಗರಿಗಳ ಹಸ್ತಪ್ರತಿಗಳನ್ನು ಕರಾರಿನ ಮೇಲೆ ಕಳಿಸಿಕೊಟ್ಟರು. ಆಗ ಉತ್ತಂಗಿಯವರು ಸರ್ವಜ್ಞನೇ ದೊರೆತಷ್ಟು ಸಂತಸಗೊAಡರು. 

ದೋಷ ಹುಡುಕುವಲ್ಲಿ ಘಾಸಿಗೊಂಡ ಬದುಕು

ಸರ್ವಜ್ಞನ ಮೂಲ ವಚನಗಳನ್ನು ಪರಿಶೀಲಿಸಿದಾಗ, ಮುದ್ರಿತ ಹಾಗೂ ಮೂಲ ವಚನಗಳಲ್ಲಿ ಸಾಕಷ್ಟು ದೋಷ ಹಾಗೂ ವ್ಯತ್ಯಾಸಗಳಿರುವುದನ್ನು ಗಮನಿಸಿದರು. ಜೊತೆಗೆ ಅದುವರೆಗೂ ಅರೆಬರೆ ರೂಪದಲ್ಲಿ ದರ್ಶನವಾಗಿದ್ದ ಸರ್ವಜ್ಞ ಈಗ ಪರಿಪೂರ್ಣ ಪಂಡಿತನಾಗಿ ಗೋಚರಿಸಿದ.

ಆರು ಬೆಟ್ಟವನೊಬ್ಬ ಹಾರಬಹುದೆಂದರೆ

ಹಾರಬಹುದೆAದು ಎನಬೇಕು, ಮೂರ್ಖನೊಡ

ಹೋರಾಟ ಸಲ್ಲ ಸರ್ವಜ್ಞ|| ಇತರರ ಮಾತಿಗೆ ಬೆಲೆಕೊಡುತ್ತಾ, ವಿತಂಡವಾದಿಗಳ ವಿರುದ್ದ ಗುದ್ದಾಡಬಾರದು ಎಂಬುದನ್ನು ಮನಗಂಡಿದ್ದ ರೆವೆರೆಂಡ್ ಚೆನ್ನಪ್ಪನವರು ತಮ್ಮ ಪಾಡಿಗೆ ತಾವು ಸರ್ವಜ್ಞನ ವಚನಗಳನ್ನು ಸಂಗ್ರಹಿಸುವಲ್ಲಿ ತೊಡಗಿಕೊಂಡರು.

ಉತ್ತAಗಿಯವರು ಜೀವನವನ್ನು ಪಣಕ್ಕಿಟ್ಟು ವಚನಗಳನ್ನು ತಿದ್ದುವ ಕಾರ್ಯದಲ್ಲಿ ತೊಡಗಿಕೊಂಡರು. ಒಂದೆಡೆ ಬಡತನದ ಬದುಕು, ಇನ್ನೊಂದೆಡೆ ದೊಡ್ಡ ಕುಟುಂಬದ ಭಾರ, ಮತ್ತೊಂದೆಡೆ ಸಮಾಜದ ಕಲ್ಯಾಣ ಕಾರ್ಯಗಳು. ಇವೆಲ್ಲವುಗಳ ನಡುವೆ ಮಿಶನರಿಯ ಕರ್ತವ್ಯ. ಹಗಲಿನಲ್ಲಿ ಇವೆಲ್ಲವುಗಳನ್ನು ಸಂಭಾಳಿಸಿ, ರಾತ್ರಿ ವೇಳೆ ಮರ‍್ನಾಲ್ಕು ಗಂಟೆಗಳ ಕಾಲ ವಚನಗಳನ್ನು ತಿದ್ದುವ ಕೆಲಸದಲ್ಲಿ ನಿರತರಾದರು. ಈ ಮಧ್ಯೆ ತಂದೆಯನ್ನೂ ಕಳೆದುಕೊಂಡರು. ಓದು ಮತ್ತು ಬರಹ ದಿನೇ ದಿನಕ್ಕೂ ಅಧಿಕವಾಗತೊಡಗಿತು. ಹಗಲು ಸಂಸಾರಕ್ಕಾಗಿ ದುಡಿಮೆ. ರಾತ್ರಿ ಸರ್ವಜ್ಞನಿಗಾಗಿ ದುಡಿಮೆ. ಅವಿಶ್ರಾಂತ ದುಡಿಮೆಯಿಂದ ನಿದ್ರಾಭಂಗವಾಗಿ ಹಾಸಿಗೆ ಹಿಡಿಯುವ ಪರಿಸ್ಥಿತಿ ಒದಗಿಬಂತು. ದೇಹ ಸಂಪೂರ್ಣವಾಗಿ ದುರ್ಬಗೊಂಡಿತ್ತು. ಆಸ್ಪತ್ರೆಗೆ ಸೇರಬೇಕಾದುದು ಅನಿವಾರ್ಯವಾಗಿತ್ತು.

ಮಂದ ಬೆಳಕಿನಲ್ಲಿನ ಸತತ ಅಭ್ಯಾಸದಿಂದಾಗಿ ದೃಷ್ಟಿಯೂ ಕಡಿಮೆಯಾಗಿತ್ತು. ಅಲ್ಲದೇ ಕಣ್ಣಿನ ನರಗಳು ದುರ್ಬಲಗೊಂಡು ನೆವೆ ಪ್ರಾರಂಭವಾಗಿ ನೋವು ಹೆಚ್ಚಾಯಿತು. ದೃಷ್ಟಿ ಮರಳಿ ಬಾರದೇನೋ ಎಂಬಷ್ಟು ನೋವು ಹೆಚ್ಚಾಯಿತು. ಎಲ್ಲರಿಗೂ ಆತಂಕ ಶುರುವಾಯಿತು. ರೋಗ ಗುಣಮುಖವಾಗಲು ಒಂದೆರಡು ತಿಂಗಳುಗಳೇ ಬೇಕಾಯಿತು. ಆಸ್ಪತ್ರೆ ಸೇರಿದ್ದರಿಂದ ವಚನಗಳ ತಿದ್ದುಪಡಿ ಕಾರ್ಯ ಮೊಟಕುಗೊಂಡಿತು. ಇದು ಉತ್ತಂಗಿಯವರನ್ನು ತೀವ್ರವಾಗಿ ಬಾಧಿಸತೊಡಗಿತು. ಕೈಗೊಂಡ ಕಾರ್ಯ ವ್ಯರ್ಥವಾಯಿತಲ್ಲ ಎಂದು ಅನೇಕ ಸಲ ಹಳಹಳಿಸಿದರು. 

ಆಸ್ಪತ್ರೆಯಿಂದ ಮನೆಗೆ ಮರಳಿದ ನಂತರ ಪತ್ನಿಯ ಒತ್ತಾಸೆಯಿಂದ ರಾತ್ರಿ ನಿದ್ದೆಗೆಡುವ ಸಂಭವ ನಿಂತಿತು. ಇವರ ಈ ಮಹಾನ್ ಕಾರ್ಯದಲ್ಲಿ ಹೆಂಡತಿ, ಮಕ್ಕಳು ನೀಡಿದ ಸಹಕಾರವನ್ನು ಉತ್ತಂಗಿಯವರು ನೆನೆಯುತ್ತಲೇ ಇದ್ದರು. ಧಾರವಾಡದ ಟ್ರೆöÊನಿಂಗ್ ಕಾಲೇಜಿನಲ್ಲಿ ಶಿಕ್ಷಕಿಯಾಗಿದ್ದ ಹೆಂಡತಿ, ಬಿಡುವಿನ ವೇಳೆಯಲ್ಲಿ ತನ್ನ ಸಹೋದ್ಯೋಗಿ ಮತ್ತು ವಿದ್ಯಾರ್ಥಿಗಳನ್ನು ಕರೆತಂದು ವಚನಗಳ ಪರಿಶೋಧನೆ ಹಾಗೂ ಆಕಾರಾದಿ ಜೋಡಣೆಗೆ ಸಹಾಯ ಮಾಡುತ್ತಿದ್ದರು. ದ.ರಾ.ಬೇಂದ್ರೆ, ಸಿದ್ದರಾಮಪ್ಪ ಪಾವಟೆ, ಮ.ಪ್ರ.ಪೂಜಾರ, ಬೆನಗಲ್ ರಾಮರಾಯರು, ಮೂರ್ತಾಚಾರ ಕಟ್ಟಿ, ಚನ್ನಬಸಪ್ಪ ಶಿರಹಟ್ಟಿ, ನಾಮದಾರ ಬೆಳವಿ ಮುಂತಾದ ಪಂಡಿತ ಪಾಮರರ ಸಲಹೆ ಸೂಚನೆ ಅವಲೋಕನಗಳಿಗೆ ಒಳಪಟ್ಟ ಸರ್ವಜ್ಞನ ಗ್ರಂಥದ ಹಸ್ತಪ್ರತಿ ಸಿದ್ದವಾಯಿತು.

ಪುಟಿದೆದ್ದ ಚಿನ್ನ

ಹಸ್ತಪ್ರತಿಯೇನೋ ಸಿದ್ದವಾಯಿತು. ಆದರೆ ಅದನ್ನು ಮುದ್ರಿಸುವಷ್ಟು ಹಣಕಾಸಿನ ಶಕ್ತಿ ಉತ್ತಂಗಿಯವರಿಗೆ ಇರಲಿಲ್ಲ. ಆ ಕಾಲದ ಅನೇಕ ಪ್ರಕಾಶಕರನ್ನು ಭೇಟಿಯಾಗಿ ಪ್ರಕಟಣೆಗೆ ಭಿನ್ನಹ ಮಾಡಿಕೊಂಡರು. ಆದರೆ ಯಾವೊಬ್ಬ ಪ್ರಕಾಶಕರೂ ಪ್ರಕಟಿಸಲು ಮನಸ್ಸು ಮಾಡಲಿಲ್ಲ. ಈ ಗ್ರಂಥದ ಮಹತ್ವ ಅವರಿಗೆ ಅರ್ಥವಾಗಲಿಲ್ಲವೋ ಅಥವಾ ದೊಡ್ಡ ಮೊತ್ತ ಬಂಡವಾಳ ಹೂಡಿಕೆಯ ಕೊರತೆಯೋ ತಿಳಿಯಲಿಲ್ಲ. ಹಸ್ತಪ್ರತಿ ಸಿದ್ದವಾಗಿ ಎರಡು ವರ್ಷವಾದರೂ ಪ್ರಕಟಣೆಯ ಭಾಗ್ಯ ದೊರೆಯದಿರುವುದು ಉತ್ತಂಗಿಯವರನ್ನು ಮತ್ತಷ್ಟು ಚಿಂತೆಗೀಡುಮಾಡಿತು. ಮಿತ್ರರೊಬ್ಬರು ತೋರಿದ ಕೊನೆಯ ಹಾದಿಯಲ್ಲಿ ಧಾರವಾಡದ ಕರ್ನಾಟಕ ಪ್ರಿಟಿಂಗ್ ವರ್ಕ್ಸ್ನ ಯಶವಂತರಾಯ ಜಠಾರರು ಗ್ರಂಥವನ್ನು ಮುದ್ರಿಸಲು ಒಪ್ಪಿದರು.

600 ಪುಟಗಳ ಬೃಹದಾಕಾರದ ಗ್ರಂಥಾಲಯ ಆವೃತ್ತಿಯನ್ನು ಮುದ್ರಿಸಲಾಯಿತು. ಅಂತೂ ಇಂತೂ ಗ್ರಂಥ ಮುದ್ರಣವಾಯಿತಲ್ಲ ಎಂಬ ಖುಷಿ ಬಹಳ ದಿನ ಉಳಿಯಲಿಲ್ಲ. ಮತ್ತೊಂದು ಚಿಂತೆ ಪ್ರಾರಂಭವಾಯಿತು. ಮುದ್ರಣಗೊಂಡು ಎರಡು ವರ್ಷ ಕಳೆದರೂ ಗ್ರಂಥಗಳು ಮಾರಾಟವಾಗದೇ ಮೂಲೆಗುಂಪಾದವು. ಇದು ಉತ್ತಂಗಿಯವರನ್ನು ಹಾಗೂ ಜಠಾರರನ್ನು ಕಳವಳಕ್ಕೀಡು ಮಾಡಿತು. ಆದರೂ ಎದೆಗುಂದದೆ ಮುಂದಿನ ಕಾರ್ಯಕ್ಕೆ ತೊಡಗಿದರು. 600 ಪುಟಗಳುಳ್ಳ ಗ್ರಂಥಕ್ಕೆ ಟಿಪ್ಪಣಿ ಹಾಗೂ ವಿವರಣೆಯನ್ನೊಳಗೊಂಡ 300 ಪುಟಗಳನ್ನು ಹೆಚ್ಚುವರಿಯಾಗಿ ಜೋಡಿಸಲಾಯಿತು. ಆಗ ಅದೇನು ಮಾಯೆ ನಡೆಯಿತೋ ಯಾರಿಗೂ ತಿಳಿಯದು. ಒಮ್ಮೆಲೆ ಈ ಗ್ರಂಥಕ್ಕೆ ಎಲ್ಲೆಡೆಗಳಿಂದ ಬೇಡಿಕೆ ಬರತೊಡಗಿತು. ಪ್ರತಿಗಳು ಪುನಃ ಪುನಃ ಮುದ್ರಣಗೊಂಡವು. ಓದಿದ ಪ್ರತಿಯೊಬ್ಬರೂ ಉತ್ತಂಗಿ ಹಾಗೂ ಜಠಾರರನ್ನು ಮುಕ್ತ ಮನಸ್ಸಿನಿಂದ ಹೊಗಳಿದರು.

ಉತ್ತಂಗಿಯವರ ಕೆಲಸ ಇಲ್ಲಿಗೆ ನಿಲ್ಲಲಿಲ್ಲ. ತಮ್ಮ ಜೀವನದುದ್ದಕ್ಕೂ ಸರ್ವಜ್ಞನ ವಚನಗಳನ್ನು ಪರಿಷ್ಕರಿಸುವ, ವಿವಿಧ ಆವೃತ್ತಿಗಳನ್ನು ಪ್ರಕಟಿಸುವ ಕಾರ್ಯದಲ್ಲಿ ತೊಡಗಿಕೊಂಡರು. ಹಳ್ಳಿ ಪಟ್ಟಣಗಳನ್ನು ಸುತ್ತಿ ಸರ್ವಜ್ಞನ ವ್ಯಕ್ತಿತ್ವವನ್ನು ಆತನ ವಚನಗಳಿಂದಲೇ ವಿವರಿಸುತ್ತಾ ನಾಡಿನುದ್ದಕ್ಕೂ ಸಂಚರಿಸಿದರು. ಯಾವುದೇ ಸಭೆ, ಸಮಾರಂಭ, ಉತ್ಸವಗಳಲ್ಲಿ ಪಾಲ್ಗೊಂಡರೂ ಸರ್ವಜ್ಞ ಮತ್ತು ಆತನ ವಚನಗಳೇ ಅವರ ಭಾಷಣದ ವಿಷಯವಾಗಿರುತ್ತಿತ್ತು. ದಿನಗಟ್ಟಲೇ ಬೇಸರವಾಗದಂತೆ ಸರ್ವಜ್ಞನ ಬಗ್ಗೆ ಮಾತನಾಡುವಷ್ಟು ವಿಷಯ ಅವರ ಆಂತರ್ಯದಲ್ಲಿ ಅಡಗಿತ್ತು. ಸರ್ವಜ್ಞನ ಬಗ್ಗೆ ಅಧಿಕಾರಯುತವಾಗಿ ಮಾತನಾಡುವ ಹಾಗೂ ಬರೆಯುವ ಯೋಗ್ಯತೆ ಇದ್ದದ್ದು ಒಬ್ಬರಿಗೆ ಮಾತ್ರ. ಅದು ರೆವೆರೆಂಡ್ ಉತ್ತಂಗಿ ಚೆನ್ನಪ್ಪನವರು ಎನ್ನುವುದು ಕನ್ನಡ ಸಾರಸತ್ವ ಲೋಕದ ಅಭಿಮತವಾಗಿತ್ತು.

ಏಳು ಕೋಟಿಯೆ ಕೋಟಿ, ಏಳು ಲಕ್ಷವೇ ಲಕ್ಷ

ಏಳು ಸಾವಿರದ ಎಪ್ಪತ್ತು ವಚನಗಳ

ಹೇಳಿದನು ಕೇಳ ಸರ್ವಜ್ಞ || ಎಂಬಲ್ಲಿ ಸರ್ವಜ್ಞ ರಚಿಸಿದ ವಚನಗಳ ಸಂಖ್ಯೆ ತಿಳಿಯುತ್ತದೆ. ಚೆನ್ನಪ್ಪನವರು ಈ ಕಾರ್ಯ ಕೈಗೆತ್ತಿಕೊಳ್ಳದೇ ಹೋಗಿದ್ದರೆ ಇಷ್ಟೊಂದು ವಚನಗಳು ದರ್ಶನ ಹಾಗೂ ಶ್ರವಣ ಭಾಗ್ಯ ನಮಗೆ ದೊರೆಯುತ್ತಿರಲಿಲ್ಲ ಅಲ್ಲವೇ?

    ಶಾರೀರಿಕ ಹಾಗೂ ಮಾನಸಿಕ ಶ್ರಮವನ್ನು ಪರಿಗಣಿಸದೇ ಉತ್ತಂಗಿಯವರು ಸರ್ವಜ್ಞನ ವಚನಗಳನ್ನು ಬೆಳಕಿಗೆ ತಂದರು. ಇಂದು ಸರ್ವಜ್ಞನ ಸೊಲ್ಲು ಸರ್ವರ ನಾಲಿಗೆಯಲ್ಲಿ ನಲಿಯುವಂತೆ ಮಾಡುವಲ್ಲಿ ಉತ್ತಂಗಿಯವರ ಶ್ರಮ ಶ್ಲಾಘನೀಯ.